ଆପଣ ନିଶ୍ଚିତ ପୁରାତନ ସମୟର ରାଜାରାଜୁଡ଼ାଙ୍କ ବିଷୟରେ ଶୁଣିଥିବେ, ଯେଉଁମାନଙ୍କର ଏକାଧିକ ସ୍ତ୍ରୀ ଥିଲେ। ସେହି ସମୟରେ ଏହି ଧାରା ସାଧାରଣ ଥିଲା। କିନ୍ତୁ ଆଜି କୌଣସି ବ୍ୟକ୍ତି ଏହା କରିପାରିବେ ନାହିଁ। ଏତେ ସଂଖ୍ୟକ ସ୍ତ୍ରୀଙ୍କ ସହ ରହିବାକୁ କେହି ଭାବି ପାରିବେ ନାହିଁ, କିନ୍ତୁ ଏହି ସମୟରେ ଜଣେ ବ୍ୟକ୍ତି ୩୭ ତମ ବିବାହ କରିଛନ୍ତି। ଏହାର ଏକ ଭିଡିଓ ଭାଇରାଲ ହେବାରେ ଲାଗିଛି।
ଏହି ଭିଡିଓକୁ ଆଇପିଏସ୍ ରୁପିନ ଶର୍ମା ତାଙ୍କ ଅଫିସିଆଲ ଟୁଇଟର ଆକାଉଣ୍ଟରେ ଶେୟାର କରିଛନ୍ତି। ଏଥିରେ ସେ କ୍ୟାପଶନ ଲେଖିଛନ୍ତି, ସବୁଠାରୁ ସାହସୀ ବ୍ୟକ୍ତି। ଯାହାଙ୍କର ୨୮ ସ୍ତ୍ରୀ, ୧୩୫ ପିଲା ଏବଂ ୧୨୬ ନାତିନାତୁଣୀଙ୍କ ସାମ୍ନାରେ ୩୭ ତମ ବିବାହ କରିଛନ୍ତି। ଏହି ଭିଡିଓ ଦେଖି ଲୋକମାନେ ବିଭିନ୍ନ ମନ୍ତବ୍ୟ ଦେଉଛନ୍ତି।
ଭିଡିଓରେ ଦେଖିବାକୁ ମିଳେ ଯେ, ଏକ ସଜ୍ଜିତ ସୁନ୍ଦର କନ୍ୟାଙ୍କ ମୁହଁରେ ପରଦା ପଡ଼ିଛି। ଏହି ପରଦା ଉଠାଯାଉଛି ଏବଂ ତା’ପରେ ସେ ଜଣେ ବୃଦ୍ଧଙ୍କ ସହିତ ବସିବା ପାଇଁ ପ୍ରସ୍ତୁତ ହେଉଛନ୍ତି। ଏହି ବ୍ୟକ୍ତି ତାଙ୍କ ପିତା ନୁହନ୍ତି ବରଂ ତାଙ୍କ ସ୍ବାମୀ। ଭିଡିଓଟି ୪୫ ସେକେଣ୍ଡର ଅଟେ। ବିବାହ କରିଥିବା ଝିଅଟି ଶାନ୍ତ ଦେଖାଯାଉଛନ୍ତି, କିନ୍ତୁ ବୃଦ୍ଧ ବ୍ୟକ୍ତିଙ୍କ ପରିବାର ସଦସ୍ୟ ବହୁତ ଉତ୍ସାହିତ। ସେମାନେ କେବଳ ଫଟୋ ଏବଂ ଭିଡିଓ ତିଆରି କରିବାରେ ବ୍ୟସ୍ତ। ସେମାନେ ବରକୁ କରତାଳି ଦେଇ ସ୍ବାଗତ କରୁଥିବା ମଧ୍ୟ ଦେଖାଯାଉଛି।
ଜଣେ ୟୁଜର ଲେଖିଛନ୍ତି, କେତେ ବଡ଼ ଭାଗ୍ୟ, ଜଣେ ସ୍ତ୍ରୀଙ୍କୁ ରଖିବା କଷ୍ଟକର। ଅନ୍ୟ ଜଣେ ୟୁଜର ଲେଖିଛନ୍ତି, ଏଇଟା ତାଙ୍କ ଶେଷ ବିବାହ ନା ଆଉ ବିବାହ କରିବେ।
