Posted inଭଦ୍ରକ

ପ୍ରକୃତି ବନ୍ଧୁ ବିଦ୍ୟାଳୟ

ଭଦ୍ରକ ସହର ଉପକଣ୍ଠ ତ୍ରିଶଳପୁରଠାରେ ଥିବା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଅନ୍ୟମାନଙ୍କ ପାଇଁ ପାଲଟିଛି ଏକ ଆଦର୍ଶ ଶିକ୍ଷାନୁଷ୍ଠାନ। ସ୍କୁଲ ହତା ମଧ୍ୟରେ ସୁନ୍ଦର ଘାସଗାଲିଚା ସହ ଫୁଲ ବଗିଚା ଆକର୍ଷଣର କେନ୍ଦ୍ରବିନ୍ଦୁ ସାଜିଛି। ପ୍ରାୟ ୨୫ରୁ ଊର୍ଦ୍ଧ୍ୱ ପ୍ରକାର ଫୁଲଗଛ ବଗିଚାରେ ସ୍ଥାନ ପାଇଛି। ଦୂରରୁ ଦେଖିଲେ ଏହା ଏକ ଆଧୁନିକ ପାର୍କର ଭ୍ରମ ସୃଷ୍ଟି କରିଥାଏ। ୧୬ ନମ୍ବର ଜାତୀୟ ରାଜପଥ କଡ଼ରେ ଥିବା ଏହି ବିଦ୍ୟାଳୟରେ ଶିକ୍ଷା ବାତାବରଣ ଓ ପରିବେଶ ନିଆରା ବୋଲି ବାରି ହୋଇପଡ଼େ। ବର୍ତ୍ତମାନ ଏହି ବିଦ୍ୟାଳୟରେ ପ୍ରାୟ ୨ ଶହ ଛାତ୍ରୀଛାତ୍ର ଅଧ୍ୟୟନ କରୁଛନ୍ତି। ୧୧ ଶିକ୍ଷୟିତ୍ରୀ ଶିକ୍ଷକ କାର୍ଯ୍ୟ କରୁଛନ୍ତି। ୨୦୧୫ରେ ଏହି ବିଦ୍ୟାଳୟକୁ ମିଳିଥିଲା ପ୍ରକୃତି ବନ୍ଧୁ ରାଜ୍ୟସ୍ତରୀୟ ପୁରସ୍କାର। ୨୦୧୬ରେ ରାଜ୍ୟସ୍ତରୀୟ ବେଷ୍ଟ ସିସିଏଚ୍‌(କୁକ୍‌ କମ୍‌ ହେଲ୍‌ପର) ଓ ୨୦୧୭ରେ ସ୍ବଚ୍ଛ ବିଦ୍ୟାଳୟ ପୁରସ୍କାର ପାଇ ଅଞ୍ଚଳର ଗୌରବ ବଢ଼ାଇଛି। ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଝୁରନବାଳା ଖୁଣ୍ଟିଆ ୨୦୧୭ରେ ପ୍ରକୃତି ବନ୍ଧୁ, ସ୍ବଚ୍ଛ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ, ରାଷ୍ଟ୍ର ନିର୍ମାଣ, ସବୁଜଶ୍ରୀ, ଉତ୍କଳକେଶରୀ, ଜିଲା ଆଦର୍ଶ ଶିକ୍ଷୟିତ୍ରୀ ଷ୍ଟେଟ୍‌ ଆୱାର୍ଡ ଆଦି ଲାଭ କରିଛନ୍ତି। ବିଭିନ୍ନ ସମୟରେ ତତ୍କାଳୀନ ଶିକ୍ଷା ମନ୍ତ୍ରୀ, କମିଶନର, ଏଜୁକେଶନ ଡାଇରେକ୍ଟର, ଓପେପା ଡେପୁଟି ଡାଇରେକ୍ଟର, ଦିଲ୍ଲୀ ସେଣ୍ଟ୍ରାଲ ଏମ୍‌ଡିଏମ୍‌ ଟିମ୍‌ର ଡାଇରେକ୍ଟର ପ୍ରମୁଖ ବହୁ ବିଭାଗୀୟ ଅଧିକାରୀ ଏହି ବିଦ୍ୟାଳୟ ପରିଦର୍ଶନ କରି ଏହାକୁ ପ୍ରଶଂସା କରି ଯାଇଛନ୍ତି।
ପ୍ରଧାନ ଶିକ୍ଷୟିତ୍ରୀ ଝୁରନବାଳା କହନ୍ତି, ୧୯୯୪ ମସିହାରୁ ଦୀର୍ଘ ୨୬ ବର୍ଷ ଧରି ସେ ଶିକ୍ଷକତା କରିଆସୁଛନ୍ତି। ଆଗରୁ ବିଦ୍ୟାଳୟ ଏକ ଝାଟିମାଟିର ଚାଳଘରେ ଚାଲୁଥିଲା। କବାଟ ଝରକା ନ ଥିଲା। ଗୋଟିଏ ଶ୍ରେଣୀଗୃହରେ ୫ଟି କ୍ଲାସ୍‌ର ପିଲାଙ୍କୁ ବସାଇ ପାଠ ପଢ଼ାଯାଉଥିଲା। କ୍ରମେ ବିଦ୍ୟାଳୟର ରୂପ ଓ ଏହାର ପରିବେଶ ବଦଳିବାରୁ ସମ୍ପ୍ରତି ଏହା ଜିଲା ଶିକ୍ଷା ବିଭାଗର ପ୍ରଥମ ପସନ୍ଦ ତାଲିକାରେ ରହିଛି। ସ୍ଥାନୀୟ ଗ୍ରାମବାସୀ କୁହନ୍ତି, ବିଦ୍ୟାଳୟର ଅବସ୍ଥା ଭଲ ନ ଥିବାବେଳେ ଅସୁରା ଗ୍ରାମର ସାମାଜିକ କର୍ମୀ ମଦନ ମୋହନ ପରିଡ଼ା ଓ ଗ୍ରାମବାସୀଙ୍କ ଉଦ୍ୟମ କ୍ରମେ ଏହାର ପାଚେରି ନିର୍ମାଣ କରାଯାଇ କେତେକ ଗଛ ଲଗାଯାଇଥିଲା। ପ୍ରାୟ ଏକ ଏକର ହତା ପରିସରରେ ଏବେ ବିଭିନ୍ନ କିସମର ଫୁଲ ଓ ଫଳ ବଗିଚା ସୃଷ୍ଟି କରାଯାଇଛି। ଏଥିସହ ମଧ୍ୟାହ୍ନଭୋଜନ ପାଇଁ ପରିବା ଚାଷ କରାଯାଉଛି। ବିଦ୍ୟାଳୟର ସମସ୍ତ ଶିକ୍ଷୟିତ୍ରୀ ଶିକ୍ଷକ, ପରିଚାଳନା କମିଟି ସଦସ୍ୟଙ୍କ ସହଯୋଗରେ ପ୍ରଧାନ ଶିକ୍ଷୟିତ୍ରୀ ଝୁରନବାଳା ବଗିଚାର ସୁରକ୍ଷା ପ୍ରତି ସ୍ବତନ୍ତ୍ର ଦୃଷ୍ଟି ଦେଉଛନ୍ତି। ଉପତ୍ାଦିତ ପରିବା ଛାତ୍ରୀଛାତ୍ରଙ୍କ ମଧ୍ୟାହ୍ନଭୋଜନ ପାଇଁ ବ୍ୟବହାର କରାଯାଉଛି। ସରକାରୀ ମଧ୍ୟାହ୍ନଭୋଜନ ତାଲିକାକୁ ବାଦ୍‌ ଦେଇ ଏହି ସ୍କୁଲରେ ପିଲାଙ୍କୁ ସାଲାଡ୍‌ ସାଙ୍ଗକୁ ଭଜା, ଶାଗ ଓ ଅନ୍ୟାନ୍ୟ କିସମର ଖାଦ୍ୟ ଖାଇବାକୁ ମିଳୁଛି। ବେଳେବେଳେ ଛାତ୍ରୀଛାତ୍ର ଫୁଲ ଓ ପରିବା ଗଛରେ ପାଣି ଦେବା ସହ ଏହାର ଯତ୍ନ ନେଇଥାନ୍ତି। ପ୍ରଧାନ ଶିକ୍ଷୟିତ୍ରୀ ବଗିଚା ଓ ପରିବା ବାଡ଼ିର ଯତ୍ନ ନେବା ଲାଗି ସ୍କୁଲ ସମୟ ବ୍ୟତୀତ ୨ ଘଣ୍ଟା ସମୟ ଦିଅନ୍ତି। ଗ୍ରୀଷ୍ମଛୁଟି ବେଳେ ସେ ନିଜ ହାତରୁ ପାରିଶ୍ରମିକ ଦେଇ ଗଁାର ଜଣେ ବ୍ୟକ୍ତିଙ୍କୁ ଜଗାରଖା ପାଇଁ ନିୟୋଜିତ କରିଥାନ୍ତି। ପ୍ରତିବର୍ଷ ବିଦ୍ୟାଳୟର ବାର୍ଷିକ ଉତ୍ସବରେ ଛାତ୍ରୀଛାତ୍ରଙ୍କ ଦ୍ୱାରା ନାଟକ ମଞ୍ଚସ୍ଥ ହେବା ସହ ପତ୍ରିକା ଉନ୍ମୋଚିତ ହୋଇଥାଏ। ରକ୍ତଦାନ ଶିବିର ମଧ୍ୟ କରାଯାଇଥାଏ।


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ସଂସଦ ଭବନରେ ଗୁଞ୍ଜିଲା କଳାହାଣ୍ଡିର ଢାପ ନୃତ୍ୟ: କଳାକାରଙ୍କଠୁ ରାମକାଠି ନେଇ ବଜାଇଲେ ମୋଦି

ଭବାନୀପାଟଣା,୧୬।୧୧(ଉତ୍ତମ କୁମାର ଦାଶ): ଦିଲ୍ଲୀ ସଂସଦ ଭବନରେ ଜାତୀୟ ମଞ୍ଚରେ ଝଲସିଲା କଳାହାଣ୍ଡିର ପାରମ୍ପରିକ ଢାପ ନୃତ୍ୟ। ଜନଜାତୀୟ ଗୌରବ ଦିବସ ଅବସରରେ ଭବାନୀପାଟଣାର ପ୍ରତିଭା ଅନୁଷ୍ଠାନର…

ଯେଉଁଠି ପ୍ରଥମେ ଭେଟିଥିଲେ ସୋନିଆ-ରାଜୀବ, ସେହି ରେଷ୍ଟୁରାଣ୍ଟକୁ ଗର୍ଲଫ୍ରେଣ୍ଡଙ୍କ ସହ ଯାଇଥିଲେ ରାହୁଲ! ନିଜେ କଲେ ଖୁଲାସା

ନୂଆଦିଲ୍ଲୀ,୧୬।୧୧: କଂଗ୍ରେସ ସାଂସଦ ରାହୁଲ ଗାନ୍ଧୀ ତାଙ୍କ ମାଆ ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଂ: ଏ ଜର୍ଣ୍ଣି ଅଫ ଲଭ’ର ଉନ୍ମୋଚନ ଅବସରରେ ପରିବାର ସହ ଜଡ଼ିତ…

IPL ନିଲାମୀ ପୂର୍ବରୁ ବଡ଼ ଟ୍ରେଡ୍‌: ବଦଳିବ ଶାମିଙ୍କ ଠିକଣା, ଲକ୍ଷ୍ନୌ ଛାଡ଼ି ଏହି ଦଳକୁ ଯିବେ!

ନୂଆଦିଲ୍ଲୀ,୧୬।୧୧: IPL ନିଲାମୀ ପୂର୍ବରୁ ଖେଳାଳିଙ୍କ ଅଦଳବଦଳ ପ୍ରକ୍ରିୟା ଜୋର୍‌ ଧରିବାରେ ଲାଗିଛି। ଏହି କ୍ରମରେ ଭାରତୀୟ ଦ୍ରୁତ ବୋଲର ମହମ୍ମଦ ଶାମିଙ୍କୁ ନେଇ ଏକ ବଡ଼…

ଥାନାରେ ପଶି ପୋଲିସ ଅଧିକାରୀଙ୍କୁ ହତ୍ୟା ଉଦ୍ୟମ: ଗିରଫ ହୋଇ ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୬।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ଥାନାରେ ପଶି ଏସ୍‌ଆଇ ରାଜ କିଶୋର ପାତ୍ର ଏବଂ ହୋମଗାର୍ଡ ଲକ୍ଷ୍ମୀକାନ୍ତ ମହାପାତ୍ରଙ୍କୁ ହତ୍ୟା ଉଦ୍ୟମ ଘଟଣାରେ ସମ୍ପୃକ୍ତ…

ସେହୱାଗଙ୍କ ପୁଅ ଆର୍ଯ୍ୟବୀରଙ୍କୁ ଲାଗିଲା ବଡ଼ ଝଟ୍‌କା: ଭଲ ପ୍ରଦର୍ଶନ ସତ୍ତ୍ୱେ ଖେଳିପାରିବେନି ଅଣ୍ଡର-୧୯ ବିଶ୍ୱକପ, ଜାଣନ୍ତୁ କାରଣ…

ନୂଆଦିଲ୍ଲୀ,୧୬।୧୧: ଭାରତର ପୂର୍ବତନ ବିସ୍ଫୋରକ ଓପନର ବ୍ୟାଟର ବୀରେନ୍ଦ୍ର ସେହୱାଗଙ୍କ ପୁଅ ଆର୍ଯ୍ୟବୀର ସେହୱାଗ ନିକଟରେ ଅଣ୍ଡର-୧୯ ଏସିଆ କପରେ ନିଜର ଦମଦାର ପ୍ରଦର୍ଶନ ବଳରେ ସମସ୍ତଙ୍କ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?