ବାବୁଙ୍କ ଲାଗି ଲଢ଼େଇ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌
ପଞ୍ଜାବ ପୋଲିସ ମହାନିର୍ଦ୍ଦେଶକ (ଡିଜିପି) ଦିନକର ଗୁପ୍ତାଙ୍କ ନିଯୁକ୍ତି କେନ୍ଦ୍ରୀୟ ପ୍ରଶାସନିକ ଟ୍ରିବ୍ୟୁନାଲ (କ୍ୟାଟ୍‌) ଦ୍ୱାରା ରଦ୍ଦ ହେବା ରାଜ୍ୟ ସରକାରଙ୍କ ପାଇଁ ଏକ ଶକ୍ତ ଝଟ୍‌କା ହୋଇଛି, ଯଦିଓ ଏହା ସମ୍ପୂର୍ଣ୍ଣ ଅପ୍ରତ୍ୟାଶିତ ନୁହେଁ। ଟ୍ରିବ୍ୟୁନାଲ ମଧ୍ୟ ଦର୍ଶାଇଛନ୍ତି ଯେ, ଗତବର୍ଷ ଫେବୃୟାରୀରେ ହୋଇଥିବା ଗୁପ୍ତାଙ୍କ ନିଯୁକ୍ତି ପ୍ରକ୍ରିୟା ସୁପ୍ରିମ୍‌କୋର୍ଟଙ୍କ ଉଲ୍ଲିଖିତ ନିୟମ ବିରୋଧରେ ଥିଲା। ଅମ୍ରିନ୍ଦର ସିଂ ସରକାର ଗୁପ୍ତାଙ୍କୁ ରାଜ୍ୟର ଶୀର୍ଷ ପୋଲିସ ଅଧିକାରୀ ଭାବେ ନିଯୁକ୍ତି ଦେବାବେଳେ ପାଞ୍ଚଜଣ ଅଧିକାରୀଙ୍କୁ ଅଣଦେଖା କରିଥିଲେ। ଏମାନଙ୍କ ମଧ୍ୟରୁ ଦୁଇଜଣ ଅଧିକାରୀ ମହମ୍ମଦ ମୁସ୍ତାଫା ଏବଂ ସିଦ୍ଧାର୍ଥ ଚଟ୍ଟୋପାଧ୍ୟାୟ ସେତେବେଳେ ଏହି ନିଯୁକ୍ତିକୁ ବିରୋଧ କରି କ୍ୟାଟ୍‌ର ଦ୍ୱାରସ୍ଥ ହୋଇଥିଲେ, ଯାହା ଏବେ ଗୁପ୍ତାଙ୍କ ନିଯୁକ୍ତିକୁ ରଦ୍ଦ କରିଛି। ପୁନଶ୍ଚ ଟ୍ରିବ୍ୟୁନାଲ ଏହି କାର୍ଯ୍ୟକୁ ପକ୍ଷପାତମୂଳକ ଓ ମନମାନି ବୋଲି କହିଛନ୍ତି। ଟ୍ରିବ୍ୟୁନାଲ ଏବେ ନୂଆ ନିଯୁକ୍ତି ପାଇଁ ତିନିଜଣ ସବୁଠୁ ବରିଷ୍ଠ ଅଧିକାରୀଙ୍କ ନାମ ୟୁପିଏସ୍‌ସିକୁ ପଠାଇବାକୁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି। ଏଭଳି ବଡ଼ ଝଟ୍‌କା ସତ୍ତ୍ୱେ ରାଜ୍ୟ ସରକାର ଗୁପ୍ତାଙ୍କୁ ସୁରକ୍ଷା ଦେବା ପାଇଁ ନିଶ୍ଚିତ ଥିବା ସୂତ୍ରରୁ ଜଣାପଡ଼ିଛି। ଗୁପ୍ତା ଡିଜିପି ପଦରେ କାର୍ଯ୍ୟ କରିବେ ବୋଲି ମୁଖ୍ୟମନ୍ତ୍ରୀ ରାଜ୍ୟ ବିଧାନସଭାରେ କହିଛନ୍ତି। ରାଜ୍ୟ ସରକାର ଉଚ୍ଚନ୍ୟାୟାଳୟର ଦ୍ୱାରସ୍ଥ ହେବା ପରେ ବର୍ତ୍ତମାନ ଉଚ୍ଚନ୍ୟାୟାଳୟ ଟ୍ରିବ୍ୟୁନାଲ ନିର୍ଦ୍ଦେଶ ଉପରେ ସ୍ଥଗିତାଦେଶ ଦେଇଛନ୍ତି। ଏଣୁ ଏହି ଲଢ଼େଇ ଆଗକୁ ଲାଗିରହିବ ବୋଲି ଆଶା କରାଯାଉଛି।
ନୂଆ ଟ୍ରାକ୍‌ ଅଭିମୁଖେ ରେଲ୍‌ଓ୍ବେ
ରେଲଓ୍ବେର ୮ଟି ସେବା କ୍ୟାଡର୍‌କୁ ମିଶାଇ ଗୋଟିଏ କରିବାକୁ କେନ୍ଦ୍ର କ୍ୟାବିନେଟ୍‌ର ନିଷ୍ପତ୍ତି ଘୋଷଣା ହେଲା ପରଠାରୁ ଅଧିକ ଅସନ୍ତୋଷ ପ୍ରକାଶ ପାଇଛି। କିନ୍ତୁ ଏହାର ସମ୍ମିଶ୍ରଣ ପରେ ନିଜ କ୍ୟାରିୟରର ଭବିଷ୍ୟତ ଏବଂ ବରିଷ୍ଠତାକୁ ନେଇ ଚିନ୍ତାରେ ଥିବା ଅଧିକାରୀମାନେ ସୋସିଆଲ ମିଡିଆରେ ଏହା ବିରୋଧରେ ଜୋର୍‌ଦାର ଅଭିଯାନ ଚାଲୁ ରଖିବା ସତ୍ତ୍ୱେ ସରକାର ଦୃଢ଼ତାର ସହ ଆଗକୁ ବଢୁଛନ୍ତି। କ୍ୟାବିନେଟ୍‌ ନିଷ୍ପତ୍ତି ଘୋଷଣା ହେବା ପରେ ବହୁ ଅଧିକାରୀ ଏକ ଅଭିଯାନ ଆରମ୍ଭ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିକଟକୁ ହଜାର ହଜାର ପୋଷ୍ଟକାର୍ଡରେ ‘ସେଭ୍‌ ଇଣ୍ଡିଆନ୍‌ ରେଲ୍‌ଓ୍ବେ’ ଲେଖି ପଠାଇଥିଲେ। ଅନେକେ ଗୋପନୀୟତାଜନିତ ସୁରକ୍ଷାକୁ ଉପେକ୍ଷା କରି ସେମାନଙ୍କ ଅସନ୍ତୋଷ ପ୍ରକାଶ କରିବା ପାଇଁ ସୋସିଆଲ ମିଡିଆ ପ୍ଲାଟଫର୍ମକୁ ବାଛିନେଲେ। ତେବେ ମୋଟ ଉପରେ ସରକାର ଏକ ଆକ୍ରମଣାମତ୍କ ଦୃଷ୍ଟିକୋଣ ଜାରି ରଖିଛନ୍ତି। ପୂର୍ବରୁ ଅନେକ କମିଟି ଏବଂ ନିକଟରେ ପ୍ରଖ୍ୟାତ ଅର୍ଥନୀତିଜ୍ଞ ତଥା ପ୍ରଧାନମନ୍ତ୍ରୀଙ୍କ ଅର୍ଥନୈତିକ ପରାମର୍ଶଦାତା ପରିଷଦ (ଇଏସି)ର ଅଧ୍ୟକ୍ଷ ବିବେକ ଦେବରାୟଙ୍କ ଅଧ୍ୟକ୍ଷତାରେ ଗଠିତ କମିଟି ରିପୋର୍ଟ ଅନୁସାରେ ଇଣ୍ଡିଆନ୍‌ ରେଲ୍‌ଓ୍ବେର ଏବକାର ଢାଞ୍ଚାକୁ ଭାଙ୍ଗିଦେବାକୁ ସୁପାରିସ କରାଯାଇଥିଲା ବୋଲି ଅଧିକାଂଶ ପର୍ଯ୍ୟବେକ୍ଷକ ମତ ଦେଇଛନ୍ତି। ବିଶେଷ କରି ନୂଆ ଭାରତୀୟ ରେଲ୍‌ଓ୍ବେ ମ୍ୟାନେଜ୍‌ମେଣ୍ଟ ସର୍ଭିସ ପାଇଁ ୮,୪୦୧ ଜଣ ଅଧିକାରୀଙ୍କୁ ଏକାଠି କରିବା ସହଜ କାମ ନୁହେଁ। କିନ୍ତୁ ରେଲ୍‌ଓ୍ବେ ସେଥିପାଇଁ କାମ ଆରମ୍ଭ କରିଛି। ଏହା ଇଞ୍ଜିନିୟରିଂ ସର୍ଭିସ ଓ ସିଭିଲ ସର୍ଭିସ ପରୀକ୍ଷାରୁ ନୂଆ ଅଧିକାରୀ ନିଯୁକ୍ତି ଦେବା ଲାଗି କରିଥିବା ଯୋଜନାକୁ ଚଳିତବର୍ଷ ବନ୍ଦ ରଖିଛି। ଏହି ବର୍ଷ ଏସବୁ ସେବାଗୁଡ଼ିକରେ ୨୫୦ ଜଣଙ୍କୁ ନିଯୁକ୍ତି ଦେବାର ଥିଲା।
ଆର୍‌ବିଆଇରେ ହଲ୍‌ଚଲ୍‌
ନଭେମ୍ବର ୨୦୧୯ରେ ଭାରତୀୟ ରିଜର୍ଭ ବ୍ୟାଙ୍କ (ଆର୍‌ବିଆଇ)ରେ ୟୁନିଫାଏଡ୍‌ ରେଗୁଲେଟୋରି ଆଣ୍ଡ୍‌ ସୁପରଭାଇଜରି କ୍ୟାଡର୍‌ ଲାଗୁହେବା ପରେ ତାହା ଏବେ ସଙ୍କଟ ସୃଷ୍ଟି କରିଛି କାରଣ ଅନେକ ଅଧିକାରୀ ଏ କ୍ୟାଡରରେ ରହିବାକୁ ଚାହାନ୍ତି ନାହିଁ ବୋଲି ସୂଚନା ଦେଇଛନ୍ତି। ସେମାନଙ୍କ କ୍ୟାରିୟର ଉପରେ ନିଷ୍ପତ୍ତି ନେବାର ସମୟସୀମା ଏହି ମାସ ଶେଷରେ ପୂରିଯାଇଛି। ଆର୍‌ବିଆଇ ଇତିହାସରେ ଏହି ପ୍ରୟାସ ସମ୍ଭବତଃ ସବୁଠୁ ବଡ଼ ପରିବର୍ତ୍ତନ ଯାହା ମାର୍ଚ୍ଚ ୨୦୧୩ରେ ଶ୍ରୀକୃଷ୍ଣ କିମିଟିର ସୁପାରିସ ଅନୁସାରେ କରାଯାଇଥିଲା। କିନ୍ତୁ ଏବେ ଜଣାପଡୁଛି, ଏହା ସଂସ୍ଥାରେ ଏକ ଅଭୂତପୂର୍ବ ଆଲୋଡନ ସୃଷ୍ଟି କରିଛି। ଆର୍‌ବିଆଇର କେନ୍ଦ୍ରୀୟ ବୋର୍ଡ ଫେବୃୟାରୀରେ ହେବାକୁ ଥିବା ବୈଠକରେ ୟୁନିଫାଏଡ କ୍ୟାଡର ଉପରେ ସମୀକ୍ଷା କରିବାର ସମ୍ଭାବନା ରହିଛି। ସୂତ୍ରରୁ ପ୍ରକାଶ ଯେ, ଆର୍‌ବିଆଇ କେବେ ବି ନୂଆ କ୍ୟାଡର ସମୀକ୍ଷାର ନକାରାମତ୍କ ପ୍ରଭାବ ଅଧିକାରୀମାନଙ୍କ ଉପରେ ପଡିବ ବୋଲି କଳ୍ପନା କରି ନ ଥିତ୍ଲା। ଏବେ ଏହା ଅଧିକାରୀମାନଙ୍କ ଭାବନାକୁ ହୃଦୟଙ୍ଗମ କରିବା ସହ ତୃଣମୂଳ ସ୍ତରକୁ ଭଲ ଭାବେ ଅନୁଭବ କରିପାରିଛି।
Email: dilipcherian@gmail.com


Enter your email to get our daily news in your inbox.

All Right Reserved By Dharitri.Com

ଏଇ ଭାରତରେ

ଖରାଦିନ ଆରମ୍ଭରୁ ବେଙ୍ଗାଲୁରୁ ଜଳ ସଙ୍କଟ ଏବେ ଚିନ୍ତାର ବିଷୟ ହୋଇଛି। ପରିସ୍ଥିତି ଏମିତି ଯେ ସେଠାରେ ଲୋକେ ସହର ଛାଡ଼ିବାକୁ ବାଧ୍ୟ ହେଉଛନ୍ତି। ଏହି...

ଅଦୃଶ୍ୟ ଶତ୍ରୁ

ମାୟାଧର ନାୟକ   ସତ୍ୟ, ତ୍ରେତୟା, ଦ୍ୱାପର, କଳିକାଳରେ ଯେତେ ଯୁଦ୍ଧ ହୋଇଯାଇଛି- ଶତ୍ରୁକୁ ଜାଣି ହେଉଥିଲା- କିନ୍ତୁ ଏ ମହାକଳିକାଳରେ ଅଜଣା ରୋଗ ଓ...

ଚୋରକୁ ବୁଦ୍ଧି

ଅଲେଖ ଚନ୍ଦ୍ର ମିଶ୍ର   ‘ଚୋରକୁ ବୁଦ୍ଧି ଶିଖେଇବା’ ଆପ୍ତବାଣୀଟି ଯେଉଁ ପୃଷ୍ଠଭୂମି ଉପରେ ଆଧାରିତ ତାହା ଥିଲା ଏକ ବାସ୍ତବଧର୍ମୀ କାହାଣୀ, ଯାହାର ମର୍ମ...

ଅପ୍ରକାଶ୍ୟ ଋଣ ସମସ୍ୟା

ଗତ କିଛି ବର୍ଷ ମଧ୍ୟରେ କୋଭିଡ୍‌-୧୯ ମହାମାରୀଠାରୁ ଆରମ୍ଭକରି ଉନ୍ନତ-ଅର୍ଥ ବ୍ୟବସ୍ଥାର ସୁଧ ହାର ବୃଦ୍ଧି ଭଳି ଘଟଣା ଭିନ୍ନ ସ୍ଥିତି ସୃଷ୍ଟି କରିଛି। ଏଥିରେ...

ଏଇ ଭାରତରେ

ଦେଶ ଗଠନରେ ଯୁବ ପ୍ରଶାସକଙ୍କ ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ଅନୁଭବ କରିଛନ୍ତି ୨୦୧୧ ବ୍ୟାଚ୍‌ ଭାରତୀୟ ରାଜସ୍ବ ସେବା(ଆଇଆର୍‌ଏସ୍‌) ଅଧିକାରୀ ରବି କପୁର। ସେ...

ରାମ ରାଜ୍ୟ ସମ୍ଭବ କି

ବୈକୁଣ୍ଠନାଥ ମିଶ୍ର   ଆଜିକାଲି ‘ଜୟ ଶ୍ରୀରାମ’ ଉଚ୍ଚାରଣ କରି ବନ୍ଧୁଙ୍କୁ ପ୍ରଥମ ସାକ୍ଷାତରେ ସମ୍ଭାଷିତ କରିବାର ଅଭିନବ ପରମ୍ପରା ସର୍ବତ୍ର ପରିଦୃଷ୍ଟ। ବନ୍ଧୁଙ୍କୁ ସମ୍ଭାଷଣ...

ମତଦାତାଙ୍କ ବୁଦ୍ଧି ବିମୂଢ଼ତା

ଡ.ଛାୟାକାନ୍ତ ଷଡ଼ଙ୍ଗୀ   ସମ୍ପ୍ରତି ଭାରତ ତଥା ବିଭିନ୍ନ ପ୍ରଦେଶରେ ରାଜନୀତିର ବିଚିତ୍ର ଗତି ଦେଖି ମତଦାତାମାନେ ଉଇଲିଅମ ଜେମ୍‌ସଙ୍କ ଭଳି ସମସ୍ୟାର ସମ୍ମୁଖୀନ ହେଲେଣି।...

ବୁଝିହେଉଛି

ଆମ୍‌ ଆଦ୍‌ମୀ ପାର୍ଟି (ଆପ୍‌) ମୁଖ୍ୟ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ୍‌ କେଜ୍‌ରିଓ୍ବାଲଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଗିରଫ କରି ଆସନ୍ତା ୨୮ ତାରିଖ ପର୍ଯ୍ୟନ୍ତ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri