ବଲାଙ୍ଗୀର ଲୋକଉତ୍ସବକୁ ଇତିମଧ୍ୟରେ ୨୦ ବର୍ଷ ପୂରିଛି। ଜାନୁୟାରୀ ୩ରୁ ୬ ତାରିଖ ପର୍ଯ୍ୟନ୍ତ ବିଂଶତିତମ ଜିଲାସ୍ତରୀୟ ବଲାଙ୍ଗୀର ଲୋକ ଉତ୍ସବ ଶେଷ ହୋଇଛି। ଏହି ଉତ୍ସବରେ ଜିଲାର ବିଭିନ୍ନ ବ୍ଳକ୍ ଏବଂ ରାଜ୍ୟ ତଥା ଦେଶର ବହୁ ସ୍ଥାନରୁ ଆସିଥିତ୍ବା କଳାକାରମାନଙ୍କ ସମାଗମ ହୋଇଥିଲା। ଦର୍ଶକମଣ୍ଡଳୀ ନିଜ ଜିଲା ଓ ରାଜ୍ୟ ସହ ଦେଶର ବିଭିନ୍ନ ଅଞ୍ଚଳରୁ ଆସିଥିତ୍ବା କଳାକାରଙ୍କ ପ୍ରତିଭାର ଝଲକ ଦେଖିତ୍ବାକୁ ପାଇଛନ୍ତି। ଏହି କାରଣରୁ ଲୋକ ଉତ୍ସବରେ ପ୍ରବଳ ଜନସମାଗମ ହୋଇଥିଲା। କଳା ଆକର୍ଷଣରୁ ଜନସମାଗମକୁ ଆଖି ଆଗରେ ରଖି କିଛିବର୍ଷ ହେଲା ଏହି ଲୋକ ଉତ୍ସବ ସମୟରେ ଜିଲାସ୍ତରୀୟ ପଲ୍ଲିଶ୍ରୀ ମେଳା ଓ ହସ୍ତତନ୍ତ ଏବଂ ହସ୍ତଶିଳ୍ପ ପ୍ରଦର୍ଶନୀ ମେଳା ଆୟୋଜନ କରାଯାଉଛି। କଳା, ସଂସ୍କୃତିର ଉନ୍ନତି ସଙ୍ଗେ ସଙ୍ଗେ ଓର୍ମାସ୍ ଜରିଆରେ ବହୁ ଏସ୍ଏଚ୍ଜି ଓ କୁଟୀରଶିଳ୍ପୀ ତଥା ଛୋଟ ବ୍ୟବସାୟୀ ତାଙ୍କର ବେପାର ମଧ୍ୟ କରୁଛନ୍ତି। ଗୋଟିଏ ସ୍ଥାନରେ ଆକର୍ଷଣୀୟ ନାଚଗୀତ ଓ ଦୈନନ୍ଦିନ ତଥା ସୌଖିନ ସାମଗ୍ରୀର କିଣାବିକା ହେବା ଫଳରେ ଏହି ୪ ଦିନିଆ ଲୋକ ଉତ୍ସବ ସ୍ଥଳରେ ପ୍ରବଳ ଭିଡ଼ ପରିଲକ୍ଷିତ ହେଉଛି। ମଞ୍ଚରେ କଳା ଓ ସଂସ୍କୃତିର ଝଲକ ଦେଖିବାକୁ ଅପେକ୍ଷାରତ ସହସ୍ରାଧିକ ଲୋକଙ୍କୁ ଦେଖି ଅତିଥି ଭାବେ ଯୋଗଦେଉଥିତ୍ବା ମନ୍ତ୍ରୀ, ବିଧାୟକ, ବିଭିନ୍ନ ଦାୟିତ୍ୱରେ ଥିତ୍ବା ନିମନ୍ତ୍ରିତ ଅତିଥିମାନେ ଲମ୍ବା ଭାଷଣ ମାରିବା ସହ ଲୋକ ଉତ୍ସବ ସହ ଅପ୍ରାସଙ୍ଗିକ କଥା କହି ଦେଉଛନ୍ତି। ବେଳେବେଳେ ପରିସ୍ଥିତି ଏଭଳି ହେଉଛି ଯେ, ଅତିଥିମାନଙ୍କ ଆକର୍ଷଣହୀନ ଭାଷଣବାଜି ପାଇଁ କଳାକାର ଓ ଦର୍ଶକ ଉଭୟଙ୍କୁ ସେମାନଙ୍କ କଳା ପ୍ରଦର୍ଶନ କରିବା ପାଇଁ ଦୀର୍ଘସମୟ ଅପେକ୍ଷା କରିବାକୁ ପଡୁଛି। ଏଭଳି କାରଣରୁ ଧୀରେ ଧୀରେ ଲୋକ ଉତ୍ସବ ମଞ୍ଚ ପ୍ରକୃତ କଳାକାର ଓ ଦର୍ଶକଙ୍କଠାରୁ ଦୂରେଇ ଯାଇ ରାଜନୈତିକ ଦଳର ଅତିଥି, ଅଭ୍ୟାଗତଙ୍କ ଅଧିକ କାମରେ ଆସୁଥିତ୍ବା ଚର୍ଚ୍ଚାର ବିଷୟ ହେଉଛି। ଯେଉଁ ମହାନ୍ ଉଦ୍ଦେଶ୍ୟ ନେଇ ଲୋକ ଉତ୍ସବର ପରିକଳ୍ପନା କରାଯାଇଥିଲା ତାହା ବାସ୍ତବରେ ବହୁ ଦୂରରେ ରହିଗଲା ପରି ମନେହେଉଛି। ରଙ୍ଗାରଙ୍ଗ ଆଲୋକସଜ୍ଜା ଭିତରେ ଲୋକକଳାରେ ସମର୍ପିତ ଆଞ୍ଚଳିକ କଳାକାର ବା ପ୍ରତିଭା ଜଣକ ତା’ର ବାସ୍ତବ କଳାକୁ କେତେମାତ୍ରାରେ ପ୍ରଦର୍ଶିତ କରିବାର ସୁଯୋଗ ପାଉଛି ତାହା ଏବେ ବଡ଼ ପ୍ରଶ୍ନବାଚୀ ସୃଷ୍ଟି କରିଛି। ବର୍ଷକରେ ଥରେ ଲକ୍ଷାଧିକ ଟଙ୍କା ଖର୍ଚ୍ଚ କରି ଲୋକ ଉତ୍ସବ ଆୟୋଜନ କରାଗଲେ ମଧ୍ୟ ଏଥିରେ ଲୋକକଳାର ସମର୍ପିତ କଳାକାରଙ୍କ ପାଇଁ ସୁଯୋଗ ନ ମିଳିଲେ ଲୋକ ଉତ୍ସବ କେବଳ ଯେ ଏକ ଆଡ଼ମ୍ବରପୂର୍ଣ୍ଣ ମହୋତ୍ସବରେ ସୀମିତ ରହିଯିବ ଏହା ଏବେ ଚର୍ଚ୍ଚାର ବିଷୟ ହୋଇଛି। ଏଦିଗରେ ଲୋକ ଉତ୍ସବ ସମିତି, ଆୟୋଜକ, କଳାକାର, କଳା ଗବେଷକ ଗମ୍ଭୀରତାର ସହ ଚିନ୍ତା କରିବାର ବେଳ ଆସିଛି।
