ନୂଆଦିଲ୍ଲୀ,୨୨ା୫: ବିଶ୍ୱ ଅର୍ଥନୈତିକ ଫୋରମର ଭ୍ରମଣ ଏବଂ ପର୍ୟ୍ୟଟନ ବିକାଶ ସୁଚକାଙ୍କ ୨୦୨୪ ରେ ଭାରତର ମାନ୍ୟତା ୩୯ ତମ ସ୍ଥାନକୁ ଉନ୍ନୀତ ହୋଇଛି ଏବଂ ବିଶ୍ୱ ପର୍ଯ୍ୟଟନ କାର୍ଯ୍ୟକଳାପ ପୂର୍ବ-ମହାମାରୀ ସ୍ତରକୁ ଫେରିଛି ବୋଲି ବାର୍ଷିକ ରିପୋର୍ଟ ମଙ୍ଗଳବାର ପ୍ରକାଶ ପାଇଛି।
ଆମେରିକା ଏହି ତାଲିକାରେ ଶୀର୍ଷରେ ଥିବାବେଳେ ଦକ୍ଷିଣ ଏସିଆରେ ଏବଂ ନିମ୍ନ ମଧ୍ୟବିତ୍ତ ଅର୍ଥନୀତି ମଧ୍ୟରେ ଭାରତ ପ୍ରଥମରେ ରହିଥିବା ଡବ୍ଲୁଏଫ୍ କହିଛି। ୨୦୨୪ ରେ ଆମେରିକା ପଛକୁ ସ୍ପେନ, ଜାପାନ, ଫ୍ରାନ୍ସ ଏବଂ ଅଷ୍ଟ୍ରେଲିଆ ଶ୍ରେଷ୍ଠ ପାଞ୍ଚରେ ରହିଛନ୍ତି।
୨୦୨୧ ରେ ପୂର୍ବରୁ ପ୍ରକାଶିତ ସୂଚକାଙ୍କରେ ଭାରତ ୫୪ ତମ ସ୍ଥାନରେ ରହିଥିଲା, ଯଦିଓ ସୂଚକାଙ୍କ ପାରାମିଟରରେ କରାଯାଇଥିବା ପରିବର୍ତ୍ତନଗୁଡ଼ିକ ଏହାର ତୁଳନାତ୍ମକତାକୁ ପୂର୍ବ ବର୍ଷଗୁଡ଼ିକ ମଧ୍ୟରେ ସୀମିତ ରଖିଛି।
ସରେ ବିଶ୍ୱବିଦ୍ୟାଳୟର ସହଯୋଗରେ ପ୍ରସ୍ତୁତ ଏହି ସୂଚକାଙ୍କରେ ଦର୍ଶାଯାଇଛି ଯେ ଭାରତ ଦର ଦାମରେ ଅନ୍ୟ ଦେଶ ତୁଳନାରେ ପ୍ରତିଯୋଗିତାପୂର୍ଣ୍ଣ ରହିଛି(୧୮ ତମ) ଏବଂ ପ୍ରତିଯୋଗିତାମୂଳକ ଏୟାର ଟ୍ରାନ୍ସପୋର୍ଟ (୨୬ ତମ) ଏବଂ ଗ୍ରାଉଣ୍ଡ ଏବଂ ପୋର୍ଟ (୨୫ ତମ) ଭିତ୍ତିଭୂମି ଭଳି କ୍ଷେତ୍ରରେ ମଧ୍ୟ ଭାରତ ଭଲ ସ୍ଥିତିରେ ରହିଛି।
ବିଶେଷ ଭାବରେ ଭାରତର ଶକ୍ତିଶାଳୀ ପ୍ରାକୃତିକ ପରିବେଶ (ଷଷ୍ଠ), ସାଂସ୍କୃତିକ (ନବମ) ଏବଂ ଅଣ-ଅବକାଶ (ନବମ) ସମ୍ବଳ ଯାତ୍ରା ଚଳାଇବାରେ ସାହାଯ୍ୟ କରିଥାଏ ଏବଂ ସମସ୍ତ ଉତ୍ସ ସ୍ତମ୍ଭ ପାଇଁ ଶ୍ରେଷ୍ଠ ୧୦ରେ ସ୍କୋର କରିବାକୁ ଦେଶ କେବଳ ତିନିଟି ମଧ୍ୟରୁ ଗୋଟିଏ ବୋଲି ଡବ୍ଲୁଏଫ୍ କହିଛି। ତେବେ ୨୦୧୯ ତୁଳନାରେ ହ୍ରାସ ସତ୍ତ୍ୱେ ଦେଶ ଭ୍ରମଣ ଏବଂ ପର୍ଯ୍ୟଟନ ଚାହିଦା ସ୍ଥିରତା ପାଇଁ ଭଲ ସ୍କୋର କରିଛି।
