ଏଡିନବର୍ଗ(ସ୍କଟଲାଣ୍ଡ),୨୩ ।୩: ଯାତ୍ରୀରେ ପୂର୍ଣ୍ଣ ଥିବା ଏକ ଜାହାଜ ବୁଧବାର ସ୍କଟଲାଣ୍ଡର ଏକ ଡକୟାର୍ଡରେ ଆଂଶିକ ଭାବେ ଓଲଟି ଯାଇଛି । ଏହି ଘଟଣାରେ ୨ ଡଜନରୁ ଅଧିକ ଲୋକ ଆହତ ହୋଇଛନ୍ତି । ଅନାଦୋଲୁ ଏଜେନ୍ସି ଏହି ସୂଚନା ଦେଇଛି ।
ସ୍କଟିସ ଆମ୍ବଲାନ୍ସ ସେବା କହିଛି ଏଡିନବର୍ଗ ଡକୟାର୍ଡରେ ଏକ ଜହାଜ ଓଲଟି ଯିବାରୁ ୨୫ ଜଣ ଆହତ ହୋଇଛନ୍ତି । ଏମାନଙ୍କ ମଧ୍ୟରୁ ୧୫ ଜଣଙ୍କୁ ହସ୍ପିଟାଲ ପଠାଇ ଦିଆଯାଇଛି । ଏହାସହ ଅନ୍ୟ ୧୦ ଜଣଙ୍କୁ ଇମ୍ପିରିୟଲ ଡକ, ଲିଥରେ ଘଟଣାସ୍ଥଳରେ ଚିକିତ୍ସା କରାଯାଇଛି ।
ସ୍କଟିଶ ଆମ୍ବୁଲାନ୍ସ ସେବାର ପ୍ରବକ୍ତା କହିଛନ୍ତି, ବୁଧବାର ସକାଳେ ପ୍ରାୟ ୮ଟା ୨୯ରେ (ସ୍ଥାନୀୟ ସମୟ) ଲିଥରେ ଏକ ଘଟଣା ସମ୍ପର୍କରେ ସୂଚନା ମିଳିଲା ଓ ଆମକୁ ଘଟଣାସ୍ଥଳରେ ପହଞ୍ଚିବାକୁ କୁହାଗଲା । ଏହାପରେ ଆମେ ୫ଟି ଅମ୍ବୁଲାନ୍ସ, ଗୋଟିଏ ଏୟାର ଅମ୍ବୁଲାନ୍ସ, ୩ ଟ୍ରମା ଟିମ, ସ୍ପେଶାଲ ଅପରେଶନ ଟିମ, ୩ ପାରାମେଡିକାଲ ରେସପନ୍ସ ୟୁନିଟି ଓ ଏକ ରୋଗୀ ପରିବହନ ଗାଡି ପଠାଇଥିଲୁ । ଆମେ ଆହତଙ୍କ ମଧ୍ୟରୁ ୧୫ ଜଣଙ୍କୁ ହସ୍ପିଟାଲରେ ପହଞ୍ଚାଇଥିଲୁ । ଏଥିରୁ ୧୧ ଜଣଙ୍କୁ ଏଡିନବର୍ଗ ରୟାଲ ଇନଫର୍ମରୀ ଓ ୪ ଜଣଙ୍କୁ ୱେଷ୍ଟର୍ଣ୍ଣ ଜେନରାଲ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏହା ବ୍ୟତୀତ ଆଉ ୧୦ ଆହତଙ୍କୁ ଘଟଣାସ୍ଥଳରେ ହିଁ ଚିକିତ୍ସା ଯୋଗାଇ ଦିଆଯାଇଥିଲା ।
