ଲକ୍ଷ୍ନୌ,୨୩ ।୮: ଉତ୍ତର ପ୍ରଦେଶରେ ସୋମବାର ବିଳମ୍ବିତ ରାତିରେ ୧୫ ଆଇପିଏସଙ୍କ ବଦଳି କରାଯାଇଛି । ସରକାରଙ୍କ ଦ୍ୱାରା ବିଳମ୍ବିତ ରାତିରେ ଏହି ନୋଟିସ ଜାରି କରାଯାଇଛି । ଡେପୁଟେଶନରୁ ଫେରିଥିବା ଡିଆଇଜି ଅବଦୁଲ ହମିଦଙ୍କୁ ଆଣ୍ଟି ନାର୍କୋଟିକ୍ସ ଫୋର୍ସର ଡିଆଇଜି କରାଯାଇଛି । ଏହି ଫୋର୍ସର ଗଠନ ପ୍ରଥମ ଥର ଲାଗି କରାଯାଇଛି ।
ସରକାରଙ୍କ ନିର୍ଦ୍ଦେଶ ଅନୁଯାୟୀ, କିଛି ଜିଲାରେ ପୋଲିସ କ୍ୟାପଟେନକୁ ବି ନିଯୁକ୍ତ କରାଯାଇଛି । ସେହିପରି ୧୧ତମ ବାହିନୀ ପିଏସି ସୀତାପୁରର କମାଣ୍ଡାଣ୍ଟ ଅଖିଳେଶ କୁମାର ଚୌରାସିୟାଙ୍କୁ ଏସଷ୍ଟାବ୍ଲିସମେଣ୍ଟରେ ନିଯୁକ୍ତ କରାଯାଇଛି । ଏହା ବ୍ୟତୀତ ବରେଲିରେ ଏଏସପି ନାଗ ରବିନ୍ଦ୍ର କୁମାରଙ୍କୁ କାନପୁର କମିଶନରେଟରେ ଡିସିପି କରାଯାଇଛି । ଏହାସହ ଲକ୍ଷ୍ନୌରେ ଥିବା ପ୍ରଶିକ୍ଷକ ଆଇପିଏସ ଅନିଲ କୁମାର ଯାଦବଙ୍କୁ ନଏଡା ପଠାଇ ଦିଆଯାଇଛି । ଗାଜିଆବାଦରେ ଏଏସି ଭାବେ ପୋଷ୍ଟ ହୋଇଥିବା ଅଭିଜିତ ଆର ଶଙ୍କରଙ୍କୁ ଲକ୍ଷ୍ନୌରେ ଏଡିସିପି କରାଯାଇଛି ।
