ବରଗଡ଼ ଅଫିସ,୧୫ା୧୧: ଶନିବାର ଥିଲା ଆଲୋକର ପର୍ବ ଦୀପାବଳି। ସାରାରାତି ଆଲୁଅରେ ଝଲସି ଉଠୁଥିଲା। ଲୋକେ ହସଖୁସିରେ ଦୀପାବଳି ପାଳନ କରୁଥିଲେ। ମାତ୍ର ବିଳମ୍ବିତ ରାତିରେ ବରଗଡ଼-ବଲାଙ୍ଗୀର ୨୦୧ ନମ୍ବର ଜାତୀୟ ରାଜପଥର ସରସରା ଛକ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ୩ ଜଣଙ୍କ ଜୀବନ ଦୀପ ଲିଭି ଯାଇଛି। ଏକ ଟ୍ରକ ଅନ୍ୟ ଏକ ଅଟୋକୁ ଧକ୍କା ଦେବା ଯୋଗୁ ଘଟଣାସ୍ଥଳରେ ୩ ଜଣଙ୍କର ଜୀବନ ଦୀପ ଲିଭି ଯାଇଥିଲା। ବରଗଡ଼ ସଦର ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ସ୍ଥାନୀୟ ଡାକ୍ତରଖାନାକୁ ଆଣିବା ସହିତ ତଦନ୍ତ ଚଳାଇଛି। ଦୀପାବଳିରେ ଏଭଳି ଏକ ଦୁର୍ଘଟଣା ସମସ୍ତଙ୍କୁ ସ୍ତବ୍ଧ କରିଦେଇଛି।
