ପରିବାରଠୁ ଦୂରେଇ ଦେଇଛି ବାତ୍ୟା

ପାରାଦୀପ,୭ା୧(ସ୍ବ:ପ୍ର:): ଗତ ଅକ୍ଟୋବରରେ ୨ଟି ବୋଟ୍‌ ଯୋଗେ ସମୁଦ୍ରରେ ମାଛ ଧରୁଥିଲେ। ସେଥିରେ ଥିଲେ ୩୭ ଜଣ ବାଂଲାଦେଶୀ ମତ୍ସ୍ୟଜୀବୀ। ଏହି ସମୟରେ ବାତ୍ୟା ‘ସିତରଙ୍ଗ’ ପ୍ରଭାବରେ ଉଭୟ ବୋଟ୍‌ ଓଲଟି ପଡ଼ିଥିଲା। ସେମାନେ ସମସ୍ତେ ଅଥଳ ସମୁଦ୍ରରେ ଭାସୁଥିଲେ। ସେମାନଙ୍କ ମଧ୍ୟରୁ ୩ଜଣଙ୍କୁ ବାଲେଶର ଅଞ୍ଚଳର ‘ରଘୁନାଥ’ ନାମକ ମାଛଧରା ବୋଟ୍‌ର ମତ୍ସ୍ୟଜୀବୀ ଅକ୍ଟୋବର ୨୮ରେ ସାଗରଦ୍ୱୀପଠାରୁ ୯୦ ନଟିକାଲ ମାଇଲ (୧୬୨କିମି) ସମୁଦ୍ରରୁ ମୁର୍ମୂର୍ଷୁ ଅବସ୍ଥାରେ ଉଦ୍ଧାର କରିଥିଲେ। ପରେ ସେମାନଙ୍କୁ ଆଣି ପାରାଦୀପ ମାଛଧରାବନ୍ଦର ପରିସରରେ ମତ୍ସ୍ୟବିଭାଗ ଅଧିକାରୀଙ୍କ ଉପସ୍ଥିତିରେ ମେରାଇନ ପୋଲିସକୁ ହସ୍ତାନ୍ତର କରିଥିଲେ। ପୋଲିସ ୩ ବାଂଲାଦେଶୀ ମତ୍ସ୍ୟଜୀବୀଙ୍କୁ ନେଇ ପ୍ରଥମେ ଅଠରବାଙ୍କି ବିଜୁ ମେମୋରିଆଲ ହସ୍ପିଟାଲରେ ଭର୍ତ୍ତି କରିଥିଲା। ସୁସ୍ଥ ହେବାପରେ ସେମାନଙ୍କୁ ଅଠରବାଙ୍କିର ଆଶ୍ରୟ କେନ୍ଦ୍ରରେ ରଖାଯାଇଛି। ପୋଲିସ ସେମାନଙ୍କୁ ଦିନରାତି ଜଗି ରହୁଛି। ଜିଲା ପ୍ରଶାସନ ପକ୍ଷରୁ ସେମାନଙ୍କ ଖାଇବା ବନ୍ଦୋବସ୍ତ କରାଯାଇଛି। ଜିଲା ପ୍ରଶାସନ ଓ ଇମିଗ୍ରେସନ ବିଭାଗ ପକ୍ଷରୁ ଅକ୍ଟୋବର ୨୮ରୁ ଏପର୍ଯ୍ୟନ୍ତ ୩ ଥର କେନ୍ଦ୍ର ବୈଦେଶିକ ମନ୍ତ୍ରଣାଳୟକୁ ସୂଚନା ଦିଆଗଲାଣି। ହେଲେ ବାଂଲାଦେଶ ସରକାର ଏଯାଏ କ୍ଲିୟରାନ୍ସ ଦେଇ ନ ଥିବାରୁ ଏହି ୩ଜଣ ଘରକୁ ଫେରିପାରୁନାହାନ୍ତି।
ସୂଚନାଯୋଗ୍ୟ, ବାତ୍ୟା ସିତରଙ୍ଗ ସମୟରେ ଅର୍ଥାତ୍‌ ଗତ ଅକ୍ଟୋବର ୨୬ରେ କୋଷ୍ଟଗାର୍ଡ ମଧ୍ୟ ସମୁଦ୍ରରୁ ୧୮ଜଣଙ୍କୁ ଉଦ୍ଧାର କରିଥିଲା। ସେତେବେଳେ ପ୍ରାଥମିକ ଯାଞ୍ଚ କରାଯାଇ ବାଂଲାଦେଶ କୋଷ୍ଟଗାର୍ଡକୁ ହସ୍ତାନ୍ତର କରାଯାଇଥିଲା। କିନ୍ତୁ ଯେଉଁ ୩ ଜଣଙ୍କୁ ମାଛଧରା ବୋଟ୍‌ ଦ୍ୱାରା ଉଦ୍ଧାର କରାଯାଇଛି ସେମାନେ ଅଟକି ରହିଛନ୍ତି। ସେମାନେ ହେଲେ ମହମ୍ମଦ ମିରାଜ, ମହମ୍ମଦ ନାର୍ଜି ଏବଂ ହବିସ ମହମ୍ମଦ। ଏମାନେ ଉର୍ଦ୍ଦୁ ମିଶା ବଙ୍ଗଳା ଭାଷାରେ କଥା ହେଉଛନ୍ତି। ମିରାଜ ଏବଂ ନାଜିର କୁହନ୍ତି, ସେମାନଙ୍କ ଘର ବାଂଲାଦେଶର ଭୋଲା ଜିଲା ଚୋପତାର ଓ୍ବାର୍ଡ ୯ ଅଞ୍ଚଳରେ। ଗତ ଅକ୍ଟୋବର ୨୦ରେ ସେମାନେ ୧୮ ଜଣ ଗୋଟିଏ ବୋଟ୍‌ରେ ସମୁଦ୍ରକୁ ମାଛ ଧରିବା ପାଇଁ ବାହାରିଥିଲେ। ଅକ୍ଟୋବର ୨୩ରେ ବାତ୍ୟା ପ୍ରଭାବରେ ବୋଟ୍‌ ଦୁଇଫାଳ ହୋଇଯାଇଥିଲା। ପାଣିରେ ଭାସୁଥିଲେ। ଆସନ୍ନ ମୃତ୍ୟୁ ଅବସ୍ଥାରେ ଥିବାବେଳେ ‘ରଘୁନାଥ’ ବୋଟ୍‌ ଡ୍ରାଇଭର ବିଶ୍ବନାଥ ଗାରୁ ସେମାନଙ୍କୁ ଉଦ୍ଧାର କରିଥିଲେ। ଅନ୍ୟ ୧୬ ଜଣ ସମୁଦ୍ରରେ ନିଖୋଜ ହୋଇଯାଇଛନ୍ତି କହି ସେମାନେ କାନ୍ଦି ପକାଇଥିଲେ। ଇତିମଧ୍ୟରେ ପୋଲିସ ବାବୁଙ୍କ ମୋବାଇଲ ଫୋନ ଜରିଆରେ ସେମାନେ ଦୁଇଥର ସ୍ତ୍ରୀ, ପରିବାର ଲୋକଙ୍କ ସହିତ କଥା ହୋଇଛନ୍ତି। ପରିବାର ଲୋକମାନେ ମଧ୍ୟ ବାଂଲାଦେଶ ସରକାରଙ୍କ ପାଖରେ ଆବେଦନ କରିଛନ୍ତି। ଶୀଘ୍ର ଘରକୁ ଫେରିବେ ବୋଲି ମିରାଜ ଏବଂ ନାଜିର ଆଶା କରି ରହିଛନ୍ତି। ସେହିପରି ହବିସ ମହମ୍ମଦଙ୍କ ଘର ବାଂଲାଦେଶର ପାତୁଆଖଲି ଜିଲାର ଦୋଲୁତଖାନ ଅଞ୍ଚଳରେ। ତାଙ୍କ ସହିତ ବୋଟ୍‌ରେ ୧୯ ଜଣ ଥିଲେ। ଅନ୍ୟ ୧୮ ଜଣ ମଧ୍ୟ ସେହି ସ୍ଥାନରେ ଭାସୁଥିବା ବେଳେ ଅଲଗା ହୋଇଯାଇଥିଲେ। ଉଦ୍ଧାର ମତ୍ସ୍ୟଜୀବୀଙ୍କ ପାଖରେ କୌଣସି କାଗଜପତ୍ର ନ ଥିବାରୁ ଏବେ ଦୁଇ ଦେଶର ସରକାରୀ ସ୍ତରରେ ଅସୁବିଧା ହେଉଛି ବୋଲି ପାରାଦୀପ ଇମିଗ୍ରେଶନ ଡିଏସ୍‌ପି ମାନସ ରଞ୍ଜନ ଦାଶ କହିଛନ୍ତି।
୨୦୦୯ରେ ଏଭଳି ଏକ ଘଟଣାରେ ପାରାଦୀପ ଷଣ୍ଢକୁଦର ନୋଳିଆ ମତ୍ସ୍ୟଜୀବୀ ୬ ଜଣ ମ୍ୟାନ୍‌ମାର ନାଗରିକଙ୍କୁ ଉଦ୍ଧାର କରି ଆଣିଥିଲେ। ସେମାନଙ୍କ ପାଖରେ କାଗଜପତ୍ର ନ ଥିବାରୁ ପାରାଦୀପ ପୋଲିସ ତାଙ୍କୁ ଗିରଫ କରି କୋର୍ଟଚାଲାଣ କରିଥିଲା। ଜେଲରେ ଦୀର୍ଘଦିନ ରହିବା ପରେ ମୁକୁଳିଥିଲେ। ହେଲେ ସେମାନେ ନିଜ ଦେଶକୁ ଯାଇନାହାନ୍ତି। ଷଣ୍ଢକୁଦ ବସ୍ତିରେ ରହୁଥିଲେ। ତାଙ୍କ ମଧ୍ୟରୁ ଦୁଇଜଣ ପ୍ରେମଜନିତ ଘଟଣାରେ ପରସ୍ପରଙ୍କୁ ହତ୍ୟା କରିଥିଲେ। ସେହିପରି ଜଣଙ୍କର ଏଡ୍‌ସରେ ମୃତ୍ୟୁ ଘଟିଛି। ଆଉ ୩ଜଣ ସ୍ଥାନୀୟ ଅଞ୍ଚଳରେ ବିବାହ କରି ରହୁଛନ୍ତି। ସବୁଠାରୁ କୌତୂହଳ ବିଷୟ ହେଲା ତାଙ୍କ ନାମରେ ସରକାରୀ ପରିଚୟପତ୍ର ହୋଇସାରିଲାଣି।


Enter your email to get our daily news in your inbox.

All Right Reserved By Dharitri.Com

ରାସ୍ତା ପ୍ରଶସ୍ତିକରଣକୁ ନେଇ ଉତ୍ତେଜନା: କାର୍ଯ୍ୟବନ୍ଦ କଲେ ଗ୍ରାମବାସୀ

ମୋରଡ଼ା,୨୮ା୩(ସ୍ମାରକ ମାଜୀ): ରାସ୍ତା ପ୍ରଶସ୍ତିକରଣକୁ ନେଇ ମୟୂରଭଞ୍ଜ ଜିଲା ମୋରଡ଼ା ବ୍ଲକ ଅଧୀନ ଗଡ଼ିଆ ଗ୍ରାମରେ ଉତ୍ତେଜନା ଦେଖିବାକୁ ମିଳିଛି। ଏନେଇ ଗ୍ରାମବାସୀ  ନିର୍ମାଣ କାର୍ଯ୍ୟ...

ଟ୍ରକ୍‌ରେ ପିଟିହେଲା ହାଇଓ୍ବା, ଚାଲିଗଲା ଡ୍ରାଇଭରଙ୍କ ଜୀବନ

ଭଦ୍ରକ,୨୮ା୩(ସନାତନ ରାଉତ): ଭଦ୍ରକ ୧୬ନଂ ଜାତୀୟ ରାଜପଥର ଦମକଳ କେନ୍ଦ୍ର ସମ୍ମୁଖରେ ଗୁରୁବାର ପୂର୍ବାହ୍ନରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ଜଣେ ଡ୍ରାଇଭରଙ୍କ ମୃତ୍ୟୁ ହୋଇଛି।...

ଟିକେଟ୍‌ ମିଳିବା ପରେ ମହାପ୍ରଭୁଙ୍କ ଦର୍ଶନ କଲେ ବବି ଦାସ

ପୁରୀ,୨୮।୩: ବିଜୁ ଜନତା ଦଳ ପକ୍ଷରୁ ସମ୍ବଲପୁର ଲୋକ ସଭା ନିର୍ବାଚନ ମଣ୍ଡଳୀ ପ୍ରାର୍ଥୀ ଭାବେ ପ୍ରଣବ ପ୍ରକାଶ ଦାସ(ବବି)ଙ୍କ ନାମ ଘୋଷଣା କରାଯାଇଛି। ବବିଙ୍କୁ...

‘ଆଉ ତତେ ଗ୍ରହଣ କରିବି ନାହିଁ’

ଲାଞ୍ଜିଗଡ଼,୨୮।୩(ରମେଶ ଚନ୍ଦ୍ର ନାୟକ): କଳାହାଣ୍ଡି ଜିଲା ଲାଞ୍ଜିଗଡ଼ ଥାନା ଅଞ୍ଚଳର ଜଣେ ନାବାଳିକାଙ୍କୁ ବିବାହ ପ୍ରଲୋଭନ କରି ପ୍ରତାରଣା କରିବା ଅଭିଯୋଗରେ ପୋଲିସ ଜଣେ ଯୁବକଙ୍କୁ...

ଆତ୍ମସମର୍ପଣ କଲେ ୟୁଟ୍ୟୁବର ମୋନାଲିସା

ଯାଜପୁର,୨୮ା୩: ୟୁଟ୍ୟୁବର ମୋନାଲିସା ଭଦ୍ର ଯାଜପୁରରୋଡ୍‌ସ୍ଥିତ ବନ ବିଭାଗ କାର୍ଯ୍ୟାଳୟରେ ଗୁରୁବାର ଆତ୍ମସମର୍ପଣ କରିଛନ୍ତି। ମୋନାଲିସା ବନ୍ୟଜନ୍ତୁଙ୍କୁ ଘରେ ରଖି ଭିଡିଓ ପ୍ରସ୍ତୁତ କରି ସୋସିଆଲ...

ଅଗ୍ନି ଭୈରବୀଙ୍କ ଝାମୁଯାତ୍ରା ସମ୍ପନ୍ନ

ଲାଞ୍ଜିଗଡ଼,୨୮।୩(ରମେଶ ଚନ୍ଦ୍ର ନାୟକ): କଳାହାଣ୍ଡି ଜିଲା ଲାଞ୍ଜିଗଡ଼ ବ୍ଲକ ଲାଖବାହାଲି ପଞ୍ଚାୟତ ଅଧୀନ ଥୁଆଙ୍ଗପଦର ଗ୍ରାମରେ ଅଗ୍ନି ଭୈରବୀଙ୍କ ଝାମୁଯାତ୍ରା ମଙ୍ଗଳବାର ସମ୍ପନ୍ନ ହୋଇଯାଇଛି। ପରମ୍ପରା...

କଳାହାଣ୍ଡିରେ ବିଜେଡି ଖେଳିଲା ମହିଳା କାର୍ଡ

ଭବାନୀପାଟଣା,୨୮।୩(ଉତ୍ତମ କୁମାର ଦାଶ): ଆଗାମୀ ସାଧାରଣ ନିର୍ବାଚନ ବିଧାନ ସଭା କ୍ଷେତ୍ର ପାଇଁ ବିଜେଡି ପକ୍ଷରୁ ବୁଧବାର ପ୍ରଥମ ପର୍ଯ୍ୟାୟ ବିଧାୟକ ପ୍ରାର୍ଥିନୀ/ପ୍ରାର୍ଥିଙ୍କ ନାମ ଘୋଷଣା...

ଟିଟିଲାଗଡ଼: ବଢ଼ିଲା ସୁରେନ୍ଦ୍ରଙ୍କ ବିଜେଡିରେ ଯୋଗଦାନ ଚର୍ଚ୍ଚା

ସଇଁତଲା,୨୮ା୩(ରାଖାଲ ପ୍ରସାଦ ଶତପଥୀ): ନିର୍ବାଚନ ଯେତିକି ପାଖେଇ ଆସୁଛି, ଦଳଗୁଡ଼ିକ ଭିତରେ ଆଶାୟୀଙ୍କ ପ୍ରାର୍ଥୀ ସଂଖ୍ୟା ମଧ୍ୟ ବଢ଼ିବାରେ ଲାଗିଛି। ଭାଜପା ଲୋକ ସଭା ସଦସ୍ୟଙ୍କ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri