ନୈନିତାଲ,୧୦।୪ : ଉତ୍ତରାଖଣ୍ଡର ହାଲଦାନି ଜେଲରେ ୪୪ ଜଣ କଏଦୀ ହ୍ୟୁମାନ ଇମ୍ୟୁନୋଡେଫେସିସିସି ଭାଇରସ (ଏଚଆଇଭି) ସଂକ୍ରମିତ ହୋଇଥିବା ଜଣାପଡିଛି। ସୁଶୀଲା ତିୱାରୀ ହସ୍ପିଟାଲର ଏଆରଟି ସେଣ୍ଟର୍ ଦାୟିତ୍ୱରେ ଥିବା ଡାକ୍ତର ପରମଜିତ ସିଂ କହିଛନ୍ତି ଯେ ସଂକ୍ରମିତ କଏଦୀଙ୍କ ମଧ୍ୟରେ ଜଣେ ମହିଳା କଏଦୀଙ୍କ ନମୁନା ଏଚ.ଆଇ.ଭି ପଜିଟିଭ ମିଳିଛି।
ଡାକ୍ତରଙ୍କ କହିବାନୁସାରେ, ଏଚ.ଆଇ.ଭି ସଂକ୍ରମିତ କଏଦୀଙ୍କ ସଂଖ୍ୟା କ୍ରମାଗତ ଭାବେ ବୃଦ୍ଧି ଯୋଗୁଁ ଜେଲ ପ୍ରଶାସନଙ୍କ ଚିନ୍ତା ବଢ଼ିବାରେ ଲାଗିଛି। ବନ୍ଦୀମାନଙ୍କ ଚିକିତ୍ସା ବିଷୟରେ ସୂଚନା ଦେଇ ପ୍ରଶାସନ କହିଛି ଯେ ଏଚ.ଆଇ.ଭି ରୋଗୀଙ୍କ ପାଇଁ ଏକ ଏଆର୍ଟି. ଦଳ କ୍ରମାଗତ ଭାବରେ ଜେଲରେ ଥିବା ବନ୍ଦୀମାନଙ୍କୁ ଯାଞ୍ଚ କରୁଛନ୍ତି।
ଏଚଆଇଭି ସଂକ୍ରମିତ ଅନ୍ତେବାସୀଙ୍କୁ ଜାତୀୟ ଏଡସ ନିୟନ୍ତ୍ରଣ ସଂଗଠନ ର ନିର୍ଦ୍ଦେଶାବଳୀ ଆଧାରରେ ମାଗଣା ଚିକିତ୍ସା ଏବଂ ଔଷଧ ଯୋଗାଇ ଦିଆଯାଉଛି।
ବର୍ତ୍ତମାନ ଜେଲରେ ୧୬୨୯ ପୁରୁଷ ଏବଂ ୭୦ ମହିଳା କଏଦୀ ଅଛନ୍ତି। ଏତେ ସଂଖ୍ୟକ କଏଦୀ ଏଚ.ଆଇ.ଭି ପଜିଟିଭ ଥିବା ଜଣାପଡିବା ପରେ ଜେଲ ପ୍ରଶାସନ ବନ୍ଦୀମାନଙ୍କର ନିୟମିତ ଯାଞ୍ଚ କରୁଛି। ଯାହା ଦ୍ୱାରା ଏଚ.ଆଇ.ଭି ସଂକ୍ରମିତ କଏଦୀମାନେ ଠିକ ସମୟରେ ଚିକିତ୍ସିତ ହୋଇପାରିବେ।
