ଟିକ୍ରାପଡା,୩ା୫(ଡି.ଏନ.ଏ.)
ଡାକ ଯୋଗେ ପଠାଯାଇଥିବା ମନିଅର୍ଡର ଟଙ୍କା ପଠାଇବାର ବର୍ଷକ ପରେ ନିର୍ଦ୍ଧାରିତ ସ୍ଥାନରେ ପହଞ୍ଚିଥିବା ଖବର ସମସ୍ତଙ୍କୁ ଚକିତ କରିଛି। ସୁବର୍ଣ୍ଣପୁର ଜିଲା ତରଭା ବ୍ଲକ ସଦର ମହକୁମାର ମହେନ୍ଦ୍ର ତ୍ରିପାଠୀ ୨୬ ଏପ୍ରିଲ ୨୦୧୯ରେ ବଲାଙ୍ଗୀର ଜିଲା ସଇଁନ୍ତଳା ବ୍ଲକ ଝିଙ୍କିଡୁଙ୍ଗୁରି ପଞ୍ଚାୟତ ସଦର ମହକୁମାର ଧର୍ମେନ୍ଦ୍ର ମୁଦୁଲିଙ୍କ ପାଖକୁ ମନିଅର୍ଡର ଯୋଗେ ୪୦୦ଟଙ୍କା ପଠାଇଥିଲେ। ଯାହାର ମନି ଅର୍ଡର ନମ୍ବର ୦୮୯୪୫୫୫୨୬୦୧୮୬୭୦୧୦। ଉକ୍ତ ଟଙ୍କା ଦୀର୍ଘ ବର୍ଷକ ପରେ ୧ ମେ ୨୦୨୦ରେ ଧର୍ମେନ୍ଦ୍ରଙ୍କ ନିକଟରେ ପହଞ୍ଚିଛି। ମହେନ୍ଦ୍ର ବର୍ଷକ ତଳେ ସମ୍ପନ୍ନ ହୋଇଥିବା ବନ୍ଧୁ ଧର୍ମେନ୍ଦ୍ରଙ୍କ ବିବାହ ଉତ୍ସବରେ କୌଣସି କାରଣରୁ ପହଞ୍ଚି ନ ପାରି ଉକ୍ତ ଟଙ୍କା ଉପହାର ସ୍ବରୂପ ପଠାଇଥିଲେ। ଏ ନେଇ ସେ ତାଙ୍କୁ ଫୋନ କରି ଜଣାଇଥିଲେ। ହେଲେ ଏହି ଟଙ୍କା ଧର୍ମେନ୍ଦ୍ରଙ୍କ ପାଖରେ ପହଞ୍ଚି ନ ଥିଲା। ଏ ନେଇ ସ୍ଥାନୀୟ ପୋଷ୍ଟ ଅଫିସରେ ପଚାରିଲେ ମନି ଅର୍ଡର ଆସି ନ ଥିବା କହିଥିଲେ। ହେଲେ ବର୍ଷକ ପରେ ଉକ୍ତ ଟଙ୍କା ଦେବାକୁ ତାଙ୍କ ନିକଟକୁ ଆସିଥିବା ପୋଷ୍ଟ ପିଅନକୁ ପଚାରିବାରୁ ଭୁଲବଶତଃ ଉକ୍ତ ମନି ଅର୍ଡର ରହି ଯାଇଥିଲା ବୋଲି କହିଥିଲେ। ଏ ସମ୍ପର୍କରେ ଝିଙ୍କିଡୁଙ୍ଗୁରି ପୋଷ୍ଟମାଷ୍ଟର ରାଜ କିଶୋର ବାଙ୍କଙ୍କୁ ପଚାରିବାରୁ ଅସମ୍ପୂର୍ଣ୍ଣ ଠିକଣା ଯୋଗୁ ଏହି ମନି ଅର୍ଡର ଠିକ୍ ସମୟରେ ପହଞ୍ଚତ୍ ନ ପାରି ମୁଖ୍ୟ କ୍ଷେତ୍ରରୁ ଫେରି ଆସିଥିଲା ା ଏହି କାରଣରୁ ମନିଅର୍ଡର ପହଞ୍ଚତ୍ବାରେ ବିଳମ୍ବ ହେଲା ବୋଲି ସେ କହିଛନ୍ତି ା
