ପାଟନା, ୩ା୨:ବିହାରର ବେଟ୍ଟିହାରେ ଥିବା ମଝଉଲିଆ ରେଳଷ୍ଟେଶନରେ ଗୁରୁବାର ସତ୍ୟାଗ୍ରହ ଏକ୍ସପ୍ରେସ୍ ଟ୍ରେନ୍ର ୫ଟି ବଗି ଇଞ୍ଜିନ୍ରୁ ଅଲଗା ହୋଇଯାଇଥିଲା। ସକାଳ ୧୦ଟା ସମୟରେ ଏହି ଘଟଣା ଘଟିଥିବାବେଳେ ଉକ୍ତ ୫ ବଗିକୁ ଛାଡ଼ି ଇଞ୍ଜିନ୍ ବହୁ କିଲୋମିଟର ଆଗକୁ ଚାଲିଯାଇଥିଲା। ଘଟଣା ନେଇ ଯାତ୍ରୀଙ୍କ ମଧ୍ୟରେ ଭୟର ବାତାବରଣ ଦେଖିବାକୁ ମିଳିଥିଲା। ସୂଚନା ପାଇ ପୂର୍ବ-କେନ୍ଦ୍ରୀୟ ରେଳ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ଅଲଗା ହୋଇଯାଇଥିବା ବଗିକୁ ପୁଣିଥରେ ଇଞ୍ଜିନ ସହ ସଂଯୋଗ କରିଥିଲେ। ଟ୍ରେନ୍ଟି ବିବାହର ରାକ୍ସାଉଲ ଜିଲାରୁ ଦିଲ୍ଲୀ ଅଭିମୁଖେ ଯାତ୍ରା କରୁଥିଲା। ତେବେ ଘଟଣାରେ କୌଣସି ଯାତ୍ରୀ ଆହତ ହୋଇ ନାହାନ୍ତି। ରେଳ ବିଭାଗ ପକ୍ଷରୁ ଘଟଣାର ଯାଞ୍ଚ ନିର୍ଦ୍ଦେଶ ଦିଆଯାଇଛି। ଇଞ୍ଜିନ ସହିତ ବଗିକୁ ସଂଯୋଗ କରୁଥିବା କପଲିଙ୍ଗରେ ତ୍ରୁଟି କାରଣରୁ ବଗି ଅଲଗାହୋଇଯାଇଥିବା କୁହାଯାଉଛି। ସମାନ ଘଟଣା ଗତ ଡିସେମ୍ବରରେ ବିହାରର ଟଙ୍କୁପ୍ପା ରେଳ ଷ୍ଟେଶନ୍ରେ ଘଟିଥିଲା। ଏକ ମାଲ୍ ବୋଝେଇ ଟ୍ରେନ୍ର ୩ଟି ବଗିକୁ ଛାଡ଼ି ଅନ୍ୟ ବଗି ସହ ଇଞ୍ଜିନ ଚାଲିଯାଇଥିଲା।
