Advertisement

୧୦ କୋଟିର ସାପବିଷ ଜବତ

ଭୁବନେଶ୍ୱର, ୨୮।୩(ବ୍ୟୁରୋ): ରାଜଧାନୀରେ ଗଞ୍ଜେଇ, ବ୍ରାଉନସୁଗାର ଆଦି ନିଶାଦ୍ରବ୍ୟ କାରବାର ପରେ ପ୍ରଥମ ଥର ସାପବିଷ ବେପାର ସାମ୍ନାକୁ ଆସିଛି। ଶନିବାର ଭୁବନେଶ୍ୱରର ଦୁଇଟି ସ୍ଥାନରେ ସାପବିଷ ବିକ୍ରି ପାଇଁ ଡିଲ୍‌ ବେଳେ ବନ ବିଭାଗ ପକ୍ଷରୁ ଏକସଙ୍ଗେ ଚଢ଼ାଉ କରାଯାଇ ୬ଜଣଙ୍କୁ ଗିରଫ କରାଯାଇଛି। ସେମାନଙ୍କ ମଧ୍ୟରେ ଜଣେ ମହିଳା ଅଛନ୍ତି। ଗିରଫ ଅଭିଯୁକ୍ତମାନେ ହେଲେ ବାଲେଶ୍ୱର ସହଦେବଖୁଣ୍ଟାର ହୃଷ୍ନାକର ପଢ଼ିଆରୀ(୩୦), ଜୟସ୍ମିତା ନାୟକ(୫୦), ଜଳେଶ୍ବରର ସଞ୍ଜୟ ମହାନ୍ତି(୪୩), ବରଗଡ଼ ସୋହେଲାର ବିଶ୍ୱ ପ୍ରଧାନ(୩୦), ବଲାଙ୍ଗୀରର ସୁରଜ କୁମାର ଦାସ(୨୧) ଏବଂ ଅନୁଗୋଳ
ହୁଲୁରୁସିଙ୍ଗାର ଶ୍ୟାମଳେନ୍ଦୁ ନାୟକ(୩୦)। ଜବତ ହୋଇଥିବା ସାପବିଷର ମୂଲ୍ୟ ୧୦କୋଟିରୁ ଊର୍ଦ୍ଧ୍ୱ ହେବ ବୋଲି ବନ ବିଭାଗ ଆକଳନ କରିଛି। ଗିରଫ ୬ଜଣଙ୍କୁ ଭୁବନେଶ୍ୱର ବନାଞ୍ଚଳ କାର୍ଯ୍ୟାଳୟରେ ରଖି ପଚରାଉଚରା କରାଯାଉଛି। ଅଭିଯୁକ୍ତମାନଙ୍କୁ ସିଟି ଡିଏଫ୍‌ଓ ଅଶୋକ ମିଶ୍ର ଜେରା କରୁଛନ୍ତି। ସମସ୍ତ ଅଭିିଯୁକ୍ତଙ୍କର କୋଭିଡ୍‌ ଟେଷ୍ଟ ପରେ ରବିବାର କୋର୍ଟଚାଲାଣ କରାଯିବ। ସୁରଜଙ୍କ ବାପା ଏହି ର଼୍ୟାକେଟ୍‌ର ମୁଖ୍ୟ ଏବଂ ତାଙ୍କୁ ଧରିବା ପାଇଁ ଉଦ୍ୟମ ଚାଲିଛି ବୋଲି ବନ ବିଭାଗ ପକ୍ଷରୁ କୁହାଯାଇଛି।

ସୂଚନାଯୋଗ୍ୟ, ଗତ ଦୁଇ ଦିନ ଧରି ରାଜଧାନୀରେ କେତେଜଣ ବ୍ୟକ୍ତି ୧ ଲିଟର ୬ଶହ ମିଲିଗ୍ରାମ ସାପବିଷ ଧରି ବିକିବା ପାଇଁ ଚେଷ୍ଟା କରୁଥିବା ସ୍ନେକ ହେଲ୍ପଲାଇନର ସାଧାରଣ ସମ୍ପାଦକ ଶୁଭେନ୍ଦୁ ମଲ୍ଲିକଙ୍କୁ ଖବର ମିଳିଥିଲା। ଶୁଭେନ୍ଦୁ ଶନିବାର ସକାଳେ ନଗର ବନଖଣ୍ଡ ଅଧିକାରୀ ଅଶୋକ ମିଶ୍ରଙ୍କୁ ଏ ନେଇ ଜଣାଇଥିଲେ। ସିଟି ଡିଏଫ୍‌ଓଙ୍କ ନିର୍ଦ୍ଦେଶକ୍ରମେ ଏସିଏଫ୍‌ ପ୍ରଶାନ୍ତ କୁମାର ପଣ୍ଡାଙ୍କ ନେତୃତ୍ୱରେ ଭୁବନେଶ୍ୱର ଏବଂ ମଞ୍ଚେଶ୍ୱର ରେଞ୍ଜ ଅଫିସ୍‌ର ୪ଟି ଗାଡ଼ି ସହ ୨୦ ଜଣ କର୍ମଚାରୀ ଜାଲ ବିଛାଇ ଜଗି ରହିଥିଲେ। ଯୋଜନା ମୁତାବକ, ଭୁବନେଶ୍ୱର ବନାଞ୍ଚଳର ଜଣେ ଫରେଷ୍ଟର ସମ୍ପୃକ୍ତ ସାପବିଷ ବେପାରୀମାନଙ୍କ ନିକଟକୁ ଗ୍ରାହକ ସାଜି ଯାଇଥିଲେ। ସମସ୍ତ ଅଭିଯୁକ୍ତ ମାଷ୍ଟରକ୍ୟାଣ୍ଟିନ୍‌ ବସ୍‌ଷ୍ଟପ୍‌ରେ ଏକାଠି ହୋଇ ଅପେକ୍ଷା କରିଥିଲେ। ବିଷ ଠିକ୍‌ କିମ୍ବା ଭୁଲ୍‌ ଜାଣିବା ପାଇଁ ଶୁଭେନ୍ଦୁ ନିଜ ଶରୀରରୁ ୨ ମିଲି ଲିଟର ରକ୍ତ ଟେଷ୍ଟଟ୍ୟୁବରେ ଦେବା ପରେ ସେଥିରେ ଗୋଟେ ଟୋପା ବିଷ ମିଶାଯାଇଥିଲା। ୨୦ ମିନିଟ୍‌ ପରେ ସେହି ରକ୍ତ ଆଉ ଜମାଟ ବାନ୍ଧି ନ ଥିଲା। ବିଷ ଠିକ୍‌ ଅଛି ବୋଲି ଜାଣିବା ପରେ ଏସିଏଫ୍‌ ପ୍ରଶାନ୍ତ ପଣ୍ଡା ଚଢ଼ାଉ ପାଇଁ ସବୁଜ ସଙ୍କେତ ଦେଇଥିଲେ। ଏକାସମୟରେ ମାଷ୍ଟର କ୍ୟାଣ୍ଟିନ୍‌ ଏବଂ ଏୟାରପୋର୍ଟ ଛକରେ ନଗର ବନଖଣ୍ଡର ୨ଟି ଟିମ୍‌ ଚଢ଼ାଉ କରିଥିଲେ। ଏୟାରପୋର୍ଟ ଛକରୁ ଦୁଇ ବୋତଲ ବିଷ ସହିତ ୩ଜଣ ଏବଂ ମାଷ୍ଟର୍‌ କ୍ୟାଣ୍ଟିନ୍‌ ଛକରୁ ଜଣେ ମହିଳାଙ୍କ ସମେତ ଅନ୍ୟ ୨ ଜଣଙ୍କୁ ଧରିଥିଲେ।

ଅଭିଯୁକ୍ତମାନେ କେଉଁଠୁ ବିଷ ଆଣିଥିଲେ, କାହାକୁ ଦେଇଥାନ୍ତେ, ଆଗରୁ କେତେଥର ଏଭଳି କାମ କରିଛନ୍ତି ସେସବୁ ସମ୍ପର୍କରେ ତଦନ୍ତ ଚାଲିଛି। ଆହୁରି କେତେଜଣ ବ୍ୟକ୍ତି ଏହି ର଼୍ୟାକେଟରେ ସାମିଲ ଥିବା ନେଇ ବନ ବିଭାଗ ପ୍ରାଥମିକ ପର୍ଯ୍ୟାୟରେ ଜାଣିବାକୁ ପାଇଛି। ଆବଶ୍ୟକ ପଡ଼ିଲେ ଅଧିକ ଜେରା ଲାଗି ଅଭିଯୁକ୍ତମାନଙ୍କୁ ରିମାଣ୍ଡରେ ଆଣିବା ପାଇଁ କୋର୍ଟଙ୍କୁ ନିବେଦନ କରାଯିବ ବୋଲି ସିଟି ଡିଏଫ୍‌ଓ ମିଶ୍ର କହିଛନ୍ତି। ସେହିପରି ଶୁଭେନ୍ଦୁ କହିଛନ୍ତି, ଜଣେ ମହିଳା ସାପବିଷ କାରବାରରେ ଗିରଫ ହେବା ବୋଧହୁଏ ଦେଶରେ ପ୍ରଥମ ଘଟଣା। କିନ୍ତୁ ଆଇନ ଆଖିରେ ସମସ୍ତେ ସମାନ। ତେବେ ଓଡ଼ିଶାରେ କାହାରିକୁ ସାପବିଷ ବାହାର କରିବା ପାଇଁ ଲାଇସେନ୍ସ ଦିଆଯାଇନାହିଁ। ତେଣୁ ଯିଏ ବି ଏଭଳି ବିଷ କାରବାର କରିବ ସେ ନିଶ୍ଚୟ ଗିରଫ ହେବ।


Enter your email to get our daily news in your inbox.

All Right Reserved By Dharitri.Com

ହୋଇପାରୁନି ବନ୍ୟା ପାଣି ନିଷ୍କାସନ: ୧୦୦ ପରିବାର ଜଳବନ୍ଦୀ

ବସ୍ତା, ୨୮।୮(ସ୍ବ.ପ୍ର.) – ଗତ କିଛି ଦିନ ଧରି ଉପରମୁଣ୍ଡରେ ଏବଂ ସ୍ଥାନୀୟ ଅଞ୍ଚଳରେ ବର୍ଷା ଯୋଗୁ ବସ୍ତା ବ୍ଲକ ଦେଇ ପ୍ରବାହିତ ନଦୀ ଜଳକା...

ବିଭୁ ରାଉତରାୟ ହାଇକୋର୍ଟ ବିଚାରପତି ନିଯୁକ୍ତ: ଆଜି ନେବେ ଶପଥ

କଟକ ଅଫିସ, ୮-୧୧:ଓଡ଼ିଶା ହାଇକୋର୍ଟର ନୂଆ ବିଚାରପତି ଭାବେ ବ୍ରହ୍ମପୁର ଜିଲା ଦୌରାଜଜ୍‌ ଥିବା ବିଭୁ ପ୍ରସାଦ ରାଉତରାୟ ଶୁକ୍ରବାର ଶପଥ ଗ୍ରହଣ କରିବେ। କେନ୍ଦ୍ର...

ଜାଲ ଚିଠିରେ ଦରମା ବୃଦ୍ଧି

କେନ୍ଦୁଝର,୫ା୭: କେନ୍ଦୁଝର ଜିଲା ଶିକ୍ଷା ବିଭାଗରେ ଜାଲ ଚିଠିରେ ଶିକ୍ଷକଙ୍କ ବେତନ ବୃଦ୍ଧି କରାଯିବା ଚର୍ଚ୍ଚାର ବିଷୟ ହୋଇଛି। ଏହି ଘଟଣାକୁ ଚପାଇ ଦେବାକୁ ଉଦ୍ୟମ...

୨ ମଧୁମେହ ରିପୋର୍ଟକୁ ନେଇ ଚିନ୍ତା

ନୟାଗଡ଼ ଅଫିସ,୩।୧୧: ନୟାଗଡ଼ ଜିଲା ସଦର ମହକୁମାର ଦୁଇଟି ପ୍ରମୁଖ ପାଥୋଲୋଜିର ଫାଷ୍ଟିଂ ରିପୋର୍ଟକୁ ଅନୁଧ୍ୟାନ କଲେ ରୋଗୀଙ୍କ ଜୀବନ ସହ ଖେଳ ଖେଳା ଯାଉଥିବା...

କାର୍ଯ୍ୟାଳୟ ନିର୍ମାଣରେ ବାଧା ଜବରଦଖଲ

ବଇଣ୍ଡା, ୨୯ା୯(ଡି.ଏନ.ଏ.) କଟକ-ସମ୍ବଲପୁର ୫୫ନଂ. ଜାତୀୟ ରାଜପଥ ସମ୍ପ୍ରସାରଣ ପାଇଁ ଅନୁଗୋଳ ଜିଲା କିଶୋରନଗର ବ୍ଲକ ବଇଣ୍ଡାଠାରେ ଅନେକ ସରକାରୀ କାର୍ଯ୍ୟାଳୟ କୋଠା ଭଙ୍ଗାଯାଇଛି। ଏସବୁ...

ବଜ୍ରପାତରେ ଚାଷୀଙ୍କ ଜୀବନ ଗଲା

ବନ୍ତଳା,୨୨ା୬(ଡି.ଏନ୍‌.ଏ.): ଅନୁଗୋଳ ଜିଲା ବନ୍ତଳା ଥାନା ଧୋକୁଟା ପଞ୍ଚାୟତ ଗୋପାଳପୁର ଗ୍ରାମରେ ବୁଧବାର ଅପରାହ୍ନରେ ବଜ୍ରପାତ ହେବାରୁ ଘଟଣାସ୍ଥଳରେ ଜଣେ ଚାଷୀଙ୍କର ମୃତ୍ୟୁ ହୋଇଛି। ଚାଷୀ...

ସବୁ ଦଳ ପାଇଁ ଅଡୁଆ ଅନ୍ତଃକନ୍ଦଳ

ଖୋର୍ଦ୍ଧା ଅଫିସ,୨୧ା୧: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ଗାଁଠୁ ସହର ସବୁଠି ରାଜନୀତି ସରଗରମ ରହିଛି। ନିର୍ବାଚନୀ ବୈତରଣୀ ପାର ହେବା ଲାଗି ତିନି ପ୍ରମୁଖ...

ଓଡ଼ିଶାର ୮ ଜିଲାରେ ଆବଦ୍ଧ ଅଞ୍ଚଳ

ଭୁବନେଶ୍ୱର, ୯ା୪(ବ୍ୟୁରୋ): ଓଡ଼ିଶାରେ ବୁଧବାର ସୁଦ୍ଧା ୪୨ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ତେଣୁ ସଂକ୍ରମଣ ରୋକିବା ପାଇଁ ରାଜ୍ୟ ସରକାର ଆବଶ୍ୟକ ପଦକ୍ଷେପ ନେଉଛନ୍ତି।...

Advertisement
Archives

Model This Week