ଦିଗପହଣ୍ଡି,୩୦ା୪(ଡି.ଏନ୍.ଏ.): ଗଞ୍ଜାମ ଜିଲା ଦିଗପହଣ୍ଡି ଥାନା ଅନ୍ତର୍ଗତ ବିଭିନ୍ନ ସ୍ଥାନରେ ଚୋରାମଦ କାରବାର ଚାଲୁଥିବା ସମ୍ପର୍କରେ ସୂଚନା ପାଇ ବ୍ରହ୍ମପୁର ଷ୍ଟ୍ରାଇକିଂ ଫୋର୍ସ ଓ ଦିଗପହଣ୍ଡି ଅବକାରୀ ଦଳ ପୃଥକ୍ ସ୍ଥାନରେ ମିଳିତ ଚଢ଼ାଉ କରି ୧୧୯ ଲିଟର ଚୋରା ଦେଶୀ ମଦ ଜବତ କରିଛନ୍ତି। ଏଥିରେ ସଂପୃକ୍ତ ୪ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଥିବା ଜଣାପଡ଼ିଛି। ଗିରଫ ଅଭିଯୁକ୍ତମାନେ ହେଲେ ବଡ଼ବୁରୁଡା ଗ୍ରାମର ସୀମାଞ୍ଚଳ ମଳିକ ଓ ରମା ମଳିକ, ବିରିବାଡିଆ ଗ୍ରାମର ରମା ମଳିକ, ମହୁଲପଡ଼ା ଗ୍ରାମର ତ୍ରିନାଥ ମଳିକ।
ଜିଲା ଆରକ୍ଷୀ ଅଧୀକ୍ଷକ ରମେନ୍ଦ୍ର ନାରାୟଣ ନାୟକଙ୍କ ନିର୍ଦ୍ଦେଶକ୍ରମେ,ଚିକିଟି ଅବକାରୀ ଉପଅଧୀକ୍ଷକ ବିଜୟ କୁମାର ଧାରୁଆ,ବ୍ରହ୍ମପୁର ଷ୍ଟ୍ରାଇକିଂ ଫୋର୍ସ ଓ ଦିଗପହଣ୍ଡି ଅବକାରୀ ମିଳିତ ଭାବେ ପାଟ୍ରୋଲିଂ କରୁଥିବାବେଳେ ଚୋରା ଦେଶୀମଦ ବିକ୍ରି ଚାଲୁଥିବାର ସୂଚନା ପାଇ ଚଢ଼ାଉ କରିଥିଲେ। ଏହି ଚଢ଼ାଉରେ ବ୍ରହ୍ମପୁର ଷ୍ଟ୍ରାଇକିଂ ଫୋର୍ସ ଏସ୍.ଆଇ ଅଭିରାମ ସାହୁ,ଦିଗପହଣ୍ଡି ଅବକାରୀ ଏସ୍ଆଇ ସନ୍ତୋଷ କୁମାର ସାହୁ, ଏଏସ୍ଆଇ ଇଦ୍ରୀଶ୍ ଖାନ୍,ବସନ୍ତ କୁମାର ବେହେରା, ରତ୍ ଶବର,ଏନ୍.ତ୍ରିପତୀ,ସ୍ବୟମ୍ଭୁ କହଁର,ପଦ୍ମାବତୀ ସେଠୀ,ଜି.ହରିବନ୍ଧୁ,ମନୋରଞ୍ଜନ ମହାପାତ୍ର ପ୍ରମୁଖ ସାମିଲ ଥିଲେ।
