ଦୁନିଆ ଅଜବ ରହସ୍ୟରେ ପରିପୂର୍ଣ୍ଣ। ବେଳେବେଳେ ଏପରି ସତ ପଦାକୁ ଆସେ, ଯାହା ବିଷୟରେ ଜାଣି ଲୋକେ ଆଶ୍ଚର୍ଯ୍ୟ ହୁଅନ୍ତି। ବିଶେଷକରି ପ୍ରକୃତି ବିପରିତ କିଛି ହେଲେ ତାହା ଉପରେ ବିଶ୍ୱାସ କରିବା କଷ୍ଟକର ହୁଏ। ଆମେରିକାରୁ ସେଭଳି ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ସେଠାରେ ଜଣେ ୨୮ ବର୍ଷ ଯୁବକ ଏକ ଝିଅ ଜନ୍ମ ଦେଇଛନ୍ତି। ବିଶ୍ୱାସ ନ କଲେ ବି କଥାଟି ସତ। ଏବେ ଏହି ଘଟଣା ଚର୍ଚ୍ଚାର ବିଷୟ ପାଲଟିଛି।
କଥାଟି ଏପରି। ପଶ୍ଚିମ ଭର୍ଜିନିଆରେ ରହୁଥିବା ଉକ୍ତ ଯୁବକ ହେଉଛନ୍ତି ପାଟ୍ରିକ୍ ସ୍କେଡ୍। କିଛି ବର୍ଷ ପୂର୍ବେ ସେ ଏକ ଡେଟିଂ ସାଇଟ୍ରେ ଜଣେ ଅଜ୍ଞାତ ବ୍ୟକ୍ତିଙ୍କୁ ଭେଟିଥିଲେ। ତାଙ୍କ ସହ ସମ୍ପର୍କ ରଖିବା ପରେ ଗର୍ଭବତୀ ହୋଇଥିଲେ। ପରେ ସେ ୨୦୨୦ରେ ଏକ ଝିଅକୁ ଜନ୍ମ ଦେଇଛନ୍ତି।
ଯୁବକ ହେବା ସତ୍ତ୍ୱେ କିଭଳି ସନ୍ତାନ ଜନ୍ମ ଦେଲେ ସେ ନେଇ ପ୍ରଶ୍ନ ଉଙ୍କି ମାରିବା ସ୍ବଭାବିକ। ଏନେଇ ପଚରାଯିବାରେ ପାଟ୍ରିକ କହିଛନ୍ତି, ସେ ଜଣେ ମହିଳା ଭାବେ ଜନ୍ମ ହୋଇଥିଲେ। ହେଲେ ସେ ପୁରୁଷ ହେବାକୁ ଚାହୁଁଥିଲେ। ଏଥିପାଇଁ ସେ ଟେଷ୍ଟୋଷ୍ଟେରନ୍ ଏବଂ ଇଷ୍ଟ୍ରୋଜେନ୍ ବ୍ଲକର୍ର ସେବନ କରୁଥିଲେ। ଏହାଫଳରେ ତାଙ୍କ ଲିଙ୍ଗ ପରିବର୍ତ୍ତନ ହୋଇଯିବ ବୋଲି ସେ ଭାବିଥିଲେ। ହେଲେ ଭାଗ୍ୟ ବଦଳି ଯାଇଥିଲା। ସେ ଗର୍ଭବତୀ ହୋଇଥିଲେ।
ପାଟ୍ରିକ୍ ଜଣେ ପିଏଚ୍ଡି ଛାତ୍ର। ବୃତ୍ତିରେ ସେ ଜଣେ ମାନସିକ ସ୍ବାସ୍ଥ୍ୟ କର୍ମୀ। ଯେତେବେଳେ ସେ ଗର୍ଭବତୀ ଥିବା ଜାଣିବାକୁ ପାଇଲେ ସେ ଆଶ୍ଚର୍ଯ୍ୟ ହୋଇଥିଲେ। ହେଲେ ଶିଶୁଟିକୁ ଜନ୍ମ ଦେବାକୁ ସ୍ଥିର କରିଥିଲେ। ତାହା ହିଁ ହୋଇଥିଲା। ଏବେ ପାଟ୍ରିକ୍ ସେହି ପିଲାଟିକୁ ସ୍ବାମୀ ଜୋର୍ଡାନଙ୍କ ସହ ମିଶି ପାଳୁଛନ୍ତି। ତିନିଜଣ ବେଶ ଖୁସି ଥିବା ବେଳେ ଭବିଷ୍ୟତ ଲାଗି ନୂଆ ଯୋଜନା କରୁଛନ୍ତି।
