ଭଦ୍ରକ, ୧୨।୨(ସନାତନ ରାଉତ):କେନ୍ଦ୍ରୀୟ ଟ୍ରେଡ଼ ୟୁନିୟନ ଡାକରାରେ ବିଭିନ୍ନ ଶ୍ରମିକ ସଂଗଠନ ପକ୍ଷରୁ ଗୁରୁବାର ଭାରତ ବନ୍ଦ କରାଯାଇଛି l ଭଦ୍ରକ ସହରରେ ଏହାର ଜୋରଦାର ପ୍ରଭାବ ଦେଖିବାକୁ ମିଳିଛି l ବିଭିନ୍ନ ଟ୍ରେଡ଼ ଶ୍ରମିକ ୟୁନିୟନ ପକ୍ଷରୁ ଭଦ୍ରକ ବନ୍ତ ଛକ ନିକଟରେ ପିକେଟିଂ କରିବା ସହ ୧୬ ନଂ ଜାତୀୟ ରାଜପଥକୁ ବନ୍ଦ କରଯାଇଛି। ରାଜପଥର ଉଭୟ ପାର୍ଶ୍ୱରେ ଅଟକି ରହିଛି ଶହ ଶହ ଯାନବାହନ, ଯାତ୍ରୀ ମାନେ ଯାତାୟାତ କରିବାରେ ବହୁ ଅସୁବିଧାରେ ସମ୍ମୁଖୀନ ହେଉଛନ୍ତି। ଯାତ୍ରୀବାହୀ ବସ ଠାରୁ ଆରମ୍ଭ କରି ମାଲବାହୀ ଟ୍ରକ ସବୁ ଅଟକି ରହିଛି l ଟ୍ରେଡ଼ ୟୁନିୟନ ନେତା ଓ କର୍ମୀ ମାନେ ପତାକା ଧରି ବ୍ୟାନର ଧରି ଜାତୀୟ ରାଜପଥ ଉପରେ ବିକ୍ଷୋଭ ପଦର୍ଶନ ସହିତ ନାରାବାଜି କରୁଛନ୍ତି l କେନ୍ଦ୍ର ସରକାର ଲାଗୁ କରିଥିବା ୪ଟି ଶ୍ରମ କୋଡ଼ ବାତିଲ କରିବା ସହ ଶ୍ରମିକମାନଙ୍କୁ ନ୍ୟାର୍ଯ୍ୟ ଦାବି ପ୍ରଦାନ କରିବାକୁ ଦାବି କରିଛନ୍ତି l କେନ୍ଦ୍ର ସରକାରଙ୍କୁ କଡା ସମାଲୋଚନା କରି କମ୍ପାନୀ ଓ କର୍ପୋରେଟ ପ୍ରୀତି ଯୋଗୁ ଶ୍ରମିକ ମାନଙ୍କୁ ଅଣଦେଖା କରାଯାଉଛି ବୋଲି କହିଛନ୍ତି l ଭଦ୍ରକ କଲେଜ ରୋଡ଼ ଓଭର ବ୍ରିଜ ନିକଟ ଜାତୀୟ ରାଜପଥରେ ସମର ବଳ ଓ ବନ୍ତ ଛକରେ ଦିବ୍ୟସିଂହ ନାୟକଙ୍କ ନେତୃତ୍ୱରେ ବନ୍ଦ ପାଳନ କରାଯାଉଛି l
Dharitri – Odisha’s No.1 Odia Daily
