ସାଉଥାମ୍ପଟନ,୧୧।୭: ଇଂଲଣ୍ଡ ଅଲରାଉଣ୍ଡର ତଥା କାମଚଳା ଅଧିନାୟକ ବେନ୍ ୍ଯଯୋକ୍ସ ଏକ ବିରଳ ସଫଳତା ତଥା ରେକର୍ଡ ଅର୍ଜନ କରିଛନ୍ତି। ସେ ଟେଷ୍ଟ ଫର୍ମାଟରେ ବିଶ୍ୱର ଦ୍ୱିତୀୟ ଦ୍ରୁତତମ ଅଲରାଉଣ୍ଡର ଭାବେ ୪,୦୦୦ ରନ କରିବା ସହ ୧୫୦ ଉଇକେଟ ହାସଲ କରିଛନ୍ତି। ଏଠାରେ ଚାଲିଥିବା ଓ୍ବେଷ୍ଟଇଣ୍ଡିଜ ବିପକ୍ଷ ପ୍ରଥମ ଟେଷ୍ଟର ତୃତୀୟ ଦିନରେ ସେ ଏହି ମାଇଲ୍ ଖୁଣ୍ଟ ଅତିକ୍ରମ କରିଛନ୍ତି। ଭ୍ରମଣକାରୀ ଦଳର ଅଲଜାରି ଜୋସେଫ୍ଙ୍କୁ ଆଉଟ୍ କରି ଏକ ବିରଳ କ୍ଲବ୍ରେ ସାମିଲ ହୋଇଥିଲେ। ପୂର୍ବରୁ ଇଂଲଣ୍ଡ କିମ୍ବଦନ୍ତୀ ଅଲରାଉଣ୍ଡର ଇଆନ ବୋଥାମ ଓ ଅନ୍ୟ ୪ ଅଲରାଉଣ୍ଡର ଏହି ସଫଳତା ପାଇଛନ୍ତି। ଷ୍ଟୋକ୍ସ ୧୪ ଓଭର ବୋଲିଂ କରି ୪୯ ରନ ବିନିମୟରେ ୪ ଉଇକେଟ ହାସଲ କରିଛନ୍ତି। ଏଥିରେ ୫ଟି ମେଡେନ ଓଭର ସାମିଲ ରହିଛି। ୬୪ଟି ମ୍ୟାଚ୍ ଖେଳି ଷ୍ଟୋକ୍ସ ଏହି ମାଇଲଖୁଣ୍ଟ ଅତିକ୍ରମ କରିଛନ୍ତି। ପୂର୍ବତନ ଓ୍ବେଷ୍ଟଇଣ୍ଡିଜ ଅଲରାଉଣ୍ଡର ଗ୍ୟାରୀ ସୋବୋର୍ସ ତାଙ୍କ ଆଗରେ ରହିଛନ୍ତି। ସୋବର୍ସ ୬୩ ମ୍ୟାଚ୍ ଖେଳି ଏହି ସଫଳତା ପାଇଥିଲେ। ସୋବର୍ସ ଓ ଷ୍ଟୋକ୍ସଙ୍କୁ ବାଦ୍ ଦେଲେ ଦକ୍ଷିଣ ଆଫ୍ରିକା ଅଲରାଉଣ୍ଡର ଜ୍ୟାକ୍ କାଲିସ୍, ଭାରତର କପିଲ୍ ଦେବ ଓ ନ୍ୟୁଜିଲାଣ୍ଡ ଅଧିନାୟକ ଡାନିଏଲ ଭିଟ୍ଟୋରୀ ଏହି କ୍ଲବ୍ରେ ସାମିଲ ରହିଛନ୍ତି। ଏହି ଟେଷ୍ଟର ପ୍ରଥମ ଇନିଂସରେ ଷ୍ଟୋକ୍ସ ୪୩ ରନ ସଂଗ୍ରହ କରିଥିଲେ ଓ ଇଂଲଣ୍ଡ ତରଫରୁ ସର୍ବାଧିକ ସ୍କୋର ଥିଲା।
