‘ବୃକ୍ଷ ମଣିଷ ଜୀବନର ଏକ ଗୁରୁତ୍ୱପୂର୍ଣ୍ଣ ଅଂଶ’
8:45 amAugust 14, 2019 / 21

ବିିଞ୍ଝାରପୁର/ସିଂହପୁର,୧୪|୮(ଡି.ଏନ୍‌.ଏ.)- ବିଞ୍ଝାରପୁର ବ୍ଲକର ବିଭିନ୍ନ ଅଞ୍ଚଳରେ ମଙ୍ଗଳବାର ଯାଜପୁର ଜିଲାପାଳ ରଞ୍ଜନ କୁମାର ଦାସ ଓ ପଞ୍ଚାୟତ ସମିତି ଅଧ୍ୟକ୍ଷ ନନ୍ଦକିଶୋର ସାମଲ ଚାରାରୋପଣ କରିଛନ୍ତି। ପ୍ରଥମେ ସିଂହପୁରସ୍ଥିତ ଖରସ୍ରୋତା ମହାବିଦ୍ୟାଳୟରେ ପହଞ୍ଚତ୍ଥିଲେ। ମହାବିଦ୍ୟାଳୟର ଅଧ୍ୟକ୍ଷ କ୍ଷୀରୋଦ କୁମାର ବେହେରାଙ୍କ ସମେତ ସମସ୍ତ ଅଧ୍ୟାାପିକାଅଧ୍ୟାପକ ଓ ଛାତ୍ରୀଛାତ୍ର ଜିଲାପାଳଙ୍କୁ ସ୍ବାଗତ କରିଥିଲେ। ଜିଲାପାଳ ମହାବିଦ୍ୟାଳୟର ଖେଳ ପଡିଆର ଚତୁପାର୍ଶ୍ୱରେ ଦେବଦାରୁ ଓ ଆକାଶୀ ଆଦି ଚାରାରୋପଣ କରିଥିଲେ। କାର୍ଯ୍ୟକ୍ରମରେ ଜିଲାପାଳଙ୍କ ସମେତ ଏଡିଏମ୍‌ ମିହିର ପ୍ରସାଦ ମହାନ୍ତି, ବିଞ୍ଝାରପୁର ପଞ୍ଚାୟତ ସମିତି ଅଧ୍ୟକ୍ଷ ନନ୍ଦ କିଶୋର ସାମଲ, ଭାରପ୍ରାପ୍ତ ବିଡିଓ ମିନତୀ ଜଗଦ୍ଦେବ, ମହାବିଦ୍ୟାଳୟ ଅଧ୍ୟକ୍ଷ ଓ ଛାତ୍ରୀଛାତ୍ର ପ୍ରମୁଖ ସାମିଲ ହୋଇ ଚାରାରୋପଣ କରିଥିଲେ। ପରେ ଆୟୋଜିତ ଏକ ସଭାରେ ଯୋଗଦେଇ ଜିଲାପାଳ ବୃକ୍ଷ ପ୍ରତ୍ୟକ୍ଷ ଓ ପରୋକ୍ଷରେ ମଣିଷ ଜୀବନ ପାଇଁ ଏକ ଗୁରୁତ୍ୱପୂର୍ଣ୍ଣ ଅଂଶ। ସାମ୍ପ୍ରତିକ ସ୍ଥିତିରେ ବ୍ୟାପକ ଚାରାରୋପଣ ଉପରେ ଛାତ୍ରୀଛାତ୍ର ଗୁରୁତ୍ୱାରୋପ କରିବା ଆବଶ୍ୟକ ବୋଲି କହିଥିଲେ। ରୋପଣ କରାଯାଇଥିବା ଚାରାଗୁଡିକର ଯତ୍ନ ନେଇ ସେଗୁଡିକୁ ବଞ୍ଚାଇ ରଖିବାକୁ ଛାତ୍ରୀଛାତ୍ରଙ୍କୁ ଆହ୍ବାନ ଦେଇଥିଲେ। ଏହିପରି ସିଂହପୁରସ୍ଥିତ ଦେବୀ ଭବନ ଛକଠାରେ ବ୍ଲକ ଅଧ୍ୟକ୍ଷ ନନ୍ଦକିଶୋର ସାମଲଙ୍କ ଅଧ୍ୟକ୍ଷତାରେ ଆୟୋଜିତ ଏକ ଚାରାରୋପଣ କାର୍ଯ୍ୟକ୍ରମରେ ଜିଲାପାଳ ଯୋଗଦେଇଥିଲେ। ଏଥିରେ ସରପଞ୍ଚ ସୌଭାଗ୍ୟ ମହାପାତ୍ରଙ୍କ ସମେତ ଶତାଧିକ ଗ୍ରାମବାସୀ ଉପସ୍ଥିତ ରହିଥିଲେ ା ବାଛୋଳ ପଞ୍ଚାୟତ ପକ୍ଷରୁ ଆୟୋଜିତ କାର୍ଯ୍ୟକ୍ରମରେ ଯୋଗଦେଇ ଜିଲାପାଳ ଗୋଡିଢିହ ଛକ ଠାରୁ କିଛିବାଟ ଦୂର ମୁଖ୍ୟ ରାସ୍ତା କଡ଼ରେ ଚାରାରୋପଣ କରିଥିଲେ। ଜିଲାପାଳଙ୍କ ସମେତ ବ୍ଲକ ଅଧ୍ୟକ୍ଷ ନନ୍ଦକିଶୋର ସାମଲ, ସରପଞ୍ଚ ତରୁଣ କୁମାର ସାହୁ, ସମିତିସଭ୍ୟ ସୁରେନ୍ଦ୍ର ସାହୁ, ସର୍ବେଶ୍ୱର ଧଳ, ଧରଣୀ ରାଉତ, ବିଜୟ ଦାସ ପ୍ରମୁଖ ଯୋଗଦେଇଥିଲେ।