ଗାନ୍ଧିନଗର,୨୧।୯: ଗୁଜରାଟ ବିଧାନସଭାରେ ଅଶୋଭନୀୟ ଆଚରଣ ଲାଗି ବିରୋଧୀ କଂଗ୍ରେସର ୧୪ଜଣ ବିଧାୟକଙ୍କ ସହ ସ୍ବାଧୀନ ବିଧାୟକ ଜିଗ୍ନେଶ ମେଭାନୀଙ୍କୁ ନିଲମ୍ବନ କରାଯାଇଛି। ଏପରିକି ବିଧାୟକମାନଙ୍କୁ ମାର୍ଶଲଙ୍କ ସହାୟତାରେ ବିଧାନସଭାରୁ ବାହାର କରିଦିଆଯାଇଛି।
ଗୁଜରାଟ ବିଧାନସଭା ଗୃହକାର୍ଯ୍ୟ ଆରମ୍ଭ ହେବା ମାତ୍ରେ ବିରୋଧୀ ଦଳ ନେତା ସୁଖରାମ ରାଠଓ୍ବା ରାଜ୍ୟରେ ଆନ୍ଦୋଳନରତ ସରକାରୀ କର୍ମଚାରୀ, କୃଷକ, ଅଙ୍ଗନଓ୍ବାଡି କର୍ମୀ ଏବଂ ପୂର୍ବତନ ଯବାନମାନଙ୍କ ସହ ଜଡ଼ିତ ପ୍ରସଙ୍ଗରେ ଅଧା ଘଣ୍ଟାର ବିଶେଷ ଆଲୋଚନା କରାଯାଉ ବୋଲି ଦାବି କରିଥିଲେ। ହେଲେ ବାଚସ୍ପତି ନିମାବେନ ଆଚାର୍ଯ୍ୟ ଏହାକୁ ଗ୍ରହଣ କରି ନ ଥିଲେ। ଫଳରେ ଏହାକୁ ବିରୋଧ କରି ମେଭାନୀ ଏବଂ ଅନ୍ୟ କଂଗ୍ରେସ ବିଧାୟକମାନେ ସିଟ୍ ଆଗକୁ ଆସି ସ୍ଲୋଗାନ ଦେଇଥିଲେ। ‘କର୍ମଚାରୀଙ୍କୁ ନ୍ୟାୟ ଦିଅ’, ‘ଜଙ୍ଗଲ କର୍ମଚାରୀଙ୍କ ପ୍ରତି ନ୍ୟାୟ କର’ ଭଳି ସ୍ଲୋଗାନ ସେମାନେ ଦେଇ ପ୍ଲାକାର୍ଡ ଦେଖାଇଥିଲେ।
ବିରୋଧୀ ଦଳର ବିଧାୟକଙ୍କୁ ବାଚସ୍ପତି ନିଜ ଆସନରେ ବସିବା ଲାଗି କହିଥିଲେ ହେଁ ସେମାନେ ନ ଶୁଣିବାରୁ ବିଧାନସଭା ତଥା ସଂସଦୀୟ ବ୍ୟାପାର ମନ୍ତ୍ରୀ ରାଜେନ୍ଦ୍ର ତ୍ରିବେଦୀ ପୋଡିୟମ ସମ୍ମୁଖରେ ବସିଥିବା ବିଧାୟକଙ୍କୁ ନିଲମ୍ବନ ଲାଗି ପ୍ରସ୍ତାବ ରଖିଥିଲେ। ଏହି ପ୍ରସ୍ତାବକୁ ଭଏସ୍ ଭୋଟ୍ ଦ୍ୱାରା ଅନୁମୋଦନ କରାଯାଇଥିଲା, ଯାହା ପରେ ମେଭାନୀ ଏବଂ ଅନ୍ୟ ବିଧାୟକଙ୍କୁ ଗୋଟିଏ ଦିନ ଲାଗି ନିଲମ୍ବନ କରାଯାଇଥିବା ଜଣାପଡ଼ିଛି।
આરોગ્ય,મધ્યાહન ભોજન,ST બસના કર્મચારી, શિક્ષકો,આશા અને આંગણવાડી બહેનો,GISF, વન રક્ષક,પૂર્વ સૈનિકો સહિત પોલીસના જવાનો અને જૂની પેંશન યોજનાની માંગણી કરી રહેલા લાખો કર્મચારીઓના સમર્થનમાં ગુજરાત વિધાનસભાની બહાર કોંગ્રેસના ધારાસભ્યો સાથે સરકારની આંખો ઉઘાડવા વિરોધ પ્રદશન કરવામાં આવ્યું. pic.twitter.com/j1sA0iBB0Y
— Jignesh Mevani (@jigneshmevani80) September 21, 2022
