ଏପ୍ରିଲ ୧୪ରୁ ପବିତ୍ର ରମ୍ଜାନ ମାସ ଆରମ୍ଭ ହୋଇଛି। ଏହି ମାସରେ ମୁସଲିମ୍ ସମ୍ପ୍ରଦାୟର ଲୋକେ ଉପବାସ ରଖି ଆଲ୍ଲାଙ୍କୁ ସ୍ମରଣ କରନ୍ତି। କିଛି କ୍ରିକେଟର ଅଛନ୍ତି ଯେଉଁମାନେ ମ୍ୟାଚ୍ ଚାଲିଥିବା ସମୟରେ ମଧ୍ୟ ଉପବାସ ରଖୁଛନ୍ତି। ଏଥର ଆଇପିଏଲ୍ ୨୦୨୧ରେ ଚାଲିଥିବାବେଳେ ରମଜାନ ମାସ ପଡିଛି। ସନରାଇଜର୍ସ ହାଇଦ୍ରାବାଦ ଖେଳାଳି ରଶିଦ ଖାନ ଉପବାସ ରଖୁଛନ୍ତି। ନିକଟରେ ତାଙ୍କର ଏକ ଭିଡିଓ ଭାଇରାଲ ହୋଇଛି। ଭିଡିଓରେ ରଶିଦ ଖାନ ଡେଭିଡ ଓ୍ବାର୍ନର ଏବଂ କେନ୍ ଓ୍ବିଲିୟମ୍ସଙ୍କୁ ପଚାରୁଛନ୍ତି ଆପଣଙ୍କ ଉପବାସ କେମିତି ଚାଲିଛି। ଉଭୟ ଉତ୍ତରରେ କହୁଛନ୍ତି ବଢିଆ ଲାଗୁଛି। ଡେଭିଡ ଓ୍ବାର୍ନର ଏବଂ କେନ୍ ଓ୍ବିଲିୟମ୍ସଙ୍କୁ ଧନ୍ୟବାଦ ଦେଇ ରଶିଦ କହିଛି ଏ ଦୁହେଁ ଆଜି ରମଜାନ ମାସ ଯୋଗୁ ଉପବାସ ରଖିଛନ୍ତି। ଦେଖିକି ଖୁସି ଲାଗୁଥିବା ସେ କହିଛନ୍ତି।
ଏହି ଭିଡିଓରୁ ଅନେକ କିଛି ଶିଖିବାକୁ ମିଳିଛି। ଜାତି ଧର୍ମ ନିର୍ବିଶେଷରେ ସମସ୍ତେ ଏକ, ଏଭଳି ଭିଡିଓ ଭାଇଚାରା ସୃଷ୍ଟି କରେ ବୋଲି ପ୍ରଶଂସକ କହିଛନ୍ତି।
