ଉମରକୋଟ,୧୦।୨(ସନ୍ତୋଷ ଶତପଥୀ): ଦୀର୍ଘ ଦିନର ଦାବି ପୂରଣ ନହେବାରୁ ମଙ୍ଗଳବାର ଆନ୍ଦୋଳନ ପଥକୁ ଓହ୍ଲାଇଛି ‘ଉମରକୋଟ ସଂଗ୍ରାମ ମଞ୍ଚ’ । ଆଜି ଉମରକୋଟ, ରାଇଘର, ଝରିଗାଁ ଏବଂ ଚାନ୍ଦାହାଣ୍ଡି ବ୍ଲକକୁ ୧୨ ଘଣ୍ଟିଆ ସମ୍ପୂର୍ଣ୍ଣ ‘ଅଖ ଚକ ବନ୍ଦ’ ଡାକରା ଦିଆଯାଇଛି । ଉମରକୋଟକୁ ସବ୍-ଡିଭିଜନ ମାନ୍ୟତା, ଭୁ-ବନ୍ଦୋବସ୍ତ, ଉମରକୋଟରେ ମେଡିକାଲ କଲେଜ ପ୍ରତିଷ୍ଠା, ଧାନମଣ୍ଡି ସମସ୍ୟାର ସମାଧାନ ପାଇଁ ଓ ମକା ପ୍ରକ୍ରିୟାକରଣ ୟୁନିଟ୍ ବସାଇବା ଆଦି ଦାବୀ ନେଇ ସଂଗ୍ରାମ ମଞ୍ଚ ପକ୍ଷରୁ ବନ୍ଦ ଡାକରା ଦେଇଛି । ନବରଙ୍ଗପୁର ଜିଲ୍ଲାର ଦୁଇଟି ନିର୍ବାଚନ ମଣ୍ଡଳୀରେ ଦେଖିବାକୁ ମିଳିଛି ବନ୍ଦର ବ୍ୟାପକ ପ୍ରଭାବ ।
୧୯୫୬ ମସିହା ପରଠାରୁ ଉମରକୋଟ ଅଞ୍ଚଳରେ ଭୁ-ବନ୍ଦୋବସ୍ତ ବା ସେଟେଲମେଣ୍ଟ ହୋଇନାହିଁ । ଫଳରେ ସ୍ୱାଧୀନତାର ୭ ଦଶନ୍ଧି ପରେ ବି ଲୋକେ ନିଜ ଜମିର ପଟା ପାଇବାରୁ ବଞ୍ଚିତ ହେଉଛନ୍ତି । ଏହା ସହିତ ଉମରକୋଟକୁ ସବ୍-ଡିଭିଜନ ମାନ୍ୟତା ମିଳିଥିଲେ ମଧ୍ୟ ଆବଶ୍ୟକ ସରକାରୀ ଅଧିକାରୀ ନିଯୁକ୍ତି ହୋଇନାହିଁ ଏବଂ
ମକା ଚାଷୀଙ୍କ ପାଇଁ ‘ମକା ପ୍ରକ୍ରିୟାକରଣ ୟୁନିଟ୍’ ସ୍ଥାପନ ସହ ଧାନ ମଣ୍ଡି ସମସ୍ୟାର ସ୍ଥାୟୀ ସମାଧାନ ପାଇଁ ଆଜି ୧୨ ଘଣ୍ଟିଆ ବନ୍ଦ ପାଳନ କରାଯାଉଛି ।
