ସମସ୍ୟା ଘେରରେ ବାଣିଜ୍ୟକର ଅଫିସ: ରାସ୍ତା ନାହିଁ, ହିଡ଼ ଦେଇ ଯିବାକୁ ପଡ଼ୁଛି କାର୍ଯ୍ୟାଳୟ

ଯାଜପୁର ଟାଉନ,୧୪-୧(ଡିଏନଏ): ଓଡ଼ିଶା ସରକାରଙ୍କ ଅର୍ଥ ବିଭାଗ ପକ୍ଷରୁ ଦୀର୍ଘବର୍ଷ ପୂର୍ବେ ଯାଜପୁର ଟାଉନରେ ବାଣିଜ୍ୟକର ଅଫିସ କାର୍ଯ୍ୟ କରୁଛି। ଏବେ ଏହି କାର୍ଯ୍ୟାଳୟର ନାମ ବାଣିଜ୍ୟକର ଏବଂ ଦ୍ରବ୍ୟସେବା କର(ଜିଏସଟି)ରେ ପରିଣତ ହୋଇଛି। ସରକାରଙ୍କର ଏହି କର ନିର୍ଦ୍ଧାରଣ ସଂସ୍ଥାଟି ପୂର୍ବରୁ ସହରର ମଧ୍ୟବର୍ତ୍ତୀ ସ୍ଥାନ ଗରିଆପୁରଠାରେ ଭଡାଘରେ ଚାଲୁଥିବାବେଳେ ଗତ କିଛିବର୍ଷ ହେଲା ନିଜସ୍ବ ନିର୍ମିତ ଗୃହକୁ ସ୍ଥାନାନ୍ତର ହୋଇଛି। ଭୀମକରପୁର ମୌଜାର କୁସୁମା ନିକଟସ୍ଥ ଏକ ନିଛାଟିଆ ସ୍ଥାନରେ ରହିଥିବା ଉକ୍ତ ଅଫିସରେ କେହି ଅଧିକାରୀ ନାହାନ୍ତି। ଅପରପକ୍ଷରେ ସରକାରଙ୍କ ରାଜସ୍ବ ସଂଗ୍ରହର ମାଧ୍ୟମ ପାଲଟିଥିବା ଏହି କାର୍ଯ୍ୟାଳୟକୁ ଯିବା ପାଇଁ ଖଣ୍ଡିଏ ରାସ୍ତା ନହିଁ। ଜମି ହିଡ଼ରେ ଗୋଟିଏ ଦୁଇଚକିଆ ଯାନରେ ସତର୍କତାର ସହ ଅଫିସକୁ ଯିବାକୁ ପଡିଥାଏ। କୌଣସି ଅଧିକାରୀ ଅଫିସ ପର୍ଯ୍ୟନ୍ତ ଯଦି ଚାରିଚକିଆ ଯାନରେ ଯାଇଥାନ୍ତି ତେବେ କିଛି ଲୋକଙ୍କ ଘରୋଇ ଜମି ଦେଇ ଯାତାୟତ କରିଥାନ୍ତି। ବର୍ଷାଦିନେ ତାହା ମଧ୍ୟ ହୋଇପାରେ ନାହିଁ। ଜିଲା ସଦର ମହକୁମାରେ ଅଫିସ ରହିଥିଲେ ମଧ୍ୟ ଏହା ଉପରେ କାହାର ଦୃଷ୍ଟି ନାହିଁ। ଏଠାରେ ଏକ ମୁଖ୍ୟ ବାଣିଜ୍ୟକର ଅଧିକାରୀଙ୍କ ପଦବୀ ରହିଥିବାବେଳେ ଭଡାଘରେ ଥିବା ସମୟରୁ ଏବଂ ନିଜସ୍ବ ଗୃହରେ ଅଫିସ ଚାଲିବା ପରଠାରୁ କେହି ଜଣେ ସ୍ଥାୟୀ ଅଧିକାରୀ ନାହାନ୍ତି। ଯାଜପୁରରୋଡରେ ଥିବା କାର୍ଯ୍ୟାଳୟର ଅଧିକାରୀ ଆସି ମଝିରେ ମଝିରେ ପହଞ୍ଚତ୍ ଭାରପ୍ରାପ୍ତ ଅଧିକାରୀଙ୍କ ଦାୟିତ୍ୱ ତୁଲାଇଥାନ୍ତି। ଯାଜପୁର ସହର, ସଦର ବ୍ଲକ, ବିଞ୍ଝାରପୁର, ବରୀ ଓ ଦଶରଥପୁର ସମେତ ଆଉ କେତେକ ଅଞ୍ଚଳକୁ ନେଇ ଏହି କାର୍ଯ୍ୟାଳୟଟି ରହିଛି। ମାତ୍ର ଦୀର୍ଘଦିନ ଧରି ଏଠାରେ କେହି ସ୍ଥାୟୀ ଅଧିକାରୀ ନ ରହିବା ଯୋଗୁ ରାଜସ୍ବ ସଂଗ୍ରହ କମ୍‌ ହେବା ସହିତ ଅସାଧୁ ବ୍ୟବସାୟୀମାନେ କୋଟିକୋଟି ଟଙ୍କାର ଟିକସ ଫାଙ୍କି ଚାଲିଛନ୍ତି। ଟିକସ ଲୁଟେରାଙ୍କୁ ଅଧିକାରୀଙ୍କ ଅନୁପସ୍ଥିତି କଙ୍କଡ଼ାକୁ ଗୋଳିଆପାଣି ସଦୃଶ ହୋଇଥିବା ଦେଖାଯାଉଛି। ବିଭାଗୀୟ କର୍ତ୍ତୃପକ୍ଷଙ୍କ ଅବହେଳା ଏବଂ ପ୍ରଶାସନର ଅଣଦେଖା ମନୋଭାବ ପାଇଁ ଏକ ଗୁରୁତ୍ୱପୂର୍ଣ୍ଣ କାର୍ଯ୍ୟାଳୟର ଏ ପ୍ରକାର ଦୂରାବସ୍ଥା ହୋଇଛି ବୋଲି ସାଧାରଣରେ ଅଭିଯୋଗ ହୋଇଛି। ଏ ସମ୍ପର୍କରେ ବାଣିଜ୍ୟକର ଅଧିକାରୀଙ୍କ ସହ ଯୋଗାଯୋଗ କରାଯିବା ପାଇଁ ଚେଷ୍ଟା କରାଯାଇଥିଲେ ମଧ୍ୟ ସମ୍ଭବପର ହୋଇପାରି ନାହିଁ।


Enter your email to get our daily news in your inbox.

All Right Reserved By Dharitri.Com

ସନାତନ ଭାଜପାରୁ ପ୍ରାର୍ଥୀ ହେବା ନେଇ ଚର୍ଚ୍ଚା

କେନ୍ଦୁଝର,୨୯ା୩(ନରେଶ ଚନ୍ଦ୍ର ପଟ୍ଟନାୟକ):ପ୍ରଥମେ କଂଗ୍ରେସ, ପରେ କଂଗ୍ରେସ ଛାଡ଼ି ସ୍ବାଧୀନ ପ୍ରାର୍ଥୀ ଭାବରେ ଛିଡ଼ା ହୋଇ ଚମ୍ପୁଆ ବିଧାୟକ ହେଲେ। ଚଳିତ ନିର୍ବାଚନ ତାରିଖ ଘୋଷଣା...

ରାତିସାରା ଚାଲିଛି ମୋରମ ଲୁଟ୍‌

ଯାଜପୁର/କୋରେଇ(ହର୍ଷବର୍ଦ୍ଧନ ବେହେରା/ଚନ୍ଦ୍ରକାନ୍ତ ପତି),୨୯ା୩ : ଲଘୁ ଖଣିଜ ଦ୍ରବ୍ୟ ଲୁଟ୍‌ କାରବାରକୁ ନିୟନ୍ତ୍ରଣ କରିବା ଲକ୍ଷ୍ୟରେ ରାଜସ୍ବ ବିଭାଗଠାରୁ ଖଣି ବିଭାଗକୁ ଦାୟିତ୍ୱ ହସ୍ତାନ୍ତର ହୋଇଛି।...

ପଦ୍ମପୁର ଆସନରେ ପ୍ରାର୍ଥୀ ଘୋଷଣା ଦ୍ୱନ୍ଦ୍ୱ

ପଦ୍ମପୁର,୨୮।୩. (ପ୍ରଦୀପ୍ତ ଦାଶ): ବରଗଡ଼ ଜିଲାରେ ଥିବା ବିଧାନସଭା ଆସନ ପାଇଁ ବିଜେଡି ବୁଧବାର ପ୍ରାର୍ଥୀ ଘୋଷଣା କରିଛି। କିନ୍ତୁ ପଦ୍ମପୁର ବିଧାନସଭା ଆସନ ପାଇଁ...

ମା’ ପୁଅଙ୍କୁ ହତ୍ୟା କଲେ ମାଓବାଦୀ

ରାଉରକେଲା,୨୮।୩(ସଙ୍ଗୀତା ଜେନା): ଓଡ଼ିଶା-ଝାଡ଼ଖଣ୍ଡ ସୀମାବର୍ତ୍ତୀ ପଶ୍ଚିମ ସିଂହଭୂମ ଚାଇଁବାସା ଅଞ୍ଚଳରେ ମାଓବାଦୀମାନେ ଜଣେ ବୃଦ୍ଧା ଓ ତାଙ୍କ ପୁଅଙ୍କୁ ହତ୍ୟା କରିଛନ୍ତି। ମୃତକ ହେଲେ ଚାଇଁବାସା...

ବସ୍‌ ଧକ୍କାରେ ଚାଲିଗଲା ଜୈନ ସନ୍ନ୍ୟାସିନୀଙ୍କ ଜୀବନ

ଫୁଲନଖରା,୨୮ା୩(ସତ୍ୟରଞ୍ଜନ ଦାସମହାପାତ୍ର): ଭୁବନେଶ୍ୱର-କଟକ ୧୬ ନମ୍ବର ଜାତୀୟ ରାଜପଥର ବମ୍ଫକୁଦ ନିକଟରେ ଏକ ଯାତ୍ରୀବାହୀ ବସ୍‌ ଧକ୍କାରେ ଜଣେ ଜୈନ ସନ୍ନ୍ୟାସିନୀଙ୍କ ମୃତ୍ୟୁ ଘଟିଛି। ସେ...

ମାହାଙ୍ଗା ଡବଲ ମର୍ଡର ମାମଲା: ଅନ୍ତରୀଣ ସୁରକ୍ଷା ବଳବତ୍ତର

କଟକ,୨୮ା୩ (କାର୍ତ୍ତିକ ସାହୁ) ମାହାଙ୍ଗା ଡବଲ ମର୍ଡର ମାମଲାରେ ବିଧାୟକ ପ୍ରତାପ ଜେନାଙ୍କ ଅନ୍ତରୀଣ ସୁରକ୍ଷାକୁ ହାଇକୋର୍ଟ ବଳବତ୍ତର ରଖିଛନ୍ତି। ନିମ୍ନକୋର୍ଟର ନିର୍ଦ୍ଦେଶ ବିରୋଧରେ ବିଧାୟକ...

ଦୁର୍ଘଟଣାରେ ଶ୍ୱଶୁର ମୃତ, ଜ୍ୱାଇଁ ଗୁରୁତର

ଭେଡ଼େନ,୨୮।୩ (ସୁଦନ ମହାକୁର): ବରଗଡ଼ ଜିଲା ଭେଡ଼େନ ଥାନା ଅଧୀନ ଭେଡ଼େନ-ରେମଣ୍ଡା ରାସ୍ତାର ଅପାମରା ନିକଟରେ ଗୁରୁବାର ଏକ ସଡ଼କ ଦୁର୍ଘଟଣା ଘଟିଛି। ଏକ ବାଇାକ୍‌...

କଂଗ୍ରେସରୁ ଇସ୍ତଫା ଦେଲେ ପୂର୍ବତନ ବିଧାୟକ, ବିଜେଡିରେ ଯୋଗଦେବା ସମ୍ଭାବନା

ନୂଆଦିଲ୍ଲୀ ,୨୮।୩: ବିଧାନସଭା ନିର୍ବାଚନ ପୂର୍ବରୁ ଟିଟିଲାଗଡର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସ ଦଳରୁ ଇସ୍ତଫା ଦେଇଛନ୍ତି। ତିନିଥର ପୂର୍ବତନ କଂଗ୍ରେସ ବିଧାୟକ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri