ମୁମ୍ବାଇ: ପ୍ରଥମ ଥର ପାଇଁ ଏକାଠି କାମ କରିବେ ପ୍ରିୟଙ୍କା ଚୋପ୍ରା ଜୋନାସ ଏବଂ ରାଜକୁମାର ରାଓ। ତେବେ ଫିଲ୍ମଟି କେବଳ ନେଟ୍ଫିଲ୍ସ ଚ୍ୟାନେଲ୍ରେ ରିଲିଜ ହେବ। ମ୍ୟାନ ବୁକର ପୁରସ୍କାର ବିଜେତା ଉପନ୍ୟାସ ‘ଦ ହ୍ବାଇଟ୍ ଟାଇଗର’ ଉପରେ ଏହାର କାହାଣୀଟି ପର୍ଯ୍ୟବସିତ ଥିବା ଜଣାପଡ଼ିଛି। ଏହାର ନିର୍ଦ୍ଦେଶନା ଦେବେ ରାମିନ ବହରାନୀ। ଚଳିତ ବର୍ଷ ଶେଷ ସୁଦ୍ଧା ଫିଲ୍ମର ଶୁଟିଂ ଆରମ୍ଭ ହେବ। ତେବେ ଫିଲ୍ମକୁ ନେଇ ଉଭୟ ବେଶ୍ ଉତ୍ସାହିତ ଥିବା ପ୍ରତିକ୍ରିୟାରେ କହିଛନ୍ତି।
ରାଜ କୁମାର ଏବେ ନିଜର ଆଗାମୀ ଫିଲ୍ମ ‘ରୁହୀଆଫ୍ଜା’ର ଶୁଟିଂରେ ବ୍ୟସ୍ତ। ଏଥିରେ ତାଙ୍କ ସହ ଅଭିନେତ୍ରୀ ଜାହ୍ନବୀ କପୁର ନଜର ଆସିବେ। ଏହି ହର୍ର କମେଡି ଫିଲ୍ମକୁ ହାର୍ଦ୍ଦିକ ମେହତା ନିର୍ଦ୍ଦେଶନା ଦେଉଥିବା ବେଳେ ଆସନ୍ତା ବର୍ଷ ମାର୍ଚ୍ଚ ୨୦ରେ ଏହା ପରଦାକୁ ଆସିବ।
