ଦିଗପହଣ୍ଡି,୮ା୮(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ଅବକାରୀ କର୍ମଚାରୀ ଟିମ୍ ସ୍ଥାନୀୟ କୃଷି ବିଭାଗ କାର୍ଯ୍ୟାଳୟ ସମ୍ମୁଖ ୧୭ ନଂ ରାଜ୍ୟ ରାଜପଥରୁ ଏକ ସ୍କୁଟି ସହ ୧୩ କେଜି ୨ ଶହ ଗ୍ରାମ ଗଞ୍ଜେଇ ଜବତ କରିଥିବା ଜଣାପଡ଼ିଛି । ଗଞ୍ଜେଇ ଚୋରା ଚାଲାଣ ଅଭିଯୋଗରେ ୨ ଯୁବକଙ୍କୁ ଦିଗପହଣ୍ଡି ଅବକାରୀ ଥାନା ଓଆଇସି ସସ୍ମିତା ମଲ୍ଲିକ ଗିରଫ କରିଛନ୍ତି। ଗିରଫ ଯୁବକ ଦ୍ବୟ ହେଲେ ଗଜପତି ଜିଲା ମୋହନ ଥାନା ଚନ୍ଦ୍ରଗିରି ଗ୍ରାମର ଦୀନବନ୍ଧୁ ଲିମା(୪୫) ଏବଂ ମାନୁଏଲ ବୀର (୫୭) । ଅଭିଯୁକ୍ତ ଦ୍ବୟ ସ୍କୁଟି ନଂ. (ଓଡ଼ି ୨୦ ସି -୬୯୮୫) ଯୋଗେ ଏକ ବ୍ୟାଗ୍ରେ ଗଞ୍ଜେଇ ଧରି ବ୍ରହ୍ମପୁର ରେଳ ଷ୍ଟେଶନ ଅଭିମୁଖେ ଚୋରାଚାଲାଣ କରୁଥିବା ନେଇ ଅବକାରୀ ଏଏସ୍ଆଇ ଏନ. ତ୍ରିପତି, କନଷ୍ଟେବଳ ରାଜେଶ ଜେନା,ବଳରାମ ପାତ୍ର, ଆଲଫଲତା ସାହୁ,ଏସ୍ କେ ରାଜେଶ ଉଦ୍ଦିନ। ବିଶେଷ ସୁତ୍ରରୁ ଖବରପାଇ ଦିଗପହଣ୍ଡି – ବ୍ରହ୍ମପୁର ୧୭ ନଂ ରାଜ୍ୟ ରାଜପଥ କଡ଼ ରେ ଥିବା କୃଷି ବିଭାଗ କାର୍ଯ୍ୟାଳୟ ନିକଟରେ ଛକି ରହି ସ୍କୁଟିକୁ ଅଟକାଇ ଖାନ୍ତଲାସି କରିଥିଲେ। ସେମାନଙ୍କ ନିକଟରୁ ଏକ ବ୍ୟାଗରେ ଗଞ୍ଜେଇ ଥିବା ଜଣାପଡ଼ିଥିଲା। ପରେ ଦୁଇ ଯୁବକଙ୍କୁ ଅବକାରୀ ଥାନାକୁ ଉଠାଇ ନିଆଯାଇଥିଲା। ଏନେଇ ଦିଗପହଣ୍ଡି ଅବକାରୀ ଥାନା ମାମଲା ନଂ. ୭୯/୨୬-୨୭ ଅନୁଯାୟୀ ୨ ଅଭିଯୁକ୍ତଙ୍କୁ ଗିରଫ କରାଯିବା ପରେ ବ୍ରହ୍ମପୁର ଜିଲା ଦୌରା ଜଜ କୋର୍ଟକୁ ଚାଲାଣ କରାଯାଇଥିଲା। ଜାମିନ ଆବେଦନ ନାମଞ୍ଜୁର ହେବାରୁ ଉଭୟଙ୍କୁ ବ୍ରହ୍ମପୁର ଜେଲ ହାଜତକୁ ପଠାଇ ଦିଆଯାଇଥିବା ଅବକାରୀ ଓଆଇସି ସୂଚନା ଦେଇଛନ୍ତି।
