ନୂଆଦିଲ୍ଲୀ,୨୬ ।୯: କେନ୍ଦ୍ରମନ୍ତ୍ରୀ ନାରାୟଣ ରାଣେଙ୍କୁ ସୁପ୍ରିମକୋର୍ଟଙ୍କ ପକ୍ଷରୁ ବଡ ଝଟକା ଲାଗିଛି । କୋର୍ଟ କେନ୍ଦ୍ରମନ୍ତ୍ରୀଙ୍କ ସେହି ଆବେଦନକୁ ଖାରଜ କରିଦେଇଛନ୍ତି ଯେଉଁଥିରେ ‘ଆଦିଶ ବଙ୍ଗଳା’ରେ କଥିତ ଭାବେ ଅନଧିକୃତ ନିର୍ମାଣକୁ ଭାଙ୍ଗିବାକୁ ବମ୍ବେ ହାଇକୋର୍ଟଙ୍କ ନିର୍ଦ୍ଦେଶକୁ ରୋକିବାକୁ ଆବେଦନ କରାଯାଇଥିଲା । କୋର୍ଟଙ୍କ ନିର୍ଦ୍ଦେଶ କ୍ରମେ ନାରାୟଣ ରାଣେ ଆସନ୍ତା ୨ ମାସ ମଧ୍ୟରେ ନିଜେ ଅବୈଧ ନିର୍ମାଣକୁ ଭାଙ୍ଗିବେ । ଏମିତି ନ କଲେ ବୃହାନମୁମ୍ବାଇ ମହାନଗର ପାଳିକା କୋଠାକୁ ଭାଙ୍ଗିଦେବ ।
ଆରଟିଆଇ ଆକ୍ଟିଭିଷ୍ଟ ସନ୍ତୋଷ ଦୌଂଡକର ବିଏମସିରେ ଅଭିଯୋଗ କରିଥିଲେ କି ନାରାୟଣ ରାଣେଙ୍କ ବଙ୍ଗଳାରେ ଅନଧିକୃତ ନିର୍ମାଣ କରାଯାଇଛି । ବିଏମସି ଜୁହୁ ସ୍ଥିତ ଅଦିଶା ବଙ୍ଗଳାକୁ ଧାରା ୩୫୧(୧)ର ନୋଟିସ ଜାରି କରି କୁହାଯାଇଥିଲା କି କେନ୍ଦ୍ର ମନ୍ତ୍ରୀ ଅନଧିକୃତ ନିର୍ମାଣ କରିଛନ୍ତି । ଏହାପରେ ବିଏମସି ଅଧିକାରୀ ତାଙ୍କୁ ପ୍ରମାଣ କରିବାକୁ କହିଥିଲେ କି ବଙ୍ଗଳାରେ କରାଯାଇଥିବା ପରିବର୍ତ୍ତନ ସ୍ୱୀକୃତ କରାଯାଇଥିବା ନକ୍ସା ଅନୁସାରେ କରାଯାଇଛି । ଏହାପରେ ରାଣେ ସମସ୍ତ ଦସ୍ତାବିଜ ନଗର ପାଳିକାକୁ ଦେଖାଇଥିଲେ ହେଲେ ବିଏମସି ତାଙ୍କ ଜବାବରେ ସନ୍ତୁଷ୍ଟ ହୋଇ ନ ଥିଲା ଓ ପରେ ତାଙ୍କୁ ପୁଣି ନୋଟିସ ପଠାଯାଇଥିଲା ।
