ଚେନ୍ନାଇ,୧୯।୧: ତାମିଲନାଡ଼ୁର ଜଣେ ୟୁଟ୍ୟୁବ୍ରଙ୍କ ବିରୋଧରେ ମାମଲା ରୁଜୁ ହୋଇଛି। ସେ ୩ଜଣଙ୍କ ସହ ମିଶି ଜଲ୍ଲିକଟ୍ଟୁର ଷଣ୍ଢକୁ ଜିଅନ୍ତା କୁକୁଡ଼ା ଖାଇବାକୁ ଦେଇଥିବାର ଅଭିଯୋଗ ହୋଇଥିଲା। ଡିସେମ୍ବର ୨୦୨୩ରେ ୟୁଟ୍ୟୁବ୍ରେ ଭିଡିଓ ଅପ୍ଲୋଡ ହୋଇଥିବା ବେଳେ ତାହା ଭାଇରାଲ ହୋଇଥିଲା। ପୋଲିସ ଘଟଣାକୁ ଗୁରୁତର ସହ ନେଇ ଏକ ମାମଲା ରୁଜୁ କରିଥିଲା। ତେବେ ଅଭିଯୁକ୍ତ ୟୁଟ୍ୟୁବର୍ଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ବିଭିନ୍ନ ମହଲରେ ଦାବି କରାଯାଉଛି।
ଷଣ୍ଢକୁ ଜିଅନ୍ତା କୁକୁଡ଼ା ଖାଇବାକୁ ଦେବା ମାମଲା ସାଲେମ ଜିଲାର ଚିନ୍ନାପମ୍ପଟ୍ଟିର । ଏହି ଦୃଶ୍ୟ ଥିବା ୨.୪୮ ମିନିଟର ଭିଡିଓ ଏକ ୟୁଟ୍ୟୁବ ଚ୍ୟାନେଲରେ ଅପଲୋଡ ହୋଇଛି। ଭିଡିଓରେ ୩ଜଣ ଷଣ୍ଢକୁ କାବୁ କରି ଜିଅନ୍ତା କୁକୁଡ଼ା ଖାଇବାକୁ ବାଧ୍ୟ କରୁଛନ୍ତି। ପିପୁଲ୍ଓ ଫର କ୍ୟାଟଲ୍ ଏମ୍ ଇଣ୍ଡିଆ(ପିଏଫ୍ସିଏଆଇ) ପ୍ରତିଷ୍ଠାତା ଅରୁଣ ପ୍ରସନ୍ନ ଏହି ଘଟଣାକୁ ନେଇ ପୋଲିସ ନିକଟରେ ମାମଲା ଦାୟର କରିଛନ୍ତି।
ପ୍ରସନ୍ନ କହିଛନ୍ତି, ଷଣ୍ଢ ଏକ ଶାକାହାରୀ ପ୍ରାଣୀ। ଏହାକୁ ଜୀବନ୍ତ କୁକୁଡ଼ା ଖାଇବାକୁ ବାଧ୍ୟ କରାଯାଇଛି। ଏହା ଅତ୍ୟନ୍ତ ନିଷ୍ଠୁର ମାମଲା। ଷଣ୍ଢଟି କିଭଳି ମାଂସ, ପର ଏବଂ ହାଡ଼କୁ ଚୋବାଇ ପାରିବ? ଏଥିଲାଗି କେତେ ଅସୁବିଧାର ସମ୍ମୁଖୀନ ହେବାକୁ ପଡ଼ିଥିବ? ଏହା କଳ୍ପନା ବାହାରେ।
ମାମଲା ରୁଜୁ ହୋଇଥିଲେ ହେଁ ପୋଲିସ ଏଯାବତ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନାହିଁ। ଖୁବ୍ଶୀଘ୍ର ଏହି ଘଟଣାର ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପୋଲିସ କହିଛି।
