ନରାଜ,୫।୧୧(ଡି.ଏନ୍.ଏ.)- କଟକ-ବାଙ୍କୀ ମୁଖ୍ୟରାସ୍ତାର ବେଣ୍ଟକାରପଡ଼ା ଛକ ନିକଟରେ ମଙ୍ଗଳବାର ଏକ କାର୍ ଧକ୍କାରେ ଜଣଙ୍କର ମୃତ୍ୟୁ ଘଟିଥିବାବେଳେ ପୋଲିସ ଚାଳକଙ୍କୁ ଗିରଫ କରିଛି। ସେ ହେଲେ ଢେଙ୍କାନାଳ ଜିଲାର ଘାଗରାମୁଣ୍ଡା ଗ୍ରାମର ରଞ୍ଜନ ସେଠୀ। ମୃତକ ହେଲେ ବାରଙ୍ଗ ଥାନା ଅନ୍ତର୍ଗତ ନରଣପୁର ଗ୍ରାମର ପ୍ରମୋଦ କୁମାର ରାଉତ(୬୫)। ସୂଚନାଯୋଗ୍ୟ, ପ୍ରମୋଦ ମଙ୍ଗଳବାର ଅପରାହ୍ନ ୪ଟା ୩୦ ସମୟରେ ନିଜ ଆକ୍ଟିଭା(ନଂ. ଓଡି ୦୫ ଜେଡ ୪୫୦୪ ) ଯୋଗେ ଘରରୁ ବାଙ୍କୀ ଯିବାବେଳେ ବେଣ୍ଟକାରପଡ଼ା ଛକରେ ରାସ୍ତା ଅତିକ୍ରମ କରୁଥିବାବେଳେ ଅପରପକ୍ଷେ ଦ୍ରୁତଗତିରେ ଆସୁଥିବା ଇନୋଭା କାର୍ (ନଂ. ଓଡି ୦୨ ଏସ୍ ୭୩୦୦) ତାଙ୍କୁ ଧକ୍କା ଦେଇଥିଲା। ଧକ୍କା ଏତେ ଜୋରରେ ଥିଲା ଯେ ଆକ୍ଟିଭା ଗାଡିଟି ପ୍ରାୟ ୩୦ଫୁଟ ପର୍ଯ୍ୟନ୍ତ ଘୋସାରି ହୋଇଯାଇ ଥିବାବେଳେ ପ୍ରମୋଦ ଗାଡିରୁ ଛିଟିକି କାର୍ରେ ମାଡ ହୋଇ ପଡିଥିଲେ। ପ୍ରମୋଦଙ୍କ ମୁଣ୍ଡକୁ ଅଧିକ ମାଡ ହୋଇଥିବାରୁ ସେଠାରେ ହିଁ ତାଙ୍କର ମୃତ୍ୟୁ ହୋଇଥିବା ସ୍ଥାନୀୟ ଲୋକ କହୁଥିବାବେଳେ ଘଟଣାସ୍ଥଳରେ ବାରଙ୍ଗ ଥାନା ଅଧିକାରୀ ପହଞ୍ଚତ୍ ପ୍ରମୋଦଙ୍କୁ କଟକ ମେଡିକାଲ ପଠାଇବା ପରେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପରେ ପୋଲିସ ଦୁର୍ଘଟଣା ଘଟାଇଥିବା ଗାଡିକୁ ଜବତ କରିବା ସହ ନଂ. ୧୮୭/୧୯ରେ ଏକ ମାମଲା ରୁଜୁ କରି ଚାଳକ ରଞ୍ଜନଙ୍କୁ ଗିରଫ କରିିଛି।
