ଜଗତ୍ସିଂହପୁର ଅଫିସ୍, ୨୪।୧:ଜଗତ୍ସିଂପୁର ବ୍ଲକ ଶାଳଜଙ୍ଗ ସିଣ୍ଡିକେଟ୍ ବ୍ୟାଙ୍କରୁ ବୁଧବାର ରାତିରେ ହୋଇଥିବା ଚୋରି ଉଦ୍ୟମ ପଣ୍ଡ ହୋଇଛି। ଖବରପାଇ ବ୍ୟାଙ୍କ ଶାଖା ପରିଚାଳକଙ୍କ ସମେତ ଗ୍ରାମବାସୀ ସେଠାରେ ପହଞ୍ଚତ୍ ଅଭିଯୁକ୍ତଙ୍କୁ କାବୁ କରି ପୋଲିସ ଜିମା ଦେଇଛନ୍ତି। ଅଭିଯୁକ୍ତ ଜଣକ ହେଲେ ପୁରଣ ଗ୍ରାମର ସ୍ବାଧୀନ ଦାସ। ବ୍ୟାଙ୍କ ଶାଖା ପରିଚାଳକ ତଥା ସ୍ଥାନୀୟ ଅଳସୁଧାର ଦେବାଶିଷ ବେହେରାଙ୍କ ଅଭିଯୋଗକ୍ରମେ ଜଗତ୍ସିଂହପୁର ପୋଲିସ ୨୯/୨୦ ନଂ.ରେ ମାମଲା ରୁଜୁ କରିବା ସହ ଗୁରୁବାର ସ୍ବାଧୀନଙ୍କୁ କୋର୍ଟ ଚାଲାଣ କରିଛି।
ଅଭିଯୋଗ ମୁତାବକ, ରାତି ପ୍ରାୟ ୧୧ଟା ୫୦ରେ ବ୍ୟାଙ୍କ ଭିତରେ କେହି ପଶିଥିବା ଦେଖି ଜେନେରେଟର ଚାଳକ ପ୍ରତାପ କୁମାର ବେହେରା ଶାଖା ପରିଚାଳକଙ୍କୁ ଖବର ଦେଇଥିଲେ। ସେଠାରେ ପହଞ୍ଚତ୍ବା ପରେ ବ୍ୟାଙ୍କ କମ୍ପ୍ୟୁଟର ସର୍ଭିସ ରୁମ୍ର ପଛ ପଟ ଝରକା ତଡ଼ାଯାଇଥିବା ଦେଖାଯାଇଥିଲା। ଏଥିସହ ସେଠାରେ ଝରକା ତାଡିବା ପାଇଁ ବ୍ୟବହୃତ ଶାବଳ ଓ ଅନ୍ୟ ଯନ୍ତ୍ରପାତି ଏକ ବ୍ୟାଗରେ ପଡ଼ିଥିଲା। ଏହାପରେ ଗ୍ରାମବାସୀଙ୍କ ସହଯୋଗରେ ବ୍ୟାଙ୍କ ଭିତରୁ ଅଭିଯୁକ୍ତଙ୍କୁ କାବୁ କରାଯାଇଥିଲା ବୋଲି ଅଭିଯୋଗପତ୍ରରେ ଦର୍ଶାଯାଇଛି। ପୋଲିସ ସେଠାରେ ପହଞ୍ଚତ୍ ସ୍ବାଧୀନଙ୍କୁ ଗିରଫ କରିବା ସହ ଝରକା ତାଡ଼ିବା ପାଇଁ ବ୍ୟବହୃତ ସାମଗ୍ରୀକୁ ଜବତ କରିଥିଲା। ଏ ସମ୍ପର୍କରେ ଜଗତ୍ସିଂହପୁର ଥାନା ଆଇଆଇସି ରଜନୀକାନ୍ତ ମିଶ୍ର କହିଛନ୍ତି, ପୂର୍ବରୁ ସ୍ବାଧୀନଙ୍କ ନାମରେ ଜଗତ୍ସିଂହପୁର ଥାନାରେ ୬ଟି ମାମଲା ରହିଛି। ଏହାବାଦ୍ କଟକ, ଭୁବନେଶ୍ୱରରେ ମାମଲା ରହିଥିବା କୁହାଯାଉଛି।
