ଗୋଟିଏ କି ଦୁଇଟି ନୁହେଁ, ଏକାସାଙ୍ଗରେ ୬ଟି ବାଘ ଏକାଠି ହୋଇ ବୁଲିବାର ବିରଳ ଦୃଶ୍ୟ ସୋସିଆଲ ମିଡିଆରେ ଏବେ ଭାଇରାଲ ହେଉଛି। ଆଜି ସକାଳେ ଅଭିନେତା ରଣଦୀପ ହୁଡା ତାଙ୍କ ଟୁଇଟର ପେଜ୍ରେ ଏହି ଭିଡିଓଟି ଶେୟାର କରିଛନ୍ତି।
ଭିଡିଓରେ ଜଙ୍ଗଲ ମଧ୍ୟ ଦେଇ ଯାଇଥିବା ଏକ ରାସ୍ତାରେ ଏହି ବାଘମାନେ ଏକାଠି ବୁଲୁଥିବାର ନଜର ଆସିଛନ୍ତି। ମହାରାଷ୍ଟ୍ରର ନାଗପୁର ନିକଟସ୍ଥ ଉମ୍ରେଦ-କାରଖଣ୍ଡଲା ବନ୍ୟପ୍ରାଣୀ ଅଭୟାରଣ୍ୟରେ ଭିଡିଓଟି ଶୁଟିଂ ହୋଇଥିବା ଜଣାଯାଇଛି।
Chappar Phad ke ..
Umrer – karhandla
VC : WA forward pic.twitter.com/qrQUb4Jk5P
— Randeep Hooda (@RandeepHooda) November 19, 2021
ଭିଡିଓରେ ଅଫ୍ କ୍ୟାମେରାରେ ଥିବା ଦୁଇ ଜଣ ବ୍ୟକ୍ତିଙ୍କ କଥା ଶୁଣିବାକୁ ମିଳିଛି। ବାଘଗୁଡ଼ିକ ତାଙ୍କ ଆଡକୁ ଆସୁଥିବା କହୁଛନ୍ତି। କିଛି ସମୟର ଏହି ଭିଡିଓରେ ଏକ ଗାଡ଼ି ପଛରୁ ବଡ଼ ବିଲେଇଟି ତାଙ୍କ ନିକଟକୁ ଆସୁଛି। ଗାଡ଼ିଟିକୁ ଦେଖିବା ପରେ ଗୋଟିଏ ବାଘ ଜଙ୍ଗଲରେ ଅଦୃଶ୍ୟ ହୋଇଥିବାବେଳେ ଅନ୍ୟମାନେ ଚାଲି ଯାଉଛନ୍ତି।
ଭିଡିଓ ଶେୟାର କରି ଅଭିନେତା ରଣଦୀପ ଏଥିରେ କ୍ୟାପଶନ ଲେଖିଛନ୍ତି: ‘ଛପର ଫାଡ୍ କେ’। ଭିଡିଓଟି ଖୁବ୍ ଭାଇରାଲ ହେଉଛି। ଏହା ଉପରେ ୟୁଜରମାନେ ନାନା ପ୍ରତିକ୍ରିୟା ଦେଇଛନ୍ତି। ଜଣେ ୟୁଜର ଲେଖିଛନ୍ତି, ବାସ୍ତବରେ କୌତୂହଳପ୍ରଦ। ସେହିପରି ଅନ୍ୟ ଜଣେ ୟୁଜର ଲେଖିଛନ୍ତି, ଅବିଶ୍ୱସନୀୟ। ସେହିପରି ଆଉ କିଛି ୟୁଜରଙ୍କୁ ଭିଡିଓଟି ଏତେ ପସନ୍ଦ ଆସିଛି ଯେ, ସେମାନେ ନିଜ ନିଜ ସୋସିଆଲ ମିଡିଆ ପେଜ୍ରେ ଶେୟାର କରିବାରେ ଲାଗିଛନ୍ତି।
