ଜୟପୁର,୨।୧: ରାଜସ୍ଥାନରେ ସୋମବାର ଭୋରରୁ ଏକ ବଡ଼ ଟ୍ରେନ୍ ଦୁର୍ଘଟଣା ହୋଇଛି। ବାନ୍ଦ୍ରା ଟର୍ମିନାସ-ଯୋଧପୁର ସୁର୍ଯ୍ୟନଗରୀ ଏକ୍ସପ୍ରେସ ଟ୍ରେନର ୧୧ଟି ବଗି ଲାଇନଚ୍ୟୁତ ହୋଇଛି। ଭୋର ପ୍ରାୟ ୩.୨୭ରେ ଏହି ଦୁର୍ଘଟଣା ଘଟିଛି। ଉତ୍ତର ପଶ୍ଚିମ ରେଳବାଇର ସିପିଆରଓ କହିଛନ୍ତି, ଯୋଧପୁର ଡିଭିଜନର ରାଜକିୱାସ-ବୋମାଡ୍ରା ସେକ୍ସନରେ ବଗିଗୁଡିକ ଖସିପଡିଛି। ତେବେ ଏହି ଦୁର୍ଘଟଣାରେ ଜୀବନହାନୀ ହେବାର କୌଣସି ସୂଚନା ନାହିଁ। ଉତ୍ତର ପଶ୍ଚିମ ରେଳବାଇର ଜେନେରାଲ ମ୍ୟାନେଜର ତଥା ଅନ୍ୟ ଉଚ୍ଚ ପଦାଧିକାରୀମାନେ ରେଳବାଇର ଜୟପୁର ମୁଖ୍ୟାଳୟରେ ଏହି ଘଟଣାର ତଦାରଖ କରୁଛନ୍ତି। ବହୁ ଉଚ୍ଚ ପଦାଧିକାରୀ ଶୀଘ୍ର ଘଟଣାସ୍ଥଳରେ ପହଞ୍ଚିବେ।
ଏହା ସହିତ ରେଳବାଇ ଦ୍ୱାରା ହେଲ୍ପଲାଇନ ନମ୍ବର ଜାରି କରାଯାଇଛି। ଯାତ୍ରୀ ଏବଂ ସେମାନଙ୍କ ସମ୍ପର୍କୀୟମାନେ ମଧ୍ୟ କୌଣସି ସୂଚନା ପାଇଁ ୧୩୮ ଏବଂ ୧୦୭୨ରେ ଯୋଗାଯୋଗ କରିପାରିବେ।
