ପିସିସି କର୍ମକର୍ତ୍ତାଙ୍କୁ ଜିଲା ଦାୟିତ୍ୱ ବଣ୍ଟନ
10:40 amNovember 23, 2021November 23, 2021 / 09

ଭୁବନେଶ୍ୱର,୨୨।୧୧(ବ୍ୟୁରୋ): ଆଗାମୀ ପଞ୍ଚାୟତ ନିର୍ବାଚନକୁ ଦୃଷ୍ଟିରେ ରଖି ଜିଲା, ବ୍ଲକ ଓ ପଞ୍ଚାୟତ ସ୍ତରରେ ସଙ୍ଗଠନକୁ ସୁଦୃଢ଼ ତଥା କ୍ରିୟାଶୀଳ କରିବାକୁ ଲାଗିପଡିଛି କଂଗ୍ରେସ। ପିସିସି ସଭାପତି ନିରଞ୍ଜନ ପଟ୍ଟନାୟକ ମଙ୍ଗଳବାର ଜିଲା କଂଗ୍ରେସ କମିଟି ଉପସଭାପତି, ସାଧାରଣ ସମ୍ପାାଦକ, କାର୍ଯ୍ୟକାରୀ କମିଟି ସଦସ୍ୟଙ୍କୁ ଦାୟିତ୍ୱ ବଣ୍ଟନ କରିଛନ୍ତି।
ଅନୁଗୋଳ ଜିଲା ଦାୟିତ୍ୱ ସାଧାରଣ ସମ୍ପାଦକ ବିଶ୍ୱଭୂଷଣ ଦାସ ଓ ସମ୍ପାଦକ ସୁରେଶ ପାଣିଗ୍ରାହୀଙ୍କୁ ଦିଆଯାଇଥିବାବେଳେ ବାଲେଶ୍ୱର ପାଇଁ ସାଧାରଣ ସମ୍ପାଦକ ଅଶୋକ କୁମାର ଦାସ ଓ ସମ୍ପାଦକ ମନୋଜ କୁମାର ବିଶ୍ୱାଳ, ବରଗଡ଼ ଦାୟିତ୍ୱ ସାଧାରଣ ସମ୍ପାଦକ ରାଜକିଶୋର ଷଢ଼ଙ୍ଗୀ ଓ ସମ୍ପାଦକ ମାନସ ଆଚାର୍ଯ୍ୟ, ଭଦ୍ରକ ଦାୟିତ୍ୱ ସାଧାରଣ ସମ୍ପାଦକ ସତ୍ୟଶିବ ଦାସ ଓ ସମ୍ପାଦକ ସଗ୍ରାମ କେଶରୀ ଦାସଙ୍କୁ ଦିଆଯାଇଥିବାବେଳେ ଭୁବନେଶ୍ୱର ପାଇଁ ଉପସଭାପତିଭାବେ ଗଣେଶ୍ୱର ବେହେରା ଓ ସମ୍ପାଦକ ଶାନ୍ତାୟନ ମିଶ୍ର ରହିଛନ୍ତି। ସେହିପରି ବଲାଙ୍ଗୀର ପାଇଁ କାର୍ଯ୍ୟକାରୀ କମିଟି ସଭ୍ୟ ସତ୍ୟଭୂଷଣ ସାହୁ ଓ ସମ୍ପାଦକ ସୀମାଞ୍ଚଚଳ ଉଲ୍ଲାକା, ବୌଦ୍ଧ ପାଇଁ ସାଧାରଣ ସମ୍ପାଦକ ଆଶଫ ଖାନ, ସମ୍ପାଦକ ସୂର୍ଯ୍ୟକାନ୍ତି ବାଗ ଓ ଗୌର ନାୟକ, କଟକ ପାଇଁ ସାଧାରଣ ସମ୍ପାଦକ ସତ୍ୟପ୍ରକାଶ ନାୟକ, ସମ୍ପାଦକ ଉମେଶ ଜେନା ଓ ସମ୍ପାଦିକା ପ୍ରତିମା ମଲ୍ଲିକ, କଟକ ନଗର ଦାୟିତ୍ୱରେ ଉପସଭାପତି ଯଜ୍ଞେଶ୍ୱର ବାବୁ ଓ ସମ୍ପାଦିକା ଶ୍ରୀୟା ମହାନ୍ତି, ଦେବଗଡ଼ ଦାୟିତ୍ୱ ଉପସଭାପତି ରନତ୍ମଣି ଉଲ୍ଲାକା ଓ ସମ୍ପାଦକ ଦୁର୍ଗା ପାଢ଼ୀ, ଢ଼େଙ୍କାନାଳ ପାଇଁ ଉପସଭାପତି ସୁରେଶ ମହାପାତ୍ର ଓ ସମ୍ପାଦକ ବିଜୟାନନ୍ଦ ଚାଉଳିଆ, ଗଜପତି ପାଇଁ ସାଧାରଣ ସମ୍ପାଦକଭାବେ ଲଲାଟେନ୍ଦୁ ମହାପାତ୍ର ଓ ସମ୍ପାଦକ ନଳିନୀ ସ୍ବାଇଁ, ଗଞ୍ଜାମ (ବ୍ରହ୍ମପୁର ଲୋକସଭା) ପାଇଁ ଉପସଭାପତି ଶିବାନନ୍ଦ ରାୟ ଓ ସମ୍ପାଦକ ଲିଙ୍ଗରାଜ ସାହୁ, ଆସ୍କା ଲୋକସଭା ପାଇଁ ସାଧାରଣ ସମ୍ପାଦକ କିଶୋର ଜେନା ଓ ସମ୍ପାଦକ କୈଳାସ ମୁଖି ଓ ହେମରାଜ ବାଗଙ୍କୁ ଦାୟିତ୍ୱ ଦିଆଯାଇଛି।
ସେହିପରି ପିସିସି ସାଧାରଣ ସମ୍ପାଦକ ଚିନ୍ମୟ ସୁନ୍ଦର ଦାସଙ୍କୁ ଅଫିସ ପ୍ରୋଟୋକଲ, ସାଧାରଣ ସମ୍ପାଦିକା ମମତା ମାଢ଼ୀ ଓ ସମ୍ପାଦିକା ଅର୍ଚ୍ଚନା ନନ୍ଦିଙ୍କୁ ମହିଳା କଂଗ୍ରେସ ଏବଂ ବାକିସବୁ ଜିଲାର ଦାୟିତ୍ୱ ଅନ୍ୟ କର୍ମକର୍ତ୍ତାଙ୍କୁ ବଣ୍ଟନ କରାଯାଇଥିବା ପିସିସି ଉପସଭାପତି ଯଜ୍ଞେଶ୍ୱର ବାବୁ ସୂଚନା ଦେଇଛନ୍ତି।ଜିଲାସେହିପରି ଅନ୍ୟ କର୍ମକର୍ତ୍ତାଙ୍କୁ ବାକି ଜିଲାଗୁଡିକ ପାଇଁ ଦାୟୀତ୍ୱ ପ୍ରଦାନ କରାଯାଇଛି।