କାବୁଲ,୨ା୨: ଆଫଗାନିସ୍ତାନର ଉଚ୍ଚଶିକ୍ଷା ମନ୍ତ୍ରଣାଳୟର ଘୋଷଣା ଅନୁଯାୟୀ, ଦେଶର ସରକାରୀ ବିଶ୍ୱବିଦ୍ୟାଳୟଗୁଡ଼ିକ ବୁଧବାର (ଫେବୃୟାରୀ ୨)ରେ ଖୋଲିଛି। ଆଫଗାନିସ୍ତାନରେ ମିଳିତ ଜାତିସଂଘର ସହାୟତା ମିଶନ (ୟୁନାମା) ଏକ ଟୁଇଟର ପୋଷ୍ଟରେ ଏହି ପଦକ୍ଷେପକୁ ପ୍ରଶଂସା କରିଛି। ୟୁଏନ୍ଏମ୍ଏର ଟୁଇଟର ପୋଷ୍ଟରେ କୁହାଯାଇଛି ଯେ, ଫେବୃୟାରୀ ୨ରେ ସରକାରୀ ବିଶ୍ୱବିଦ୍ୟାଳୟ ସମସ୍ତ ଛାତ୍ରୀଛାତ୍ରଙ୍କ ପାଇଁ ଖୋଲିବାକୁ ଯାଉଛି ବୋଲି ମିଳିତ ଜାତିସଂଘ ଘୋଷଣାକୁ ସ୍ବାଗତ କରିଛି।
ଆଫଗାନିସ୍ତାନର ଉଚ୍ଚଶିକ୍ଷା ମନ୍ତ୍ରଣାଳୟର ଏକ ବିଜ୍ଞପ୍ତ ଆଧାରରେ ନୂତନ ଶିକ୍ଷାବର୍ଷ ଏପ୍ରିଲରେ ଆରମ୍ଭ ହେବାକୁ ଯାଉଥିବାବେଳେ ଅଣ-ଟ୍ରୋପିକାଲ ପ୍ରଦେଶର ବିଶ୍ୱବିଦ୍ୟାଳୟଗୁଡ଼ିକ ମାର୍ଚ୍ଚରେ ଅଧ୍ୟୟନ ଆରମ୍ଭ କରିବେ ବୋଲି ଖାମା ପ୍ରେସ ରିପୋର୍ଟ କରିଛି। ତାଲିବାନ ଦାୟିତ୍ୱ ଗ୍ରହଣ କରିବା ପରେ ଆଫଗାନିସ୍ତାନରେ ସମୁଦାୟ ୧୫୦ଟି ସରକାରୀ ବିଶ୍ୱବିଦ୍ୟାଳୟ ୬ ମାସ ପାଇଁ ବନ୍ଦ ରହିଥିଲା। ଯାହା ହଜାର ହଜାର ଛାତ୍ରୀଛାତ୍ରଙ୍କ ଶିକ୍ଷା ଉପରେ ପ୍ରଭାବ ପକାଇଥିଲା।
