ଗଣିଆ,୨୦ା୧୧(ଡି.ଏନ.ଏ.): ନୟାଗଡ଼ ମହାନଦୀ ବନ୍ୟପ୍ରାଣୀ ବନଖଣ୍ଡ ଉଦ୍ୟମକ୍ରମେ ସାତକୋଶିଆ ବ୍ୟାଘ୍ର ସଂରକ୍ଷଣାଞ୍ଚଳ ଅଭୟାରଣ୍ୟର ସାଉଥ୍ ବଡମୂଳ ମଙ୍ଗାନାସୀଠାରେ ୨୦୧୫ ମସିହାଠାରୁ ଖୋଲାଯାଇଛି ପ୍ରାକୃତିକ ପରିବେଶ ପର୍ଯ୍ୟଟନ କେନ୍ଦ୍ର। ରବିବାର ଏକ ୪ଜଣିଆ ବିଦେଶୀ ପର୍ଯ୍ୟଟକ ଟିମ୍ ଏଠାରେ ପହଞ୍ଚତ୍ ପରିଚାଳନା ସମ୍ବନ୍ଧୀୟ ତଥ୍ୟ ସଂଗ୍ରହ କରିଛନ୍ତି।
ଏହି ପର୍ଯ୍ୟଟନ କେନ୍ଦ୍ରର ପରିଚାଳନା ପାଇଁ ବିଭାଗ ତରଫରୁ ସ୍ଥାନୀୟ ଇକୋ ଭିଲେଜ ମୁଦୁଲିଗାଡିଆର ମା’ ସାତଭଉଣୀ ପରିବେଶ ବିକାଶ ସମିତିକୁ ଦାୟିତ୍ୱ ହସ୍ତାନ୍ତର କରାଯାଇଛି। ଗତ ୫ବର୍ଷ ଧରି ସମିତି ସଭ୍ୟାସଭ୍ୟ ପର୍ଯ୍ୟଟନ କେନ୍ଦ୍ରକୁ ଆସୁଥିବା ଅତିଥି ପର୍ଯ୍ୟଟକମାନଙ୍କୁ ଠିକ୍ ଭାବେ ସେବା ଯୋଗାଇ ସ୍ବାବଲମ୍ବୀ ହୋଇପାରିଛନ୍ତି। ପର୍ଯ୍ୟଟନ କେନ୍ଦ୍ରରେ କାର୍ଯ୍ୟ କରି ସେମାନେ ନିଜର ପରିବାର ପ୍ରତିପୋଷଣ କରିବା ସହ ଆର୍ଥିକ ଅବସ୍ଥାର ସୁଧାର ଆଣିପାରିଛନ୍ତି। ଏଥିସହ ପର୍ଯ୍ୟଟନ କେନ୍ଦ୍ରର ମୋଟ ଆୟରୁ ୧୦ ପ୍ରତିଶତ ଅର୍ଥ ଗ୍ରାମ ସମିତି ପାଣ୍ଠିକୁ ମିଳୁଥିବାରୁ ଗ୍ରାମର ସାମୂହିକ ଉନ୍ନତି ହୋଇପାରୁଛି। ଦେଶବିଦେଶରେ ସ୍ବତନ୍ତ୍ର ପରିଚୟ ସୃଷ୍ଟି କରିଥିବା ପର୍ଯ୍ୟଟନ କେନ୍ଦ୍ରକୁ ସମିତି ସଭ୍ୟାସଭ୍ୟ କିଭଳି ପରିଚାଳନା କରୁଛନ୍ତି ସେ ସମ୍ପର୍କରେ ଜାଣିବା ପାଇଁ ରବିବାର ୟୁରୋପିଆନ କମିଶନଙ୍କ ସହାୟତାରେ ବୋକୋଟୋ ଅନୁଷ୍ଠାନରୁ ୪ଜଣିଆ ବିଦେଶୀ ଟିମ୍ ପର୍ଯ୍ୟଟନ କେନ୍ଦ୍ରରେ ପହଞ୍ଚତ୍ଥିଲେ। ସେମାନେ ହେଲେ ଇଟାଲୀର ଫ୍ରୁସ ତୋ ଆମିକୋ ଓ ସୋଫି, ସ୍ପେନରୁ ରାମନ୍, କେନିଆରୁ ବାରିଲ୍ ସେମୋ। ଭାରତରୁ ଓଡିଶାର ପ୍ରଦୀପ କୁମାର ଦିଗାଲ ଏମାନଙ୍କ ସହ ସାମିଲ ଥିଲେ। ରିସର୍ଚ୍ଚ ପାଇଁ ଆସିଥିବା ଏହି ଟିମ୍ ସେମାନଙ୍କର ଗୋଟିଏ ଦିନର ରହଣି ମଧ୍ୟରେ ପରିଚାଳନା କମିଟି ସଭାପତି, ସମ୍ପାଦକ ଓ ସଭ୍ୟାସଭ୍ୟଙ୍କ ସହ ପର୍ଯ୍ୟଟନ କେନ୍ଦ୍ର ପରିଚାଳନା ସମ୍ପର୍କରେ ସବିଶେଷ ତଥ୍ୟ ପଚାରି ବୁଝିଥିଲେ। ଏଥିସହ ଆଗାମୀ ଦିନର ଲକ୍ଷ୍ୟ ବିଷୟରେ ମଧ୍ୟ ପଚାରି ବୁଝିଥିଲେ। ଗୋଷ୍ଠୀ ଉଦ୍ୟମରେ ପର୍ଯ୍ୟଟନ କେନ୍ଦ୍ରର ସୁପରିଚାଳନା କରିବା ଦ୍ୱାରା ଏକତା, ସମାନତା, ସ୍ବରୋଜଗାରକ୍ଷମ, ସ୍ବଚ୍ଛତା, ପ୍ରାକୃତିକ ପରିବେଶର ସୁରକ୍ଷା, ପରିବେଶକୁ ପ୍ରଦୂଷଣ ମୁକ୍ତ ରଖିବା ଓ ଜୈବ ବିବିଧତାର ସୁରକ୍ଷା ହୋଇପାରିବା କଥା ଜାଣିବାକୁ ପାଇଥିଲେ। ସେମାନେ ନିଜ ଦେଶରେ ଏସବୁ ସୃଷ୍ଟି କରିବା ସହ ପର୍ଯ୍ୟଟନ କ୍ଷେତ୍ରର ବିକାଶ ଦିଗରେ ଏହା ସହାୟକ ହୋଇପାରିବ ବୋଲି ମତପ୍ରକାଶ କରିଥିଲେ। ଏହି ଟିମ୍ ଭିଏତ୍ନାମ, ନେପାଳ ଓ ଭାରତ ପରି ୭ଟି ଦେଶରେ ଥିବା ବିଭିନ୍ନ ପର୍ଯ୍ୟଟନ କେନ୍ଦ୍ର ବୁଲି ରିସର୍ଚ୍ଚ କରୁଥିବା ଜଣାପଡିଛି ା ଗୋଟିଏ ଦିନର ରହଣି ମଧ୍ୟରେ ପ୍ରାକୃତିକ ପରିବେଶ ଭରା ଏହି ପର୍ଯ୍ୟଟନ କେନ୍ଦ୍ର ମନକୁ ବେଶ୍ ଛୁଇଁପାରିଥିଲା ବୋଲି ସେମାନେ କହିଥିଲେ ା
