ଠିକ୍ ସମୟରେ ଅଫିସ୍ ଆସିବା ଏକ ଶୃଙ୍ଖଳିତ ନିୟମ। କିନ୍ତୁ ବେଳେବେଳେ କିଛି କର୍ମଚାରୀ ବିଳମ୍ବରେ ଆସିଥାନ୍ତି। ଅନେକ ସ୍ଥାନରେ କର୍ମଚାରୀଙ୍କୁ ଅନୁଗ୍ରହ ଅବଧି ଭାବରେ ୧୫ ମିନିଟ୍ ବିଳମ୍ବରେ ଅଫିସ ଆସିବାକୁ ଅନୁମତି ଦିଆଯାଇଛି, କିନ୍ତୁ ଆଜିକାଲି ଏକ ଅଫିସର ଅଜବ ନିୟମ ସୋସିଆଲ ମିଡିଆରେ ଭାଇରାଲ ହେଉଛି। ଯେଉଁଥିରେ ଜଣେ ମାଲିକ କର୍ମଚାରୀଙ୍କ ୧ ମିନିଟ୍ ବିଳମ୍ବ ହେଲେ କଠୋର ଦଣ୍ଡ ଘୋଷଣା କରିଛନ୍ତି। ଯାହାକୁ ନେଇ ଚର୍ଚ୍ଚା ଜୋର୍ ଧରିଛି।
ସୋସିଆଲ ମିଡିଆ ସାଇଟ୍ ରେଡ୍ଡିଟରେ ଭାଇରାଲ ହେଉଥିବା ଏକ ପୋଷ୍ଟ ବିଷୟରେ ଉଲ୍ଲେଖ କରାଯାଇଛି। ଏଥିରେ ଜଣେ ୟୁଜର ତାଙ୍କ ଅଫିସର ମାଲିକଙ୍କ ଦ୍ୱାରା ଜାରି କରାଯାଇଥିବା ଏକ ନିୟମ (ସମସ୍ତଙ୍କୁ ୧ ମିନିଟ୍ ବିଳମ୍ବ ପାଇଁ ୧୦ ମିନିଟ୍ ଅତିରିକ୍ତ କାର୍ଯ୍ୟ) ବିଷୟରେ କହିଛନ୍ତି। ଯାହା ଜାଣି ସମସ୍ତେ ଆଶ୍ଚର୍ଯ୍ୟ ହୋଇଛନ୍ତି।
ବ୍ୟକ୍ତି ଜଣକ ଅଫିସରେ ପୋଷ୍ଟ ହୋଇଥିବା ଏକ ନୋଟ୍ ବି ଶେୟାର କରିଛନ୍ତି। ଏଥିରେ କ୍ୟାପଶନ ଲେଖିଛନ୍ତି, ମୁଁ ଯେଉଁଠାରେ ବି କାମ କଲି, ଏହା ସବୁଠୁ ଖରାପ ସ୍ଥାନ, ଦରମା ମଧ୍ୟ କମ୍ ଅଟେ। ଫଟୋରେ ଏହା ଲେଖାଯାଇଛି- ଯଦି ଆପଣ ଅଫିସକୁ ଆସିବାରେ ୧ ମିନିଟ୍ ବିଳମ୍ବ କରନ୍ତି, ତେବେ ଆପଣଙ୍କୁ ସା ୬ଟା ପରେ ୧୦ ମିନିଟ୍ ଅଧିକ କାମ କରିବାକୁ ପଡ଼ିବ। ଉଦାହରଣ ସ୍ବରୂପ, ଯଦି ଆପଣ ରାତି ୨.୧୦ରେ ଅଫିସ୍ ଆସନ୍ତି, ତେବେ ଆପଣଙ୍କୁ ୬.୨୦ରେ ଅଫିସ ଛାଡ଼ିବାକୁ ପଡ଼ିବ।
ଏହି ପୋଷ୍ଟରେ ୭୦ ହଜାରରୁ ଅଧିକ ଲାଇକ୍ ଆସିଛି ଏବଂ ହଜାର ହଜାର ଲୋକ ମନ୍ତବ୍ୟ ଦେଇଛନ୍ତି। ଜଣେ ୟୁଜର କହିଛନ୍ତି, ଏହା ଅତ୍ୟନ୍ତ ମୁର୍ଖ ଏବଂ ବେଆଇନ ନିୟମ ପରି ମନେହୁଏ। ଏଥିସହିତ ଅନ୍ୟ ଜଣେ ପଚାରିଛନ୍ତି, ମାଲିକ ତାଙ୍କ କର୍ମଚାରୀଙ୍କୁ ହରାଇବାକୁ ଚାହୁଁଛନ୍ତି କି? କାରଣ ଜଣେ କର୍ମଚାରୀଙ୍କୁ ହରାଇବା ପାଇଁ ଏହା ହେଉଛି ସର୍ବୋତ୍ତମ ଉପାୟ। ଆଉ ଜଣେ ୟୁଜର କହିଛନ୍ତି ୧ ଘଣ୍ଟା ବିଳମ୍ବରେ ଅଫିସ ଛାଡ଼ନ୍ତୁ। ଆଉ ସେହି ଅନୁଯାୟୀ ମାଲିକଙ୍କଠାରୁ ଓଭରଟାଇମ୍ର ପଇସା ବି ନିଅନ୍ତୁ। ମାଲିକଙ୍କ ଏପରି ଅଜବ ନିୟମ ସୋସିଆଲ ମିଡିଆରେ ବେଶ୍ ଭାଇରାଲ ହେଉଛି।
