ଓ୍ବାଶିଂଟନ,୧୧ା୩: ପ୍ରତ୍ୟେକ ଷ୍ଟାର୍ ଓସ୍କାର ଜିତିବାର ସ୍ବପ୍ନ ଦେଖନ୍ତି। ଏକାଡେମୀ ପୁରସ୍କାର ଦୁନିଆର ସବୁଠାରୁ ଲୋକପ୍ରିୟ ପୁରସ୍କାର ସମାରୋହ ମଧ୍ୟରୁ ଅନ୍ୟତମ। ୧୦ ମାର୍ଚ୍ଚ ୨୦୨୪ରେ ଲସ୍ ଏଞ୍ଜେଲ୍ସର ଡଲବି ଥିଏଟରରେ ୯୬ତମ ଏକାଡେମୀ ପୁରସ୍କାର ଅନୁଷ୍ଠିତ ହୋଇ ମାର୍ଚ୍ଚ ୧୧ ରେ ଓଟିଟି ପ୍ଲାଟଫର୍ମ ଡିଜ୍ନି ପ୍ଲସ ହଟ୍ଷ୍ଟାରରେ ଭାରତରେ ସିଧା ପ୍ରସାରଣ କରାଯାଇଛି।
ଚଳିତବର୍ଷ ପାଇଁ କ୍ରିଷ୍ଟୋଫର ନୋଲାନ ‘ଓପନହାଇମର’ ପାଇଁ ଶ୍ରେଷ୍ଠ ନିର୍ଦ୍ଦେଶକ ଭାବେ ଓସ୍କାର ପୁରସ୍କାର ଜିତିଛନ୍ତି। ବ୍ରିଟେନର ୫୩ ବର୍ଷୀୟ ଦୂରଦୃଷ୍ଟିସମ୍ପନ୍ନ ବ୍ୟକ୍ତି ତାଙ୍କ କ୍ୟାରିଅରରେ ଖୁବ୍ ସମାଲୋଚିତ ହୋଇଥିଲେ, କିନ୍ତୁ ଏପର୍ଯ୍ୟନ୍ତ ସେ କେବେବି ଓସ୍କାର ଜିତି ନ ଥିଲେ। ସେ ୨୦୧୭ରେ ‘ଡଙ୍କିର୍କ’ ନିର୍ଦ୍ଦେଶନା ପାଇଁ ଏବଂ ୨୦୧୦ରେ ‘ଇନ୍ସପେସନ୍’ ଏବଂ ୨୦୦୧ରେ ‘ମେମେଣ୍ଟୋ’ ପାଇଁ ମୂଳ ସ୍କ୍ରିନ ସ୍କ୍ରିପ୍ ପାଇଁ ମନୋନୀତ ହୋଇଥିଲେ।
ନୋଲାନ ଜୋନାଥନ ଗ୍ଲେଜରଙ୍କ ‘ଦ ଜୋନ୍ ଅଫ୍ ଇଣ୍ଟରେଷ୍ଟ’, ୟର୍ଗୋସ ଲାଣ୍ଟିମୋସଙ୍କ ‘ପୋର୍ ଥିଙ୍ଗ୍ସ’, ମାର୍ଟିନ ସ୍କୋର୍ସେଙ୍କ ‘କିର୍ଲ୍ସ ଅଫ୍ ଦ ଫ୍ଲାଓ୍ବାର ମୁନ୍’ ଏବଂ ଜଷ୍ଟିନ୍ ଟ୍ରାଇଟ୍ଙ୍କ ‘ଆନାଟୋମି ଅଫ ଫଲ୍’କୁ ପରାସ୍ତ କରିଥିଲେ।
ତାଙ୍କ ସ୍ତ୍ରୀ ଏମା ଥୋମାସ୍ ନୋଲାନଙ୍କୁ ଉତ୍ସାହିତ କରିଥିଲେ
