ବ୍ରିଟେନକୁ ବ୍ୟାପିଲା ବର୍ଣ୍ଣବୈଷମ୍ୟ ବିକ୍ଷୋଭ: ଆମେରିକାର ୪୦ ସହରରେ କର୍ଫ୍ୟୁ,ବଙ୍କରରେ ଲୁଚିଲେ ଟ୍ରମ୍ପ୍‌

ଲଣ୍ଡନ,୨ା୬: ଆମେରିକାରେ ଜର୍ଜ ଫ୍ଲୋୟଡ୍‌ ନାମକ ଜଣେ କୃଷ୍ଣକାୟଙ୍କର ପୋଲିସ ନିର୍ଯାତନାରେ ମୃତ୍ୟୁ ପରେ ଦେଶରେ ବର୍ଣ୍ଣବୈଷମ୍ୟ ବିରୋଧୀ ଆନ୍ଦୋଳନ ତେଜିବାରେ ଲାଗିଛି। ପୋଲିସ ବର୍ବରତା ବିରୋଧରେ ଆମେରିକାର ମିନିଆପଲିସ ସହରରେ ଆରମ୍ଭ ହୋଇଥିତ୍ବା ଆନ୍ଦୋଳନର ନିଆଁ ସାରା ଆମେରିକାକୁ ବ୍ୟାପିବା ପରେ ଏବେ ବ୍ରିଟେନରେ ପହଞ୍ଚତ୍ଛି। କୃଷ୍ଣକାୟ ବ୍ୟକ୍ତିଙ୍କ ମୃତ୍ୟୁ ପ୍ରତିବାଦରେ ଦକ୍ଷିଣ ଲଣ୍ଡନସ୍ଥିତ ଆମେରିକା ଦୂତାବାସ ସମ୍ମୁଖରେ ହଜାର ହଜାର ଲୋକ ବିକ୍ଷୋଭ ପ୍ରଦର୍ଶନ କରିଥିଲେ। ପୋଲିସର ଆଣ୍ଠୁ ଚାପାରେ ପ୍ରାଣ ହରାଇଥିବା ଜର୍ଜ ଫ୍ଲୋୟଡଙ୍କୁ ନ୍ୟାୟ ଦାବିରେ ସେମାନେ ଟ୍ରାଫଲଗର ସ୍କୋୟାରରୁ ଶୋଭାଯାତ୍ରାରେ ଆମେରିକା ଦୂତାବାସ ପର୍ଯ୍ୟନ୍ତ ଯାଇଥିଲେ। ଏହାବ୍ୟତୀତ ମଞ୍ଚେଷ୍ଟର ସହର ଏବଂ କାର୍‌ଡିଫ୍‌ରେ ମଧ୍ୟ ବିକ୍ଷୋଭ ପ୍ରଦର୍ଶନ କରାଯାଇଛି। ବର୍ଣ୍ଣବୈଷମ୍ୟବାଦର କୌଣସି ସ୍ଥାନ ନାହିଁ ବୋଲି ଆନ୍ଦୋଳନକାରୀମାନେ ସ୍ଲୋଗାନ ଦେଇଥିଲେ। ବିକ୍ଷୋଭ ବେଳେ କୋଭିଡ୍‌-୧୯ କଟକଣା ଉଲ୍ଲଂଘନ ଏବଂ ପୋଲିସକୁ ଆକ୍ରମଣ କରିବା ଅଭିଯୋଗରେ ଦୂତାବାସ ନିକଟରୁ ୫ ଜଣଙ୍କୁ ଗିରଫ କରାଯାଇଛି।

ପୋଲିସ ହାଜତରେ କୃଷ୍ଣକାୟଙ୍କୁ ହତ୍ୟା ପ୍ରତିବାଦରେ ଆମେରିକାରେ ବର୍ଣ୍ଣବୈଷମ୍ୟ ଆନ୍ଦୋଳନ ଷଷ୍ଠ ଦିନରେ ପହଞ୍ଚତ୍ଥିବାବେଳେ ବିଭିନ୍ନ ସ୍ଥାନରେ ଏହା ହିଂସାର ରୂପ ନେଇଛି। ଏହି ବିକ୍ଷୋଭରେ ୫ ଜଣଙ୍କ ଜୀବନ ଗଲାଣି। ଆମେରିକା ପୋଲିସ ୨୫୦୦ରୁ ଅଧିକ ଲୋକଙ୍କୁ ଗିରଫ କରିବା ସହ ପାଖାପାଖି ୪୦ ସହରରେ କର୍ଫ୍ୟୁ ଜାରି କରିଛି। ଆମେରିକାରେ ବହୁ ଦଶନ୍ଧି ମଧ୍ୟରେ ଏହା ସବୁଠୁ ହିଂସାତ୍ମକ ଆନ୍ଦୋଳନ ବୋଲି କୁହାଯାଉଛି। ଆମେରିକାର ୧୪୦ ସହରକୁ ଆନ୍ଦୋଳନ ବ୍ୟାପିଲାଣି। କେତେକ ସ୍ଥାନରେ ହିଂସାକାଣ୍ଡ ଲାଗି ରହିଥିବାରୁ ୨୦ଟି ରାଜ୍ୟରେ ନ୍ୟାଶନାଲ ଗାର୍ଡଙ୍କୁ ମୁତୟନ କରାଯାଇଛି। ଲସ୍‌ ଏଞ୍ଜେଲସ୍‌ରୁ ସର୍ବାଧିକ ଲୋକଙ୍କୁ ଗିରଫ କରାଯାଇଛି। ମିନେସୋଟାର ମିନିଆପଲିସ୍‌ରୁ ଆରମ୍ଭ ହୋଇଥିବା ଏହି ଆନ୍ଦୋଳନ ସାରା ଦେଶକୁ ଗ୍ରାସ କରିସାରିଲାଣି। ବୋଷ୍ଟନରେ ବିକ୍ଷୋଭକାରୀ ପୋଲିସ ଗାଡ଼ିକୁ ଜାଳିଦେଇଛନ୍ତି। ଫିଲାଡେଲଫିଆରେ ଦଙ୍ଗାକାରୀଙ୍କୁ ଘଉଡାଇବାକୁ ଯାଇ ପୋଲିସ ପିପର ସ୍ପ୍ରେ କରିଛି। ନ୍ୟୁୟର୍କରେ ବିକ୍ଷୋଭକାରୀ ବ୍ରୁକଲିନରୁ ଓ୍ବିଲିୟମ୍ସବର୍ଗ ବ୍ରିଜ୍‌ ପର୍ଯ୍ୟନ୍ତ ଶୋଭାଯାତ୍ରାରେ ବାହାରିବାରୁ ଟ୍ରାଫିକ ସମସ୍ୟା ସୃଷ୍ଟି ହୋଇଥିଲା। ମାନହାଟ୍ଟାନ ବ୍ରିଜ୍‌ରେ କିଛି ସମୟ ପାଇଁ ଗାଡ଼ି ଚଳାଚଳ ବନ୍ଦ ହୋଇଯାଇଥିଲା। ୟୁନିୟନ ସ୍କୋୟାରରେ ପୋଡ଼ାଜଳା ଯୋଗୁ ଆତଙ୍କ ସୃଷ୍ଟି ହୋଇଥିଲା। ୧୯୬୮ ପରେ ପ୍ରଥମ ଥର ଲାଗି ଏତେ ସଂଖ୍ୟାରେ ସ୍ଥାନୀୟ ନେତା ଏକସଙ୍ଗେ ଆନ୍ଦୋଳନରେ ସାମିଲ ହୋଇଥିବା ଜଣାପଡ଼ିଛି।
ହ୍ବାଇଟ ହାଉସ ପାଖରେ ନିଆଁ ଜଳିଲା
ହ୍ବାଇଟ ହାଉସ୍‌ ନିକଟରେ ୩ ରାତି ଧରି ବିକ୍ଷୋଭ ଲାଗି ରହିଥିବାବେଳେ ଉତ୍ତ୍ୟକ୍ତ ଲୋକେ ନିଆଁ ଜାଳିଛନ୍ତି। କର୍ଫ୍ୟୁ ଘୋଷଣା ପୂର୍ବରୁ ବିକ୍ଷୋଭକାରୀଙ୍କୁ ଘଉଡାଇବା ପାଇଁ ପୋଲିସ ଲୁହବୁହା ବାଷ୍ପ ପ୍ରୟୋଗ କରିଥିଲା। ହ୍ବାଇଟ ହାଉସ ନିକଟରୁ ପଳାଇଯାଇ ବିକ୍ଷୋଭକାରୀମାନେ ଏଚ୍‌ ଷ୍ଟ୍ରିଟ୍‌ ମଧ୍ୟଭାଗରେ ନିଆଁ ଜାଳିଥିଲେ। ରାସ୍ତାରେ ଥିବା ପ୍ଲାଷ୍ଟିକ୍‌ ବ୍ୟାରିୟର ସହ ପାଖ ବିଲ୍ଡିଂଗୁଡ଼ିକରେ ଥିବା ଆମେରିକୀୟ ପତାକାକୁ ମଧ୍ୟ ସେମାନେ ଜାଳିଦେଇଥିଲେ। ଏହି ନିଆଁରେ ଲାଫୟେଟ ପାର୍କର ଉତ୍ତର ପାର୍ଶ୍ୱରେ ଥିବା ବାଥରୁମ୍‌ ଓ ମେଣ୍ଟେନାନ୍ସ ଅଫିସ ଜଳିଯାଇଛି।

ବଙ୍କରରେ ଲୁଚିଲେ ଟ୍ରମ୍ପ୍‌
ଗତ ଶୁକ୍ରବାର ରାତିରେ ହଜାର ହଜାର ବିକ୍ଷୋଭକାରୀ ହ୍ବାଇଟ ହାଉସ୍‌କୁ ଚାରିପଟୁ ଘେରି ବିକ୍ଷୋଭ କରିବା ଫଳରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ ଭୟଭୀତ ହୋଇଯାଇଥିଲେ। ସୁରକ୍ଷା କର୍ମୀମାନେ ତାଙ୍କୁ କିଛିସମୟ ପାଇଁ ହ୍ବାଇଟ ହାଉସ୍‌ରେ ଥିବା ଅଣ୍ଡରଗ୍ରାଉଣ୍ଡ ବଙ୍କର ମଧ୍ୟକୁ ନେଇଯାଇଥିଲେ। ପାଖାପାଖି ଘଣ୍ଟାଏ ଉକ୍ତ ବଙ୍କରରେ ରହିବା ପରେ ଟ୍ରମ୍ପ୍‌ଙ୍କୁ ଉପର ମହଲାକୁ ଅଣାଯାଇଥିଲା। ବିକ୍ଷୋଭକାରୀଙ୍କୁ ଅଟକାଇବା ପାଇଁ ସିକ୍ରେଟ ସର୍ଭିସ ଏବଂ ୟୁନାଇଟେଡ ଷ୍ଟେଟ୍‌ ପାର୍କ ପୋଲିସ ଅଫିସରଙ୍କୁ ଡକାଯାଇଥିଲା। ତେବେ ଫାଷ୍ଟ ଲେଡି ମେଲାନିଆ ଟ୍ରମ୍ପ୍‌ ଓ ପୁଅ ବାରୋନ ଟ୍ରମ୍ପ୍‌ ବଙ୍କର ମଧ୍ୟକୁ ଯାଇଥିଲେ କି ନାହିଁ ଜଣାପଡିନାହିଁ।


Enter your email to get our daily news in your inbox.

All Right Reserved By Dharitri.Com

ଥରିଲା ଗ୍ରୀସ୍‌

ଏଥେନ୍ସ,୨୯ା୩: ଗ୍ରୀସ୍‌ର ଦକ୍ଷିଣ ଅଞ୍ଚଳରେ ଭୂକମ୍ପ ଅନୁଭୂତ ହୋଇଛି। ରିକ୍ଟର ସ୍କେଲ୍‌ରେ ଏହାର ତୀବ୍ରତା ୬ ଥିଲା। ୟୁରୋପୀୟ ଭୂମଧ୍ୟସାଗରୀୟ ଭୂକମ୍ପ କେନ୍ଦ୍ର (ଇଏମ୍‌ଏସ୍‌ସି) ସ୍ଥାନୀୟ...

ଗୋଟିଏ ମଞ୍ଚରେ ଏକାଠି ହେଲେ ବର୍ତ୍ତମାନ-ପୂର୍ବତନ ରାଷ୍ଟ୍ରପତି, ବାଇଡେନଙ୍କୁ ସମର୍ଥନ କଲେ ଓବାମା-କ୍ଲିଣ୍ଟନ

ଓ୍ବାଶଇଂଟନ,୨୯।୩: ଆମେରିକାର ରାଷ୍ଟ୍ରପତି ଜୋ ବାଇଡେନ ପୂର୍ବତନ ରାଷ୍ଟ୍ରପତି ବାରାକ ଓବାମା ଏବଂ ବିଲ କ୍ଲିଣ୍ଟନଙ୍କୁ ଏକାଠି ଗୋଟିଏ ମଞ୍ଚରେ ଏକ ଧନ ସଂଗ୍ରହ କାର୍ଯ୍ୟକ୍ରମରେ...

ଆମ ପିଲା ବହୁତ ଆଡ୍‌ଭାନ୍ସ: ଜନ୍ମ ହେବା ମାତ୍ରେ କୁହନ୍ତି AI

ନୂଆଦିଲ୍ଲୀ,୨୯ା୩: ଲୋକ ସଭା ନିର୍ବାଚନ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ମାଇକ୍ରୋସଫ୍ଟ ସହ ପ୍ରତିଷ୍ଠାତା ବିଲ୍‌ ଗେଟ୍ସ ଅନେକ ପ୍ରସଙ୍ଗରେ ଆଲୋଚନା କରିଥିଲେ। ଏହା...

ମୋଦି-ବିଲ୍‌ ଗେଟ୍ସ ଆଲୋଚନା: ସବୁ ଗାଁରେ ପହଞ୍ଚିବ ଡିଜିଟାଲ୍‌ ସେବା

ନୂଆଦିଲ୍ଲୀ,୨୯ା୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ମାଇକ୍ରୋସଫ୍ଟ ସହ ପ୍ରତିଷ୍ଠାତା ବିଲ୍‌ ଗେଟ୍ସଙ୍କ ମଧ୍ୟରେ ଏକ ବଡ଼ ଆଲୋଚନା ହୋଇଛି। ପ୍ରଧାନମନ୍ତ୍ରୀ ବିଲ୍‌ ଗେଟ୍ସଙ୍କୁ କହିଛନ୍ତି,...

ବ୍ରିଜ୍‌ ଉପରୁ ତଳକୁ ଖସିଲା ବସ୍‌: ଚାଲିଗଲା ୪୫ ଜୀବନ

କେପଟାଉନ୍‌,୨୯।୩: ଦକ୍ଷିଣ ଆଫ୍ରିକାର ଏକ ବସ ବ୍ରିଜ୍‌ ଉପରୁ ତଳକୁ ଖସିପଡିଛି। ଅତି କମରେ ୪୫ ଜଣଙ୍କର ମୃତ୍ୟୁ ଘଟିଛି ଏବଂ ଜଣେ ଆଠ ବର୍ଷର...

ଏହି କଥା ନେଇ ଭାବପ୍ରବଣ ହୋଇଗଲେ ବ୍ରିଟେନ ପ୍ରଧାନମନ୍ତ୍ରୀ: କହିଲେ, ମୋ ୨ ଝିଅ…

ଲଣ୍ଡନ,୨୯।୩: ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକ ଭାବପ୍ରବଣ ହୋଇପଡିଛନ୍ତି। ସୁନକ କହିଛନ୍ତି ଯେ, ମୋର ଦୁଇ ଝିଅ ଅଛନ୍ତି, କୃଷ୍ଣା (୧୨) ଏବଂ ଅନୁଷ୍କା (୧୧)...

ସମ୍ପୂର୍ଣ୍ଣ ସେନା ପ୍ରତ୍ୟାହାର ଲାଗି ଭାରତ-ଚାଇନା ମଧ୍ୟରେ ଜୋର୍‌ଦାର ଆଲୋଚନା

ନୂଆଦିଲ୍ଲୀ,୨୮।୩: ପୂର୍ବ ଲଦାଖରେ ଦୀର୍ଘଦିନର ସୀମା ବିବାଦ ପରେ ଭାରତ ଏବଂ ଚାଇନାର ଶୀର୍ଷ କୂଟନୀତିଜ୍ଞମାନଙ୍କ ମଧ୍ୟରେ ସାନି ଆଲୋଚନା ଆରମ୍ଭ ହୋଇଛି। ପ୍ରକୃତ ନିୟନ୍ତ୍ରଣ...

କେଜ୍‌ରିଓ୍ବାଲଙ୍କ ଗିରଫଦାରୀକୁ ନେଇ ଆମେରିକା ଦେଇଥିବା ମନ୍ତବ୍ୟ ଉପରେ କଡ଼ା ଜବାବ ଦେଲା ଭାରତ

ନୂଆଦିଲ୍ଲୀ,୨୮।୩ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିଓ୍ବାଲଙ୍କ ଗିରଫଦାରୀ ଏବଂ କଂଗ୍ରେସର ବ୍ୟାଙ୍କ ଆକାଉଣ୍ଟକୁ ଅଚଳ କରାଯିବା ଘଟଣା ଉପରେ ଆମେରିକାର ମନ୍ତବ୍ୟ ଅବାଞ୍ଛିତ ବୋଲି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri