ନାବଲସ୍, ୨୩।୨: ବୁଧବାର ନାବଲସ୍ରେ ଇସ୍ରାଏଲ ଟ୍ରୁପ୍ ୧୦ ପାଲେଷ୍ଟିନୀୟଙ୍କୁ ହତ୍ୟା କରିଛନ୍ତି। ମୃତକଙ୍କ ମଧ୍ୟରେ ଜଣେ ୭୨ ବର୍ଷୀୟ ବୃଦ୍ଧ ଏବଂ ୧୪ ବର୍ଷର ବାଳକଙ୍କ ସମେତ ୩ ସାଧାରଣ ନାଗରିକ ରହିଛନ୍ତି। ୧୦୨ ଜଣ ଆହତ ହୋଇଛନ୍ତି। ଡାକ୍ତରଖାନାରେ ସେମାନଙ୍କ ଚିକିତ୍ସା ଜାରିଥିବାବେଳେ ସେମାନଙ୍କ ମଧ୍ୟରୁ ୬ ଜଣ ଗୁରୁତର ଅଛନ୍ତି।
ଓ୍ବେଷ୍ଟ ବ୍ୟାଙ୍କ ଅଧିକୃତ ସହରର ଏକ ପ୍ରମୁଖ ସ୍ଥାନରେ ଇସ୍ରାଏଲ ଟ୍ରୁପ୍ ଓ ପାଲେଷ୍ଟିନୀୟଙ୍କ ମଧ୍ୟରେ ସଂଘର୍ଷ ହୋଇଥିଲା। ଇସ୍ରାଏଲ ଟ୍ରୁପ୍ ସଦସ୍ୟଙ୍କ ମଧ୍ୟରୁ କେହି ନିହତ ହୋଇ ନ ଥିବା ମିଲିଟାରି ପକ୍ଷରୁ କୁହାଯାଇଛି। ୨ ପାଲେଷ୍ଟିନୀୟ କମାଣ୍ଡରଙ୍କୁ ଏକ ଘରେ ଘୋରାବନ୍ଦୀ କରି ଇସ୍ରାଏଲ ଟ୍ରୁପ୍ ରଖିଥିବା ପାଲେଷ୍ଟିନୀୟ ମିଲିଟାଣ୍ଟ ଇସଲାମିକ ଜିହାଦ ପକ୍ଷରୁ କୁହାଯାଇଛି।
