ପାଟପୁର,୧୩ା୬(ଡି.ଏନ୍.ଏ.): ଗଞ୍ଜାମ ଜିଲା ପାଟପୁର ଥାନା ଟି.ଗୋବିନ୍ଦପୁର ପଞ୍ଚାୟତ ଖପରାବାଡ଼ ନିକଟରେ ଶନିବାର ସକାଳେ ପାଟପୁର ପୋଲିସ ଚଢ଼ାଉ କରି ଏକ ବୁଲେଟ୍ ସହ ୨୯ କେଜି ଗଞ୍ଜେଇ ଜବତ କରିଛି। ଏଥିରେ ୨ ଜଣଙ୍କୁ ଗିରଫ କରାଯାଇଛି। ସେମାନେ ହେଲେ ଆସିକା ଥାନା ପୁଡୁଗେଶର ପଲ୍ଲୀର ଆଦିତ୍ୟ ନାହାକ ଓ ସନ୍ତୋଷୀମନ୍ଦିର ସାହିର ଆଲୁଆ ଶର୍ମା। ଏନେଇ ପାଟପୁର ପୋଲିସ କେସ୍ ନଂ.୧୩୮/୨୦ରେ ଏକ ମାମଲା ରୁଜୁ କରି ଆଜି ସନ୍ଧ୍ୟାରେ କୋର୍ଟ ଚାଲାଣ କରିଛି। ଜାମିନ ନାମଞ୍ଜୁର ହେବାରୁ ଅଭିଯୁକ୍ତ ଦ୍ବୟକୁ ଦିଗପହଣ୍ଡି ସବ୍-ଜେଲ ହାଜତକୁ ପଠାଇ ଦିଆଯାଇଛି।
ସୂଚନାଯୋଗ୍ୟ, ଚାରିଆଡ଼େ ଶଟ୍ଡାଉନ୍ ଚାଲିଥିବାବେଳେ ଏହାର ସୁଯୋଗ ନେଇ ଖପରାବାଡ଼ ଜଙ୍ଗଲରୁ ଗଞ୍ଜେଇ ଧରି ବୁଲେଟ୍ରେ ଯାଉଥିବା ବେଳେ କୌଣସି ସୂତ୍ରରୁ ଖବର ପାଇ ପାଟପୁର ପୋଲିସ ଖପରାବାଡ଼ ଅଞ୍ଚଳରେ ପାଟପୁର ଥାନା ଆଇଆଇସି ଅଜୟ କୁମାର ବାରିକ, ଏସ୍ଆଇ ଶୁଭ୍ରଜିତ ସାମନ୍ତରାୟ, ଏଏସ୍ଆଇ ଅର୍ଜୁନ ଶବର ପ୍ରମୁଖ ଚଢ଼ାଉ କରିଥିଲେ।
