ମଲାଡ଼ ସରପଞ୍ଚଙ୍କୁ ଆକ୍ରମଣ, ଘରକୁ ପଥର ମାଡ଼
7:53 amOctober 26, 2019 / 21

ଗଞ୍ଜାମ/ଛତ୍ରପୁର,୨୬ା୧୦(ଡି.ଏନ୍‌.ଏ.)-ରମ୍ଭା ଥାନା ଗଞ୍ଜାମ ବ୍ଲକ ମଲାଡ ସରପଞ୍ଚ ପ୍ରଭାତ କୁମାର ସେଠୀଙ୍କୁ ଶୁକ୍ରବାର ରାତି ପ୍ରାୟ ୧୦ଟାରେ ଆକ୍ରମଣ ହୋଇଛି। ଏଥିସହ ତାଙ୍କ ଘରେ କୌଣସି ବିଷୟରେ ଆଲୋଚନା ପାଇଁ ଉପସ୍ଥିତ ଲୁଙ୍ଘୁରି ଗଁ।ର କାଳିଆ ବିଶ୍ୱାଳ, ପ୍ରମୋଦ ସାହୁ, ଗଞ୍ଜାମ ଏନ୍‌ଏସିର ପ୍ରଶାନ୍ତ ବୈଠାରୁ ଓ ହୁମ୍ମାର ଶାନ୍ତନୁ ବିଶ୍ୱାଳଙ୍କ ଉପରେ ମଧ୍ୟ ଆକ୍ରମଣ ହୋଇଛି। ଆହତମାନଙ୍କୁ ଛତ୍ରପୁର ହସ୍‌ପିଟାଲରେ ଭର୍ତ୍ତି କରାଯାଇଛି। ପ୍ରଭାତଙ୍କ ଘର ଉପରକୁ ଦୁର୍ବୃତ୍ତମାନେ ପଥର ମାଡ଼ ମଧ୍ୟ କରିଛନ୍ତି। ରମ୍ଭା ଆଇଆଇସି କୃଷ୍ଣଚନ୍ଦ୍ର ସେଠୀ ଏବଂ ହୁମ୍ମା ଏସ୍‌ଆଇ ରାମଚନ୍ଦ୍ର ବେହେରା ସରପଞ୍ଚଙ୍କ ଘର ପାଣିବନ୍ଧ ଯାଇ ତଦନ୍ତ ଚଳାଇଛନ୍ତି। ଏସ୍‌ଆଇଙ୍କ ସୂଚନା ପ୍ରକାରେ, କୌଣସି ଫର୍ମରେ ଦସ୍ତଖତକୁ ନେଇ ବାଣିବନ୍ଧ ଗ୍ରାମର ୨ଜଣ ବ୍ୟକ୍ତି ସରପଞ୍ଚଙ୍କ ସହ ପାଟିତୁଣ୍ଡ କରିଥିଲେ। ଉକ୍ତ ଘଟଣାକୁ କେନ୍ଦ୍ରକରି ଏହି ଗଣ୍ଡଗୋଳ ଘଟିଛି। ଏ ନେଇ ଥାନାରେ କୌଣସି ମାମଲା ରୁଜୁ ହୋଇନାହିଁ।