ପ୍ରତି ସକାଳେ ପତାକା ଉତ୍ତୋଳନ

ବ୍ରହ୍ମପୁର ଅଫିସ୍‌,୧୩ା୮- ତ୍ରିରଙ୍ଗା କେବଳ ଯେ ଆମ ଦେଶର ଜାତୀୟ ପତାକା ତାହା ନୁହଁ, ଏହା ପ୍ରତ୍ୟେକ ଭାରତୀୟଙ୍କ ଗର୍ବ ଏବଂ ଗୌରବର ପ୍ରତୀକ। ଯିଏ, ଯେଉଁଠି, ଯେ କୌଣସି ଅବସ୍ଥାରେ ଥିଲେ ମଧ୍ୟ ଜାତୀୟ ପତାକାକୁ ଦେଖିଲେ ସମ୍ମାନ ଜଣାଇବାକୁ ହାତ ଉଠିଯାଏ। ସାଧାରଣତଃ ଭାରତରେ ସ୍ବାଧୀନତା ଦିବସ ଏବଂ ସାଧାରଣତନ୍ତ୍ର ଦିବସରେ ସର୍ବତ୍ର ଜାତୀୟ ପତାକା ଉତ୍ତୋଳନ କରାଯାଏ । କିନ୍ତୁ ବ୍ରହ୍ମପୁର ସହରରେ ଏମିତି ଏକ ସ୍ଥାନ ଅଛି, ଯେଉଁଠି କେବଳ ସ୍ବତନ୍ତ୍ର ଦିବସରେ ନୁହେଁ, ବରଂ ଦୈନିକ ସକାଳେ ଜାତୀୟ ପତାକା ଉତ୍ତୋଳନ କରାଯାଉଛି । ଅପରାହ୍ନରେ ପତାକାକୁ ଅବତରଣ କରାଯାଉଛି। ଦିନେ କି ମାସେ ନୁହଁ, ଗତ ଏକ ବର୍ଷ ହେଲା ପତାକା ଉତ୍ତୋଳନ କରୁଛନ୍ତି ବ୍ରହ୍ମପୁର ସହରର କେତେକ ସଚେତନ ଜନସାଧାରଣ ।
ସହର କୋର୍ଟପେଟା ଛକରେ ଦୈନିକ ସକାଳ ୮ଟା ବେଳେ କେତେକ ସହରବାସୀ ଏକାଠି ହୁଅନ୍ତି ।
ଭାରତ ମାତାଙ୍କ ଜୟକାର ଧ୍ୱନି ସହ ଶୃଙ୍ଖଳିତ ଭାବେ ଠିଆ ହୁଅନ୍ତି ।
ଠିକ୍‌ ୮ଟା ବାଜିବା କ୍ଷଣି ହୁଏ ଜାତୀୟ ପତାକା ଉତ୍ତୋଳନ କରାଯାଏ। ଏଥି ସହ ଗାନ କରାଯାଏ ଜାତୀୟ ସଂଗୀତ । ସମସ୍ତେ ପତାକାକୁ ସାଲୁଟ୍‌ କରନ୍ତି । ପରେ ନିଜ ନିଜ କାର୍ଯ୍ୟ କର୍ମକ୍ଷେତ୍ରକୁ ଚାଲିଯାନ୍ତି ।
ପତାକା ଉତ୍ତୋଳନ ଦାୟିତ୍ୱ ନେଇଥିବା ରାମ କୁମାର ପାତ୍ର କୁହନ୍ତି, ପୂର୍ବରୁ ଜାତୀୟ ପତାକା ଉତ୍ତୋଳନ ନେଇ ଅନେକ କଟକଣା ରହିଥିଲା । କିନ୍ତୁ ଫ୍ଲାଗ୍‌ କୋଡ଼୍‌ରେ ସଂଶୋଧନ ପରଠୁ ସାଧାରଣ ଲୋକେ ମଧ୍ୟ ଚାହିଁଲେ ନିଜ ଘରେ ଏବଂ ଅନୁଷ୍ଠାନରେ ପତାକା ଉତ୍ତୋଳନ କରିପାରିବେ। କୋର୍ଟପେଟା ଛକରେ ଥିବା ଜଗନ୍ନାଥ ମନ୍ଦିରକୁ ମୁଁ ଏବଂ ଅନ୍ୟ କେତେକ ସହରବାସୀ ପ୍ରତ୍ୟହ ସକାଳେ ଦର୍ଶନ ପାଇଁ ଆସୁଥିଲୁ ।
ନିଜ ଭିତରେ ନିଷ୍ପତ୍ତି ନେଲୁ ଜଗନ୍ନାଥ ଦର୍ଶନ ସହ ଜାତୀୟ ପତାକା ମଧ୍ୟ ଉତ୍ତୋଳନ କରିବା। ଗତ ବର୍ଷ ସ୍ବାଧୀନତା ଦିବସରେ ପ୍ରଥମ ଥର ପାଇଁ ପତାକା ଉତ୍ତୋଳନ କରାଯାଇଥିଲା। ତା’ ପରଠୁ ଦୈନିକ ସକାଳ ୮ଟାରେ ପତାକା ଉତ୍ତୋଳନ କରାଯାଉଛି। ଆଖାପାଖର କେତେକ ବ୍ୟକ୍ତି ଏବଂ ମନ୍ଦିର ପୂଜକମାନେ ମଧ୍ୟ ଏଥିରେ ସାମିଲ୍‌ ହେଉଛନ୍ତି। ପ୍ରାରମ୍ଭରେ ଲୋକଙ୍କ ସଂଖ୍ୟା କମ୍‌ ଥିଲା। ଧୀରେ ଧୀରେ ସଂଖ୍ୟା ବଢ଼ୁଛି। ସକାଳ ସାଢ଼େ ୭ଟାରୁ ସମସ୍ତେ ଏକାଠି ହୋଇଯାଉଛନ୍ତି । ପରିସରକୁ ସଫା କରିବା ପରେ ପତାକା ଉତ୍ତୋଳନ ପାଇଁ ପ୍ରସ୍ତୁତି କରାଯାଉଛି। ତେବେ ଏହି ସମୟରେ ଯଦି କିଏ ରାସ୍ତା ଦେଇ ଯାଉଥି୦ବେ, ତେବେ ସେମାନେ ମଧ୍ୟ ଉତ୍କଣ୍ଠାାର ସହ ପତାକା ଉତ୍ତୋଳନ ଦେଖୁଛନ୍ତି। ଲୋକମାନଙ୍କ ମଧ୍ୟରେ ଏକତା ଏବଂ ଦେଶପ୍ରେମ ଜାଗ୍ରତ କରିବା ଉଦ୍ଦେଶ୍ୟରେ ଏଭଳି ପଦକ୍ଷେପ ନିଆଯାଇଛି । ମନ୍ଦିର ପୂଜକ ସନ୍ତୋଷ ମିଶ୍ର ଏବଂ ମହେଶ୍ୱର ପାଣି କୁହନ୍ତି, ପତକା ଉତ୍ତୋଳନଠାରୁ ଗୁରୁତ୍ୱପୂର୍ଣ୍ଣ ଏହାର ଅବତରଣ । ଅପରାହ୍ନ ଠିକ୍‌ ୫ଟା ବାଜିବା କ୍ଷଣି ପତାକା ଅବତରଣ କରାଯାଉଛି। ଉଭୟ ଉତ୍ତୋଳନ ଏବଂ ଅବତରଣ ସମୟରେ ଜାତୀୟ ପତାକାକୁ ଉଚିତ ସମ୍ମାନ ପ୍ରତି ଧ୍ୟାନ ଦିଆଯାଉଛି ବୋଲି ପ୍ରକାଶ କରିଛନ୍ତି ।


Enter your email to get our daily news in your inbox.

All Right Reserved By Dharitri.Com

ଗୋପାଳପୁର ଚିନ୍ତାରେ ବିଜେଡି: ପ୍ରଦୀପଙ୍କ ପଛେ ପଛେ ଭାଜପାରେ ସାମିଲ ହେଉଛନ୍ତି କର୍ମୀ

ଗୋପାଳପୁର,୨୮।୩(ନବୀନ ରାଜ ଆଚାରୀ): ସାଧାରଣ ନିର୍ବାଚନ ତାରିଖ ଯେତିକି ପାଖେଇ ଆସୁଛି ରାଜନୀତି ତାତି ସେତେ ବଢୁଛି। ଗୁରୁବାର ଗୋପାଳପୁର ନିର୍ବାଚନ ମଣ୍ଡଳୀ ଗୋଳନ୍ଥରା ସ୍ଥିତ...

ନୀଳ ବିପ୍ଳବର ସାରଥି ସୁରେଶନ

ବ୍ରହ୍ମପୁର,୨୮ା୩(ସ୍ମୃତି ରଞ୍ଜନ ମହାଲିକ)ଗଞ୍ଜାମ ଜିଲା ଛତ୍ରପୁର ବ୍ଲକ ତରେଇପାଟପୁର ଗ୍ରାମର ସୁରେଶନ ବେହେରା। ବୟସ ୪୪। ଶିକ୍ଷାଗତ ଯୋଗ୍ୟତା ୭ମ ପାସ। ମାଛ ଯାଆଁଳ ଉତ୍ପାଦନ...

ମୁହାଣରେ ବୁଡ଼ି ଛାତ୍ରଙ୍କ ଜୀବନ ଗଲା

ଗୋପାଳପୁର,୨୭ା୩(ନବୀନ ରାଜ ଆଚାରୀ): ଗଞ୍ଜାମ ଜିଲା ହରିପୁର ମୁହାଣରେ ପାଣିରେ ବୁଡ଼ି ଜଣେ ଛାତ୍ରଙ୍କ ଜୀବନ ଯାଇଛି। ମୃତକ ଜଣକ ହେଲେ ନୂଆ ଗୋଳାବନ୍ଦ ଗ୍ରାମର...

ସୁବାସଙ୍କ ଉପରେ ପୁଣି ଭରସା କଲେ ମୁଖ୍ୟମନ୍ତ୍ରୀ

ଛତ୍ରପୁର,୨୭ା୩(ଦିଲ୍ଲୀପ ସାମଲ): ରାଜ୍ୟର ବିଭିନ୍ନ ବିଧାନସଭା ମଣ୍ଡଳୀର ଆସନ ପାଇଁ ବିଜୁ ଜନତା ଦଳ ପକ୍ଷରୁ ବୁଧବାର ବିଭିନ୍ନ ପ୍ରାର୍ଥୀଙ୍କ ନାମ ଘୋଷଣା କରିଛନ୍ତି ବିଜେଡି...

ଗାଁ ମୁଖିଆଙ୍କୁ ମରଣାନ୍ତକ ଆକ୍ରମଣ: ଶଳା-ଭିଣୋଇଙ୍କୁ ବାନ୍ଧିଲା ପୋଲିସ

ଗୋପାଳପୁର,୨୭ା୩(ନବୀନ ରାଜ ଆଚାରୀ): ଗଞ୍ଜାମ ଜିଲା ଗୋଳନ୍ଥରା ଅଞ୍ଚଳରେ ଗାଁ ମୁଖିଆଙ୍କୁ ମରଣାନ୍ତକ ଆକ୍ରମଣ ମାମଲାରେ ବୁଧବାର ପୋଲିସ ଦୁଇ ଜଣଙ୍କୁ ଗିରଫ କରି କୋର୍ଟ...

ବିଧାୟକ ଟିକେଟ୍‌ ମିଳିବା ପରେ ଖୁସିରେ ନାଚିଲେ ସମର୍ଥକ

ସୋରଡା,୨୭।୩ (ଲମ୍ବୋଦର ପାଣିଗ୍ରାହୀ): ବିଜୁ ଜନତା ଦଳର ସୋରଡା ବିଧାୟୀକା ପ୍ରାର୍ଥୀ ଭାବେ ଏଠାକାର ପୂର୍ବତନ ଏନଏସି ଅଧ୍ୟକ୍ଷା ତଥା ବିଧାୟକ ପୂର୍ଣ୍ଣଚନ୍ଦ୍ର ସାଇଁଙ୍କ ଧର୍ମପତ୍ନୀ...

ହୋଲିରେ ଅଘଟଣ: ପୋଖରୀରେ ବୁଡି ଜଣେ ବ୍ୟକ୍ତି ମୃତ

ଛତ୍ରପୁର, ୨୬।୩ (ଦିଲ୍ଲୀପ ସାମଲ) : ହୋଲି ଖେଳି ସାରି ଗାଧୋଇବାକୁ ଯାଉଥିବା ବେଳେ ଅଘଟଣ। ଚମାଖଣ୍ଡି ଥାନା ଅନ୍ତର୍ଗତ ମାଙ୍ଗୁଆରୀପେଟା ଗ୍ରାମରେ ଥିବା ଏକ...

ଛତ୍ରପୁର ବିଧାୟକଙ୍କ ଜନସମ୍ପର୍କ ଯାତ୍ରା ଦଳୀୟ ସଙ୍ଗଠନ ନେଇ…

ଗଞ୍ଜାମ,୨୬।୩(ବିଦ୍ୟାଧର ସାହୁ ): ଗଞ୍ଜାମ ସହରରେ ଦୋଳପୂର୍ଣ୍ଣିମା ଯାତ୍ରା ଚାଲିଥିବା ବେଳେ ଛତ୍ରପୁର ବିଧାୟକ ସୁବାଷ ଚନ୍ଦ୍ର ବେହେରା ଶତାଧିକ ଯୁବକଙ୍କ ସହ ଜନସମ୍ପର୍କ ପଦଯାତ୍ରା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri