ସିଲ୍‌ ହେଲା ରାଣୀପଥର-ଭାଲିଆପଡା ବନବିଭାଗ ରାସ୍ତା
7:55 amApril 10, 2020 / 21

ଖଜୁରିପଡା,୯ା୪(ଡି.ଏନ.ଏ.)- ଫୁଲବାଣୀରୁ ବୌଦ୍ଧ ଜିଲାକୁ ସଂଯୋଗ ଜାତୀୟ ରାଜପଥ କଡ଼ ଠାରୁ ରାଣୀପଥର ଗ୍ରାମ ଦେଇ ଭାଲିଆପଡା ଅରାପାଜୁକୁ ସଂଯୋଗ ହୋଇଥିବା ବନବିଭାଗ ରାସ୍ତା ଗୁରୁବାର ସିଲ୍‌ କରାଯାଇଛି। ଲକ୍‌ଡାଉନ ପରେ ଆସି ବଲାଙ୍ଗୀର ଓ ରେଢ଼ାଖୋଲରେ ଅଟକି ରହିଥିବା ଶ୍ରମିକ ଚାଲି ଚାଲି ଆସି ଚାରିଛକ ଓ ରାଣୀପଥରରେ ପହଞ୍ଚୁଛନ୍ତି। ସମ୍ପର୍କୀୟଙ୍କୁ ଫୋନ୍‌ କରି ଡକାଇ ସେଠାରୁ ଗାଡିମୋଟର ଯୋଗେ ଗଁାକୁ ଯାଉଛନ୍ତି। ଫଳରେ ଏହି ରାସ୍ତାରେ ଗ୍ରାମବାସୀ ବାଡ଼ ପକାଇ ଦେଇଥିଲେ। କିନ୍ତୁ ବନବିଭାଗ ଚାପ ପକାଇବା ପରେ ଗ୍ରାମବାସୀ ବାଧ୍ୟହୋଇ ବାଡ ଭାଙ୍ଗିବା ସହ ଜିଲାପାଳଙ୍କୁ ଜଣାଇଥିଲେ। ଜିଲାପାଳଙ୍କ ନିର୍ଦ୍ଦେଶକ୍ରମେ ଖଜୁରିପଡା ତହସିଲଦାର ସ୍ବପ୍ନିତା ନାୟକ ଆର୍‌ଆଇ ସୁନୀଲ ଦିଗାଲଙ୍କୁ ପଠାଇ ତଦନ୍ତ କରି ରିପୋର୍ଟ ଦେଇଥିଲେ। ଏସ୍‌ଡ଼ିପିଓ ମହେନ୍ଦ୍ରନାଥ ମୁର୍ମୁ, ସଦର ଥାନା ଅଧିକାରୀ ଆଦିତ୍ୟ ସେଠୀ ସୁଡ୍ରୁକୁମ୍ପା ଫାଣ୍ଡି ଅଧିକାରୀ ବସନ୍ତ କୁମାର ବେହେରା ପ୍ରମୁଖ ରାଣୀପଥରରେ ପହଞ୍ଚତ୍ ଗୁରୁବାର ଉକ୍ତ ରାସ୍ତାକୁ ସିଲ୍‌ କରି ୨ ଜଣ ହୋମ୍‌ଗାର୍ଡଙ୍କୁ ନିଯୁକ୍ତ କରିଛନ୍ତି।