ମଧ୍ୟପ୍ରଦେଶର ନୀମଚ ଜିଲାରେ ଏକ ଆଶ୍ଚର୍ଯ୍ୟକର ଘଟଣା ଦେଖିବାକୁ ମିଳିଛି। ଏଠାରେ ଥିବା ଜିଲା ସମବାୟ କେନ୍ଦ୍ରୀୟ ବ୍ୟାଙ୍କର ଏକ ଶାଖାରେ ଦିନ ଦ୍ୱିପ୍ରହରେ ୧୦ ଲକ୍ଷ ଟଙ୍କା ଚୋରି ହୋଇଛି। ଏହାକୁ କରିଛନ୍ତି ୧୨ ବର୍ଷର ଜଣେ ବାଳକ।
ମଙ୍ଗଳବାର ଅପରାହ୍ନରେ ଉକ୍ତ ବାଳକ ବ୍ୟାଙ୍କ ଭିତରକୁ ଆସି କ୍ୟାଶ୍ କାଉଣ୍ଟରରେ ରଖାଯାଇଥିବା ଟଙ୍କା ବଣ୍ଡଲରୁ ୫୦୦ ଟଙ୍କାର ଦୁଇଟି ଚୋରାଇ ନେଇଥିଲେ। ସେଥିରେ ୧୦ ଲକ୍ଷ ଟଙ୍କା ଥିଲା। ପୁରା ଘଟଣା ସିସିଟିଭି କ୍ୟାମେରାରେ କଏଦ ହୋଇଥିଲା।
ବ୍ୟାଙ୍କ ମ୍ୟାନେଜର ଲକ୍ଷ୍ମୀନାରାୟଣ ମୀନା ଏହି ଘଟଣା ବିଷୟରେ ଜାଣିବା ମାତ୍ରେ ସେ ତୁରନ୍ତ ସୂଚନା ଦେଇଥିଲେ। ଏହାପରେ ପୋଲିସ ସିସିଟିଭି ଫୁଟେଜ୍ ଯାଞ୍ଚ କରିବା ପରେ ଚକିତ ହୋଇଯାଇଥିଲା।
ଉକ୍ତ ବାଳକ ଜଣଙ୍କ ଜଣଙ୍କ ସହ ବ୍ୟାଙ୍କକୁ ଆସିଥିଲା। ସାବଧାନତାର ସହ କ୍ୟାଶ କାଉଣ୍ଟର ପଛକୁ ଯିବା ପରେ ସେଠାରୁ ୧୦ ଲକ୍ଷ ଟଙ୍କା ଚୋରି କରି ଫେରାର ହୋଇଯାଇଥିଲା। ମାତ୍ର ୧୦ ସେକେଣ୍ଡ ମଧ୍ୟରେ ସେ ଏଭଳି କରିଥିବା ଜଣାପଡ଼ିଛି।
ଘଟଣା ସମୟରେ ବ୍ୟାଙ୍କରେ ଅଧିକ ଭିଡ ଥିବାରୁ କୌଣସି କର୍ମଚାରୀ ଏ ବିଷୟରେ ଜାଣି ପାରି ନ ଥିଲେ। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ସିସିଟିଭି ଯାଞ୍ଚ କରିଥିଲେ। ଫୁଟେଜ୍ ଆଧାରରେ ନାବାଳକଙ୍କୁ ଚିହ୍ନଟ କରାଯିବା ପରେ ଜିଲାର ସୀମାକୁ ସିଲ୍ କରାଯାଇଥିଲା। ଏବେ ବି ତାଙ୍କୁ ପୋଲିସ ଖୋଜୁଥିବା ଜଣାପଡ଼ିଛି।
