କେସିଙ୍ଗା,୨୬।୯(ଡି.ଏନ.ଏ.): କଳାହାଣ୍ଡି ଜିଲା କେସିଙ୍ଗା ବ୍ଲକ୍ ଶିରୋଲ ଗ୍ରାମରେ ଥମୁନାହିଁ ଝାଡ଼ାବାନ୍ତି। ଗତ ୬ଦିନ ହେଲା ଗ୍ରାମରେ ଝାଡ଼ାବାନ୍ତି ଲାଗିରହିଛି। ବର୍ତ୍ତମାନ ସୁଦ୍ଧା ଗ୍ରାମରେ ୩୬ଜଣ ଆକ୍ରାନ୍ତ ହୋଇଥିବା ବେଳେ ସେମାନଙ୍କ ମଧ୍ୟରୁ ୨ଜଣଙ୍କ ଅବସ୍ଥା ଗୁରୁତର ରହିଛି। ସେମାନେ ହେଲେ ଯୋଗେନ୍ଦ୍ର ଗୌଡ଼(୫୦) ଓ ପଦୁ ଭୋଇ(୬୦)। ତାଙ୍କୁ ଭବାନୀପାଟଣା ସରକରୀ ହସ୍ପିଟାଲକୁ ସ୍ଥାନାନ୍ତରିତ କରାଯାଇଛି।
ଅନ୍ୟପକ୍ଷେ, ଶିରୋଲ ସରପଞ୍ଚଙ୍କ ନେତୃତ୍ୱରେ ଅଞ୍ଚଳରେ ବ୍ଲିଚିଂ ପାଉଡର ପକାଯାଇଥିଲା। ଏହା ସତ୍ତ୍ୱେ ଝାଡ଼ାବାନ୍ତି କମୁନଥିବାରୁ ସରପଞ୍ଚଙ୍କ ଅଭିଯୋଗ କ୍ରମେ ସୋମବାର ପାଷ୍ଟିକୁଡି ଗୋଷ୍ଠୀ କେନ୍ଦ୍ରରୁ ଏକ ୫ ଜଣିଆ ଡାକ୍ତରୀ ଟିମ୍ ଗ୍ରାମରେ ପହଞ୍ଚି ଲୋକଙ୍କ ସ୍ବାସ୍ଥ୍ୟ ପରୀକ୍ଷା କରିଥିଲେ। ତେବେ ଗ୍ରାମରେ ଗୋଟିଏ କୂଅରୁ ପାଣି ପିଉଥିବାରୁ ଝାଡ଼ାବାନ୍ତି ବ୍ୟାପି ଥାଇପାରେ ବୋଲି ଡାକ୍ତର ଦଳ ପ୍ରକାଶ କରିଛନ୍ତି।
