Posted inରାଜ୍ୟ

ବର୍ଷା ଉଭାନ, ଚାଷୀ ଚାତକ: ଫାଟିଲାଣି ତଳି ଘେରା

ନାଉଗଁ।,୨୦ା୭(ସ୍ବ.ପ୍ର.): ବିଗତ ବର୍ଷଗୁଡିକ ଅପେକ୍ଷା ଚଳିତବର୍ଷ ନାଉଗଁ। ବ୍ଲକ ଅଞ୍ଚଳରେ କମ୍‌ ବର୍ଷା ହୋଇଛି। ଫଳରେ ଚାଷ କାର୍ଯ୍ୟ ଏ ପର୍ଯ୍ୟନ୍ତ ଠିକ୍‌ ଭାବେ ହୋଇପାରିନାହିଁ। ଯେଉଁ ଚାଷୀମାନେ ନିଜସ୍ବ ଉଦ୍ୟମରେ ତଳି ପକାଇଥିଲେ ପାଣି ଅଭାବରୁ ସେମାନଙ୍କ ତଳି ଘେରା ଫାଟି ଅଁ। କଲାଣି। ତେଣୁ ଦିନେ ଦୁଇଦିନ ମଧ୍ୟରେ ବର୍ଷା ନ ହେଲେ ତଳି ସମ୍ପୂର୍ଣ୍ଣ ଭାବେ ନଷ୍ଟ ହୋଇଯିବାର ଆଶଙ୍କା ସୃଷ୍ଟି ହୋଇଛି। ଏଭଳି ସ୍ଥିତିରେ ଏକମାତ୍ର ଭରସା ହେଉଛି ଉଠା ଜଳସେଚନ ପ୍ରକଳ୍ପ। ମାତ୍ର ସେଗୁଡିକ ମଧ୍ୟ ଅଚଳ। ତେଣୁ ଚାଷୀ ବର୍ଷାକୁ ଚାତକ ଭଳି ଚାହିଁ ରହିଛନ୍ତି। ପ୍ରକାଶ ଯେ, ନାଉଗଁ। ବ୍ଲକର ଜାମୁଗଁ।, ରୋହିଆ, ଗଜରାଜପୁର, ନୂଆଗଁ। ପଞ୍ଚାୟତକୁ ଛାଡ଼ିଦେଲେ ଆଉ ୧୨ ପଞ୍ଚାୟତର ଚାଷ ସମ୍ପୂର୍ଣ୍ଣ ଭାବେ ବର୍ଷା ଜଳ ଉପରେ ନିର୍ଭର କରିଥାଏ। କିନ୍ତୁ ଚଳିତବର୍ଷ ଚାଷ କାର୍ଯ୍ୟ ଆରମ୍ଭରୁ ପ୍ରକୃତି ଦାଉ ସାଧିଲାଣି। କୃଷି ବିଭାଗ ସୂଚନା ଅନୁଯାୟୀ, ଚଳିତବର୍ଷ ୭ ହଜାର ହେକ୍ଟର ଜମିରେ ଧାନ ଚାଷ କରାଯାଇଛି। ୫ ହଜାର ହେକ୍ଟର ଜମିରେ ଶାରଦ ଓ ୨ ହଜାର ହେକ୍ଟର ଜମିରେ ଲଘୁ ଜାତୀୟ ଧାନ ଚାଷ ହୋଇଛି। ଚାଷୀ ଅଧିକ ଅମଳକ୍ଷମ ବିହନ ଯଥା ଧଳାସ୍ବର୍ଣ୍ଣ, ନାଲି ସ୍ବର୍ଣ୍ଣ, ପୂଜା, ୧୦୧୮, ୧୦୦୯, କଳାଶ୍ରୀ ଆଦି ଧାନ ଚାଷ କରିବା ପାଇଁ କ୍ଷେତ ପ୍ରସ୍ତୁତ କରିଥିବାବେଳେ ଲଘୁଜାତୀୟ ଧାନ ସୁପ୍ରଭା, ଖଣ୍ଡଗିରି, ବିଶା-୧୧ ଆଦି ଧାନ ବୁଣା ଶେଷ କରିଦେଇଛନ୍ତି। ତିରୁଣା, ଓଷକଣା, କୋରୁଆ, ଡେରିକି ଆଦି ପଞ୍ଚାୟତରେ ଚାଷୀ ଜୁନ ପ୍ରଥମ ସପ୍ତାହରେ ଖରୁଡି ଧାନ ବୁଣିଥିଲେ। ଅଧିକ ଅମଳକ୍ଷମ ବିହନ ତଳି ପକାଇବା ପାଇଁ ଚାଷୀ ତଳିଘେରା ପ୍ରସ୍ତୁତ କରିଥିବାବେଳେ ବର୍ଷା ଅଭାବରୁ ତଳି ଘେରା ଫାଟିଗଲାଣି। କେତେକ ତଳି ମଧ୍ୟ ନଷ୍ଟ ହୋଇଗଲାଣି। ସେପଟେ ବୁଣାହୋଇଥିବା ଧାନ ଜମିରେ ପାଣି ନ ଥିବାରୁ ଅନାବନା ଘାସ ମାଡ଼ିଗଲାଣି। ବିଭାଗୀୟ ତଥ୍ୟ ଅନୁଯାୟୀ, ୨୦୧୭ ସୁଦ୍ଧା ବ୍ଲକରେ ୮୬ଟି ଉଠା ଜଳସେଚନ ପ୍ରକଳ୍ପ ଥିଲା। ସେଥିମଧ୍ୟରୁ ୨୦ଟି ପ୍ରକଳ୍ପର ପୁନରୁଦ୍ଧାର କରାଯାଇଥିବାବେଳେ ସେଥିରେ ୨ କୋଟି ୫ ଲକ୍ଷ ୪୬ ହଜାର ଟଙ୍କା ଖର୍ଚ୍ଚ କରାଯାଇଛି। ୭୬ଟି ପ୍ରକଳ୍ପ ଜଳ ଯୋଗାଇବା ପାଇଁ ପ୍ରସ୍ତୁତ ଥିବାବେଳେ ୧୫ ପ୍ରକଳ୍ପ ବର୍ତ୍ତମାନ ଜଳ ଯୋଗାଉଛି। ତେବେ ଏହି ତଥ୍ୟ ବାସ୍ତବତାଠାରୁ ସମ୍ପୂର୍ଣ୍ଣ ଭିନ୍ନ। କାଗଜ କଲମରେ ପାଣି ପଞ୍ଚାୟତ ଚାଲିଥିବାବେଳେ ଏହି ବ୍ଲକ ତିରୁଣା ପଞ୍ଚାୟତର ଅରିଓଦା, ଶିଖର ପଞ୍ଚାୟତର ପାଟେଣିଗଁା ପ୍ରକଳ୍ପକୁ ଛାଡି ଅନ୍ୟ ସମସ୍ତ ପ୍ରକଳ୍ପ ଅଚଳ ରହିଛି। କେଉଁଠି ଅଳ୍ପଦିନ ପାଣି ପଡି ପ୍ରକଳ୍ପ ଅଚଳ ହୋଇଛି ତ ଆଉ କେଉଁଠି ଆଦୌ ପାଣି ପଡିନାହିଁ। ତେଣୁ ଯଥାଶୀଘ୍ର ଏହି ଉଠାଜଳସେଚନ ପ୍ରକଳ୍ପଗୁଡିକ କାର୍ଯ୍ୟକ୍ଷମ କରିବା ପାଇଁ ଚାଷୀମାନେ ଦାବି କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ତାମିଲନାଡ଼ୁରେ ବନ୍ଧକ ଥିବା ଦାଦନ ଶ୍ରମିକଙ୍କୁ ଉଦ୍ଧାର କଲେ ସ୍ବାସ୍ଥ୍ୟମନ୍ତ୍ରୀ: ପରିବାରରେ ଖୁସିର ଲହରୀ

କେସିଙ୍ଗା,୧୮।୧୧(ତୁମେଶ୍ୱର ସାହୁ): ଦୀର୍ଘଦିନ ଧରି ତାମିଲନାଡ଼ୁର ଏକ ଡିଟରଜେଣ୍ଟ କାରଖାନାରେ ବନ୍ଧକ ଥିବା କଳାହାଣ୍ଡି ଜିଲାର ଦାଦନ ଶ୍ରମିକ ଦିନେଶ ମାଝୀ ଶେଷରେ ଉଦ୍ଧାର ହୋଇ ନିଜ…

ଚାଲାଣ ବେଳେ ୫୦ କଇଁଛ ଜବତ, ୨ ଗିରଫ

କାଲିମେଳା, ୧୯।୧୧ (ଜୀବନ କୃଷ୍ଣ ଦାସ): ବେଆଇନ ଭାବେ କଇଁଛ ଚୋରା ଚାଲାଣ ବେଳେ ମାଲକାନଗିରି ଜିଲା କାଲିମେଳା ବନ ବିଭାଗ ଟିମ୍‌ ଚଢ଼ାଉ କରି ୫୦ଟି…

ଶୋକ ପ୍ରସ୍ତାବରୁ ଆରମ୍ଭ ହେଲା ବିଧାନସଭା, ପରେ କମ୍ପିଲା ଗୃହ, ଆଉ ତା’ ପରେ…

ଭୁବନେଶ୍ୱର,୧୮ା୧୧: ବୁଧବାର ଆରମ୍ଭ ହୋଇଛି ଶୀତ ଅଧିବେଶନ। ଡିସେମ୍ବର ୩୧ ପର୍ଯ୍ୟନ୍ତ ଏହା ଚାଲିବ। ଶୀତ ଅଧିବେଶନରେ ମୋଟ ୩୩ଟି କାର୍ଯ୍ୟଦିବସ ରହିଛି। ଆରମ୍ଭରେ ମୁଖ୍ୟମନ୍ତ୍ରୀ ମୋହନ…

୫୭ ବର୍ଷର ଅପେକ୍ଷାର ହେବ କି ଅନ୍ତ! ଚିନ୍ତାଜନକ ଭାରତୀୟ ଦଳର ଟେଷ୍ଟ ରେକର୍ଡ

ନୂଆଦିଲ୍ଲୀ,୧୮।୧୧:ନ୍ୟୁଜିଲାଣ୍ଡ ଗସ୍ତରେ ରହିଛି ଭାରତୀୟ କ୍ରିକେଟ ଦଳ। ଟି-୨୦ ଓ ଦିନିକିଆ ସିରିଜ୍‌ର ରୋମାଞ୍ଚ ଶେଷ ହେବା ପରେ ଏବେ ଆରମ୍ଭ ହେବ ଟେଷ୍ଟ ସିରିଜ୍‌ର ଲଢ଼େଇ।…

ଘରବାରଣ୍ଡାରେ ସିନ୍ଦୂରଲଗା ମଣିଷ ଖପୁରି

ନୟାଗଡ଼/ଭାପୁର, ୧୮।୧୧(ଲୋକନାଥ ମିଶ୍ର/ପ୍ରଭାତ ବରାଡ): ବାରିପଟ ଘର ବାରଣ୍ଡାରେ ପଡିଥିଲା ସିନ୍ଦୂର ଲାଗିଥିବା ମଣିଷ ଖପୁରି। ପ୍ରାୟ ୨ମାସ ହେଲା ବିଷ୍ଠା ଓ ଆବର୍ଜନା ବାରଣ୍ଡାରେ ପଡୁଥିବାବେଳେ…

ସୁନାର ରାସ୍ତାରେ ଚାଲିବେ ଲୋକେ, ଖୁବ୍‌ଶୀଘ୍ର ୨୪ କ୍ୟାରେଟ୍‌ ସୁନାରେ ହେବ ତିଆରି, ଜାଣନ୍ତୁ ପୂରା ପ୍ଲାନିଂ…

ଦୁବାଇ,୧୮ା୧୧: ଏଣିକି ଲୋକେ ଆଉ ପିଚୁ ରାସ୍ତାରେ ଚାଲିବେନି। ଏଥର ନିର୍ମାଣ ହେବ ସୁନାର ରାସ୍ତା। ଏପରି ରାସ୍ତା ଦେଖିବାକୁ ମିଳିବ କେବଳ ଦୁବାଇରେ। ଦୁବାଇ କେବେବି…

ମିଳିଲା ମ୍ୟୁନିସିପାଲିଟି ମାନ୍ୟତା, ମିଳୁନି ମୌଳିକ ସୁବିଧା: ଅନଶନ ପରେ ଉଠିଲା ଅଳିଆ ଆବର୍ଜନା

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ଗଞ୍ଜାମ ଜିଲା ଭଞ୍ଜନଗର ଏନଏସିକୁ ମ୍ୟୁନିସିପାଲିଟି ମାନ୍ୟତା ମିଳିବାର ପ୍ରାୟ ୧୧ ମାସ ବିତିବାକୁ ବସିଥିଲେ ମଧ୍ୟ ନୂତନ ଭାବେ ସାମିଲ…

ସକାଳୁ ସକାଳୁ ସୁନା-ରୁପା ଦରରେ ବଡ଼ ହ୍ରାସ, କିଲୋ ପିଛା ୯,୫୦୦ ଟଙ୍କା ଖସିଲା, ଜାଣନ୍ତୁ ଆଜିର ରେଟ୍‌

ନୂଆଦିଲ୍ଲୀ, ୧୮।୧୧: ଗତ କିଛି ଦିନ ହେବ ସୁନା ଓ ରୁପା ଦରରେ କ୍ରମାଗତ ଭାବେ ଉତ୍ଥାନ-ପତନ ଦେଖିବାକୁ ମିଳୁଛି। ବୁଧବାର ସୁନା ଲଗାତାର ଷଷ୍ଠ ବାଣିଜ୍ୟିକ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?