ନୂଆଦିଲ୍ଲୀ,୨୬।୧: ଦିଲ୍ଲୀର ରାଜପଥରେ ୭୧ ସାଧାରଣତନ୍ତ୍ର ଦିବସ ମହା ଆଡ଼ମ୍ବରରେ ରବିବାର ପାଳିତ ହୋଇଛି। ଏହି ଅବସରରେ ଭାରତର ସାମରିକ ଶକ୍ତି ଏବଂ ସାଂସ୍କୃତିକ ବିବିଧତା ସାରା ପୃଥିବୀ ପ୍ରସାରିତ ହୋଇଛି। ବିଭିନ୍ନ ରାଜ୍ୟ ପକ୍ଷରୁ ଆକର୍ଷଣୀୟ ପ୍ରଜ୍ଞାପନ ମେଢ଼ ରାଜପଥରେ ପ୍ରଦର୍ଶିତ ହୋଇଛି। ସେହିଭରି ସାମରିକ ଶକ୍ତି ମଧ୍ୟରେ ବାୟୁସେନାର ୧୪୦ ରେଜିମେଣ୍ଟ ପକ୍ଷରୁ ରାଡାର ପ୍ରଦର୍ଶନ କରାଯାଇଛି। ସେହିପରି ନୌସେନା ପକ୍ଷରୁ ବୋଇଙ୍ଗ୍ ପି-୮-ଆଇ, ବିଧ୍ୱଂସକ, କାଲଭରୀ ବୁଡ଼ା ଜାହାଜର ପ୍ରଜ୍ଞାପନ ମେଢ଼ ପ୍ରଦର୍ଶନ କରାଯାଇଛି। ଏହା ସହିତ ରୁଦ୍ର ଏବଂ ଧ୍ରୁବ ହେଲିକପ୍ଟର ପ୍ରଦର୍ଶନ କରାଯାଇଛି। ଏହି ଅବସରରେ ଟି-୯୦ ଭୀଷ୍ମ ଟ୍ୟାଙ୍କ ରାଜପଥ ପରେଡ଼ରେ ଅଂଶଗ୍ରହଣ କରିଥିଲା। ସାଧାରଣତନ୍ତ୍ର ଦିବସ ଅବସରରେ ରାଜପଥ ଉପର ଦେଇ ଯୁଦ୍ଧ ବିମାନ ନାନା ପ୍ରକାର କୌଶଳ ପ୍ରଦର୍ଶନ କରିଛନ୍ତି।
