ଇଡେନବର୍ଗ: ସ୍କଟଲାଣ୍ଡ ଇଡେନବର୍ଗର ଜଣେ ମହିଳା ତାଙ୍କ ଘର ମୁଖ୍ୟ କବାଟର ରଙ୍ଗ ଗୋଲାପୀ କରିଥିବାରୁ ସେଠାକାର ସରକାର ତାଙ୍କ ଉପରେ ୧୯ ଲକ୍ଷ ଟଙ୍କା ଜରିମାନା ଲଗାଇଛନ୍ତି। ୪୮ ବର୍ଷୀୟା ମିରାଣ୍ଡା ଡିକ୍ସନ୍ ଇଡେନବର୍ଗର ନ୍ୟୁ ଟାଉନ୍ ଏରିଆରେ ରୁହନ୍ତି। ଗତବର୍ଷ ଘରର ମରାମତି ସମୟରେ ସେ ମୁଖ୍ୟ କବାଟ ଗୋଲାପୀ ରଙ୍ଗ କରିଥିଲେ। କିନ୍ତୁ ସିଟି କାଉନ୍ସିଲ ତୁରନ୍ତ କବାଟର ରଙ୍ଗ ବଦଳାଇ ଧଳା କରିବାକୁ ନୋଟିସ୍ ଜାରି କରିଛି। ମିରାଣ୍ଡା ଯଦି ନୋଟିସ୍ ଅନୁସାରେ କାର୍ଯ୍ୟ ନ କରନ୍ତି ତେବେ ତାଙ୍କୁ ଜରିମାନା ବାବଦକୁ ୧୯ ଲକ୍ଷ ଟଙ୍କା ଦେବାକୁ ପଡ଼ିବ। ଘରର କବାଟକୁ ମାରାଣ୍ଡା ବର୍ତ୍ତମାନ ଡାର୍କ ରେଡ୍ ରଙ୍ଗ କରିବାକୁ ନିଷ୍ପତ୍ତି ନେଇଛନ୍ତି।
ଘରକୁ ଫେରିବା ବେଳେ କବାଟର ଗୋଲାପୀ ରଙ୍ଗ ଦେଖିବା ପରେ ମନରେ ଖୁସି ଭାବ ଜାତ ହେଉଥିବା ମିରାଣ୍ଡା କହିଛନ୍ତି। ମିରାଣ୍ଡାଙ୍କ କବାଟର ଫଟୋ ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି। ବ୍ରିଟେନ ସହରଗୁଡ଼ିକରେ ଲୋକ ସେମାନଙ୍କ ଘରର ମୁଖ୍ୟ ଫାଟକକୁ ଅତି ଉଜ୍ଜ୍ୱଳ ରଙ୍ଗ ଦେଇଥାନ୍ତି। ସେହିପରି ଜର୍ଜିଆ ଲୋକମାନେ ସେମାନଙ୍କ ଘର କବାଟ, ଝରକାକୁ ଗାଲାପୀ ରଙ୍ଗ ଦେଇଥାନ୍ତି। କାରଣ ସେଠାରେ ଅଧିକାଂଶ ଲୋକ ଏହି କଲର୍କୁ ପସନ୍ଦ କରୁଥିବା ମିରାଣ୍ଡା କହିଛନ୍ତି। ଇଡେନବର୍ଗ କଉନ୍ସିଲ ନିୟମ ଅନୁସାରେ ଘରର ମୁଖ୍ୟ ଫାଟକର ରଙ୍ଗ ଧଳା କିମ୍ବା ହାଲୁକା ରଙ୍ଗ ହେବା ଆବଶ୍ୟକ।
