ମୋହନା,୫।୫( ମନ୍ମଥ ମିଶ୍ର ): ବିଷାକ୍ତ ଖାଦ୍ୟ ଖାଇ ୨୧ ଛେଳି ମୃତ, ୫ ଗୁରୁତର । ଏଭଳି ଅଭାବନୀୟ ଘଟଣା ଘଟିଛି ଗଜପତି ଜିଲା ମୋହନା ବ୍ଲକ ଅନ୍ତର୍ଗତ ମୁଡୁମୁଡ଼ିଆ ଗାଁରେ। ସୋମବାର ଗାଁର ଗୋପୀନାଥ ଗୌଡ଼ ନାମକ ଜଣେ ଚାଷୀ ଜଙ୍ଗଲକୁ ଛେଳି ଚରାଇ ନେଇ ସନ୍ଧ୍ୟାରେ ଆଣି ଗୁହାଳ ଘରେ ରଖିଥିଲେ । ଆଜି ସକାଳେ ଗୁହାଳ ଘରେ ୨୧ ଛେଳି ମରି ପଡିଥିବା ସହ ୫ ଛେଳି ଗୁରୁତର ଅବସ୍ଥାରେ ଥିବା ଦେଖିଥିଲେ । ଘଟଣାସ୍ଥଳରେ ମୋହନା ପ୍ରାଣୀଧନ ଚିକିତ୍ସା ଟିମ ପହଞ୍ଚି ଗୁରୁତର ୫ ଗୋଟି ଛେଳିକୁ ଚିକିତ୍ସା କରିଛନ୍ତି ଏବଂ ୨୧ ଗୋଟି ଛେଳିକୁ ବ୍ୟବଚ୍ଛେଦ କରାଯିବାପରେ କୌଣସି ବିଷକ୍ରିୟା ଜନିତ ଖାଦ୍ୟ ଖାଇ ମୃତ ହୋଇଥିବା ସୂଚନା ଦେଇଛନ୍ତି । ଅପରପକ୍ଷେ ମୃତ ୨୧ ଗୋଟି ଛେଳିର ମୂଲ୍ୟ ପ୍ରାୟ ୨ ଲକ୍ଷରୁ ଅଧିକ ହେବ । ଗୋପୀନାଥ ଅତି ଗରିବ ପରିବାରର ହୋଇଥିବା ହେତୁ ସରକାରଙ୍କୁ କ୍ଷତିପୂରଣ ଯୋଗାଇ ଦେବାକୁ ଦାବି କରିଛନ୍ତି ।
