ଆନନ୍ଦପୁର,୧୧।୯(ସ୍ବ.ପ୍ର.)- କେନ୍ଦୁଝର ଜିଲା ଆନନ୍ଦପୁର ପୌରପରିଷଦ ୧୩ ନଂ ଓ୍ବାର୍ଡ଼ ଜଅଁରା ମଧ୍ୟ ଦେଇ ଯାଇଥିବା ରାସ୍ତାର ଅବସ୍ଥା ଶୋଚନୀୟ ହୋଇପଡିଥିବାରୁ ଜଅଁରାବାସୀ ବୁଧବାର ଉପଜିଲାପାଳଙ୍କ କାର୍ଯ୍ୟାଳୟ ଘେରାଉ କରି ଦାବିପତ୍ର ପ୍ରଦାନ କରିଛନ୍ତି। ଆଗାମି ୧୫ ଦିନ ମଧ୍ୟରେ ସମ୍ପୃକ୍ତ ରାସ୍ତାର ମରାମତି କରା ନ ଗଲେ ମହିଳାମାନେ ରାଜରାସ୍ତାକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି।
ସୂଚନାଯୋଗ୍ୟ, ଏକ ବର୍ଷ ତଳେ ସମ୍ପୃକ୍ତ ରାସ୍ତା ନୂତନ ଭାବେ ତିଆରି କରାଯାଇଥିଲା। ହେଲେ ଏହାକୁ ଠିକ୍ ଭାବେ ନିର୍ମାଣ କରାଯାଇ ନ ଥିବା ଏବଂ ରାସ୍ତାର ଉଭୟପାର୍ଶ୍ୱରେ ଡ୍ରେନ୍ ନାହିଁ। ଫଳରେ ବର୍ଷା ଦିନେ ରାସ୍ତାଟି ପାଣିରେ ବୁଡ଼ି ରହିବା ଫଳରେ ଏହା ଶୋଚନୀୟ ହୋଇପଡିଲାଣି। ଫଳରେ ଯାତାୟତରେ ସମସ୍ୟା ସୃଷ୍ଟି ହେଉଛି। ଏଥିସହ ବର୍ଷା ଜଳ ନିଷ୍କାସନର ବ୍ୟବସ୍ଥା ନ ଥିବାରୁ ରାସ୍ତାକଡରେ ପାଣି ଜମିରହି ଅପରିଷ୍କାର ପରିବେଶ ସୃଷ୍ଟି କରୁଛି। ଘଟଣାକୁ ନେଇ ଜଅଁରା ମହିଳାମାନେ ବାରମ୍ବାର ପୌର କାର୍ଯ୍ୟାଳୟରେ ଅଭିଯୋଗ କରୁଥିଲେ ସୁଦ୍ଧା କୌଣସି ସମାଧାନ ହୋଇପାରିନାହଁି। ଫଳରେ ମହିଳାମାନେ ବାଧ୍ୟ ହୋଇ ଉପଜିଲାପାଳଙ୍କ କାର୍ଯ୍ୟାଳୟ ଘେରାଉ କରି ଏକ ଦାବି ପତ୍ର ପ୍ରଦାନ କରିଛନ୍ତି। ଆଗାମୀ ୧୫ ଦିନ ମଧ୍ୟରେ ଏହାକୁ ସମାଧାନ କରା ନ ଗଲେ ମହିଳାମାନେ ଆନ୍ଦୋଳାନାତ୍ମକ ପନ୍ଥା ଗ୍ରହଣ କରିବେ ବୋଲି ଚେତାବନୀ ଦେଇଛନ୍ତି।
