କ.ନୂଆଗଁ।,୨୫ା୮-କନ୍ଧମାଳ ଜିଲା କ.ନୂଆଗଁ। ବ୍ଲକ ସାଇନପଡା ପଞ୍ଚାୟତ କିଲୁପଡା ଗ୍ରାମର ଜଣେ ଚାଷୀଙ୍କର ବିଷ କ୍ରିୟାରେ ଶୁକ୍ରବାର ରାତିରେ ବାଲିଗୁଡା ଉପଖଣ୍ଡ ଚିକିତ୍ସାଳୟରେ ମୃତ୍ୟୁ ଘଟିଛି। ସେ ହେଲେ ଗୋବର୍ଦ୍ଧନ ମଲ୍ଲିକ (୩୫)।
କ.ନୂଆଗଁ। ଥାନାରେ ମୃତ ଚାଷୀ ଗୋବର୍ଦ୍ଧନଙ୍କ ପିତା ବାଦି ମଲ୍ଲିକ ଦେଇଥିବା ଏତଲା ପ୍ରକାରେ, ୨୦ ତାରିଖ ପୂର୍ବାହ୍ନରେ ଗୋବର୍ଦ୍ଧନ ଧାନ ବିଲରେ କୀଟନାଶକ ସିଞ୍ଚନ କରିବାକୁ ଯାଇଥିଲେ। ଏହାର ପ୍ରଭାବରେ ସେ ଅସୁସ୍ଥ ହୋଇପଡିଥିଲେ। ତାଙ୍କୁ ଉଦ୍ଧାର କରି କ.ନୂଆଗଁା ମେଡିକାଲରେ ଭର୍ତ୍ତି କରାଯାଇଥିଲା। ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବାଲିଗୁଡା ଉପଖଣ୍ଡ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ଶୁକ୍ରବାର ରାତିରେ ଗୋବର୍ଦ୍ଧନଙ୍କ ମୃତ୍ୟୁ ଘଟିଛି। ବାଦିଙ୍କ ଏତଲା ଆଧାରରେ ପୋଲିସ ନଂ.୪/୧୯ରେ ଏକ ଅପମୃତ୍ୟୁ ମାମଲା ରୁଜୁକରି ମୃତଦେହ ବାଲିଗୁଡା ମେଡିକାଲରେ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି। ବ୍ୟବଚ୍ଛେଦ ରିପୋର୍ଟ ମିଳିବା ପରେ ମୃତ୍ୟୁର ପ୍ରକୃତ କାରଣ ଜଣାପଡିବ ବୋଲି କ.ନୂଆଗଁା ଓଆଇସି ପ୍ରକାଶ ଚନ୍ଦ୍ର ପ୍ରଧାନ କହିଛନ୍ତି।
ଅନ୍ୟପଟେ ଚାଷୀମୃତ୍ୟୁ ଖବର ପାଇ କ.ନୂଆଗଁା କୃଷି ଜିଲା ଅଧିକାରୀ ଅଚ୍ୟୁତାନନ୍ଦ ନାହାକ କିଲୁପଡାରେ ପହଞ୍ଚତ୍ଥିଲେ। ପଞ୍ଚାୟତର କୃଷି କର୍ମଚାରୀ ରାମେଶ୍ୱର ଆଚାରୀଙ୍କ ସହ ସେ ଗୋବର୍ଦ୍ଧନଙ୍କ ଚାଷଜମି ପରିଦର୍ଶନ କରିଥିଲେ। ଜମିରେ ଧାନତଳି ଅଳ୍ପଦିନ ତଳେ ରୁଆ ହୋଇଥିବା ଜଣାପଡିଥିଲା। ପୋକ ଲାଗି ନ ଥିବାରୁ କୀଟନାଶକ ସିଞ୍ଚନ ସମୟ ଆସିନାହିଁ ବୋଲି କୃଷି ଜିଲା ଅଧିକାରୀ ନାହାକ କହିଛନ୍ତି।
