ନୋଟ୍‌ ବଦଳ ପାଇଁ କମିଶନ ୨ଲକ୍ଷ ଠକେଇ: ୪ ଗିରଫ

କଟକ ଅଫିସ,୯ା୧୨: ପୁରୀସ୍ଥିତ ଏକ ମଠର କର୍ମଚାରୀ ପରିଚୟ ଦେଇ ନୋଟ୍‌ ଏକ୍ସଚେଞ୍ଜ କରିବା ପାଇଁ କମିଶନ ଦେବାକୁ କହି ୨ଲକ୍ଷ ଟଙ୍କା ଠକି ନେବା ଅଭିଯୋଗରେ ୪ ଆନ୍ତଃଜିଲା ଠକଙ୍କୁ ଚାଉଳିଆଗଞ୍ଜ ପୋଲିସ ଗିରଫ କରି ରବିବାର କୋର୍ଟଚାଲାଣ କରିଛି। ସେମାନେ ହେଲେ ଜଗତ୍‌ସିଂହପୁର ଜିଲା ଅଧୀନ ବୁଢ଼ାପଡ଼ାର ମନୋଜ ପଟ୍ଟନାୟକ ଓରଫ ଇଟୁ, ଅନିଲ କୁମାର ଭୋଇ, ଭୂତମୁଣ୍ଡାଇ ପିପଳ ଗ୍ରାମର ପ୍ରଦୀପ ସାମନ୍ତରାୟ ଓରଫ ଟୁକୁନା ଓ ଏରସମା ବ୍ଲକ ଅଧୀନ ପାଲିକଣ୍ଟାର ବାସିନ୍ଦା ତଥା କଟକ ସିଡିଏ ସେକ୍ଟର-୮ରେ ରହୁଥିବା ଈଶାନ ଦାସ। ପୋଲିସ ସେମାନଙ୍କ ନିକଟରୁ ୫ଟି ମୋବାଇଲ ଓ ଗୋଟିଏ ବ୍ୟାଗ ଭର୍ତ୍ତି କାଗଜ ବିଡା ଜବତ କରିଛି।
ପୋଲିସ ସୂଚନା ଅନୁଯାୟୀ, ଜଗତ୍‌ସିଂହପୁର ଜିଲା ତରିକୁଦ ଅଞ୍ଚଳର ସରୋଜ କୁମାର ମହାନ୍ତିଙ୍କୁ ଗତ ଅଗଷ୍ଟ ମାସରେ ଜଣେ ଅଜଣା ବ୍ୟକ୍ତି ଫୋନ କରିଥିଲେ। ନିଜକୁ ଦୀପକ ଓ ସେ ପୁରୀର ଏକ ପ୍ରତିଷ୍ଠିତ ମଠର କର୍ମଚାରୀ ବୋଲି ପରିଚୟ ଦେଇଥିଲେ। ତାଙ୍କ ମଠକୁ ଦାନ ସୂତ୍ରରେ ଲକ୍ଷାଧିକ ଟଙ୍କା ଆସିଥିବାବେଳେ ସବୁତକ ୫୦ ଓ ୧୦୦ ଟଙ୍କିଆ ନୋଟ୍‌। ବ୍ୟାଙ୍କ ଏତେ ପରିମାଣର ୫୦/୧୦୦ ଟଙ୍କିଆ ନୋଟ୍‌ ନେବାକୁ ମନା କରୁଥିବାରୁ ଏହା ପରିବର୍ତ୍ତେ ୧୦ପ୍ରତିଶତ କମିଶନ ଜରିଆରେ ୨୦୦୦ ଟଙ୍କିଆ ନୋଟ୍‌ ଦେବା ପାଇଁ ସରୋଜଙ୍କୁ କହିଥିଲେ। ଫଳରେ ୨ ଲକ୍ଷ ଟଙ୍କାର ନୋଟ୍‌ ବଦଳ କରିବା ପାଇଁ ସରୋଜ ତାଙ୍କ କଥାରେ ରାଜି ହୋଇଥିଲେ। ଗତ ଅଗଷ୍ଟ ୪ ତାରିଖରେ ବିରିବାଟୀ ସ୍ଥିତ ତାରିଣୀ ମନ୍ଦିର ପାଖରେ ଟଙ୍କା ଅଦଳବଦଳ କରାଯାଇଥିଲା। ତିନି ଜଣ ବ୍ୟକ୍ତି ଆସି ପ୍ରଥମେ ସରୋଜଙ୍କୁ ଏକ ଟଙ୍କା ଭର୍ତ୍ତି ବ୍ୟାଗ ଦେବା ସହ ସେଥିରେ ୨ଲକ୍ଷ ୨୦ ହଜାର ଟଙ୍କା ଥିବା ତାଙ୍କୁ କହିଥିଲେ। ବଦଳରେ ସରୋଜ ସେମାନଙ୍କୁ ୨ଲକ୍ଷ ଟଙ୍କାର ୨ହଜାର ଟଙ୍କିଆ ନୋଟ ଭର୍ତ୍ତି ବ୍ୟାଗ ଦେଇଥିଲେ। ତେବେ ସରୋଜ ଘରକୁ ଫେରି ଉକ୍ତ ବ୍ୟାଗ ଖୋଲି ଦେଖିଲା ବେଳକୁ ସେଥିରେ ଟଙ୍କା ବଦଳରେ କାଗଜବିଡ଼ା ଥିବା ଜାଣିଥିଲେ। ଏହା ପରେ ସେ ଚାଉଳିଆଗଞ୍ଜ ଥାନାରେ ଅଭିଯୋଗ କରିବା ପରେ ପୋଲିସ ଏକ ମାମଲା(ନଂ.୨୩୬/୧୯) ରୁଜୁ କରିଥିଲା।
ଏହି ଟଙ୍କା ଅଦଳବଦଳ ପଛରେ ଏକ ବଡ ର଼୍ୟାକେଟ କାମ କରୁଥିବା ତଦନ୍ତ ବେଳେ ପୋଲିସ ଜାଣିବାକୁ ପାଇଥିଲା। ଏହି ଘଟଣାରେ ପୋଲିସ ମନୋଜଙ୍କୁ ପ୍ରଥମେ ଚିହ୍ନଟ କରିଥିଲା। ମନୋଜ ସରୋଜଙ୍କ ବନ୍ଧୁ ଥିଲେ। ମନୋଜ ହିଁ ସରୋଜଙ୍କ ମୋବାଇଲ୍‌ ନମ୍ବର ତାଙ୍କ ସାଥୀମାନଙ୍କୁ ଦେଇ ଏହି ଠକେଇ କରିବାରେ ସହଯୋଗ କରିଥିଲେ। ପୋଲିସ ମନୋଜଙ୍କୁ ଜେରା କରିବା ପରେ ଶନିବାର ଅନ୍ୟ ତିନି ଅଭିଯୁକ୍ତ ଅନିଲ, ଟୁକୁନା ଓ ଇଶାନଙ୍କୁ ଗିରଫ କରିଥିଲା। ସେମାନେ ଦୀର୍ଘଦିନ ହେବ ଏହି ର଼୍ୟାକେଟ୍‌ ଚଳାଇଥିବା ପୋଲିସ ତଦନ୍ତରୁ ଜାଣିବାକୁ ପାଇଛି। ଅଭିଯୁକ୍ତମାନେ ବିଭିନ୍ନ ବ୍ୟବସାୟିକ ପ୍ରତିଷ୍ଠାନର ସାଇନବୋର୍ଡରେ ଲେଖାଥିବା ମାଲିକଙ୍କ ଫୋନ ନମ୍ବର ଆଣି ଏଭଳି କାରବାର କରୁଥିଲେ। କେଉଁଠି ୧୦ ପ୍ରତିଶତ, ଆଉ କେଉଁଠି ୨୦ ପ୍ରତିଶତ ଅଧିକ କମିଶନ୍‌ର ଲୋଭ ଦେଖାଇ ଲୋକମାନଙ୍କୁ ନିଜ ଜାଲରେ ଫସାଇଥିଲେ। ପରେ ଚତୁରତାର ସହ କାଗଜବିଡା ଧରାଇ ଅସଲି ନୋଟ୍‌ ନେଇ ଫେରାର ହୋଇଯାଉଥିଲେ। ଏହାପୂର୍ବରୁ ଅଭିଯୁକ୍ତମାନେ ସମାନ ଢଙ୍ଗରେ ତାଳଚେରର ଜିତେନ୍ଦ୍ର ସେଠୀଙ୍କୁ କଟକ ନଖରା ପାଖକୁ ଡାକି ୧ଲକ୍ଷ ଟଙ୍କା ଠକି ନେଇଥିଲେ। ସେହିପରି ପାରାଦୀପର ଭରତ ନାମକ ଜଣେ ବ୍ୟକ୍ତିଙ୍କୁ ଏସ୍‌ସିବି ମେଡିକାଲ ପାଖକୁ ଡାକି ୧ଲକ୍ଷ ୮୦ ହଜାର ଟଙ୍କା ଠକି ନେଇଯାଇଥିବା ପୋଲିସ ସୂଚନା ଦେଇଛି।


Enter your email to get our daily news in your inbox.

All Right Reserved By Dharitri.Com

କ୍ରିକେଟ୍‌ରେ ନୂଆ ଇତିହାସ ଲେଖିଲେ ଜିମ୍ବାଓ୍ବେ ଖେଲାଳି: ହାସଲ କଲେ ଏମିତି କାରନାମା

ନୂଆଦିଲ୍ଲୀ,୧୬।୧୧:ଟେଷ୍ଟ କ୍ରିକେଟ୍‌ରେ ନିଜ ବ୍ୟାଟିଂ ଦକ୍ଷତାରେ ଇତିହାସ ରଚିଛନ୍ତି ଜିମ୍ବାୱେର ଦ୍ରୁତ ବୋଲର ବ୍ଲେସିଂ ମୁଜାରାବାନି। ନମ୍ବର-୧୦ରେ ବ୍ୟାଟିଂ କରି ଟେଷ୍ଟରେ ଅର୍ଦ୍ଧଶତକ ହାସଲ କରିବାରେ ସେ…

ଅନ୍ତର୍ଜାତୀୟ ବାଲୁକା କଳା ପ୍ରଦର୍ଶନୀ ପାଇଁ ଓମ ପ୍ରକାଶଙ୍କ ପ୍ରସ୍ତୁତି: ଓଡ଼ିଶାର ଐତିହ୍ୟକୁ ବିଶ୍ୱ ଦରବାରରେ ପହଞ୍ଚାଇବା ଲକ୍ଷ୍ୟ

କର୍ଲାମୁଣ୍ଡା,୧୬।୧୧(ପ୍ରଦୀପ କୁମାର ସାହୁ):କୋଣାର୍କର ଚନ୍ଦ୍ରଭାଗା ବେଳାଭୂମିରେ ଡିସେମ୍ବର ୧ରୁ ୫ ତାରିଖ ପର୍ଯ୍ୟନ୍ତ କୋଣାର୍କ ମହୋତ୍ସବ ଅନୁଷ୍ଠିତ ହେବ। ଏଥିରେ ଭାଗ ନେବା ପାଇଁ ପଶ୍ଚିମ ଓଡ଼ିଶାର…

ଆଞ୍ଚଳିକସ୍ତରୀୟ କବାଡି ପ୍ରତିଯୋଗିତା ଉଦ୍‌ଯାପିତ: ଭବାନୀପାଟଣା ଚାମ୍ପିୟନ

ରିଷିଡ଼ା,୧୬ା୧୧(ସୁଶାନ୍ତ ମଲ୍ଲିକ): କର୍ଲାମୁଣ୍ଡା ବ୍ଲକ ରିଷିଡ଼ାସ୍ଥିତ ଜଗନ୍ନାଥ କୌଶଲ୍ୟା ଉଚ୍ଚ ମାଧ୍ୟମିକ ବିଦ୍ୟାଳୟଠାରେ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଓଡ଼ିଶା ପକ୍ଷରୁ ତ୍ରିଦିବସୀୟ ଆଞ୍ଚଳିକସ୍ତରୀୟ କବାଡି ପ୍ରତିଯୋଗିତା…

ଟେଷ୍ଟ କ୍ରିକେଟରୁ ଅବସର ନେଇ ବଡ଼ ଭୁଲ କରିଦେଲେ କୋହଲି-ଶାମି: କପିଳଙ୍କ ଚାଞ୍ଚଲ୍ୟକର ଦାବି, କହିଲେ-୧୦ ବର୍ଷ ପରେ…

ନୂଆଦିଲ୍ଲୀ,୧୬।୧୧: ଭାରତୀୟ କ୍ରିକେଟର ଦିଗ୍ଗଜ ବ୍ୟାଟର ବିରାଟ କୋହଲି ଏବଂ ଅଭିଜ୍ଞ ଦ୍ରୁତ ବୋଲର ମହମ୍ମଦ ଶାମି ଟେଷ୍ଟ କ୍ରିକେଟରୁ ସନ୍ନ୍ୟାସ ନେଇସାରିଛନ୍ତି। କୋହଲି ୨୦୨୫ ଜୁନରେ…

ଟିମ ଇଣ୍ଡିଆକୁ ବଡ଼ ଝଟ୍‌କା: ପୁଣି ଆହତ ହେଲେ ଷ୍ଟାର୍‌ ଖେଳାଳି

ନୂଆଦିଲ୍ଲୀ,୧୬।୧୧: ଭାରତୀୟ କ୍ରିକେଟ ଦଳର ଅନେକ ଷ୍ଟାର୍‌ ଖେଳାଳି ଏବେ ସୟଦ ମୁସ୍ତାକ ଅଲ୍ଲୀ ଟ୍ରଫି ୨୦୨୬ରେ ଖେଳୁଥିବା ନଜର ଆସୁଛନ୍ତି। ଏହି ଟୁର୍ନାମେଣ୍ଟରେ ଭଲ ପ୍ରଦର୍ଶନ…

ବରିଷ୍ଠ ଆଇନଜୀବୀ ଦୁର୍ଗା ପ୍ରସାଦ ମଣିପାତ୍ରଙ୍କ ବିୟୋଗରେ ଗୁଣପୁର ଓକିଲ ସଂଘର ଶୋକସଭା

ଗୁଣପୁର, ୧୬।୧୧ (ସୁଜାତା ପାଢ଼ୀ): ରାୟଗଡ଼ା ଜିଲା ଗୁଣପୁର ଓକିଲ ସଂଘର ବରିଷ୍ଠ ଆଇନଜୀବୀ ଦୁର୍ଗା ପ୍ରସାଦ ମଣିପାତ୍ରଙ୍କ ୭୫ ବର୍ଷ ବୟସରେ ଶନିବାର ପରଲୋକ ଘଟିଥିଲା।…

ପର୍ଯ୍ୟଟକଙ୍କ ପାଇଁ ଖୋଲିଲା ଦାରିଙ୍ଗବାଡ଼ି ଇକୋ ରିଟ୍ରିଟ: ୨୮ ତମ୍ବୁ ଘର ସହ ପଞ୍ଚତାରକା ହୋଟେଲ୍‌ର ସୁବିଧା

ଦାରିଙ୍ଗବାଡ଼ି, ୧୬।୧୧ (ଅରୁଣ ସାହୁ): ପର୍ଯ୍ୟଟକଙ୍କ ପାଇଁ ଖୋଲିଲା କନ୍ଧମାଳ ଜିଲାର ପ୍ରସିଦ୍ଧ ପର୍ଯ୍ୟଟନସ୍ଥଳୀ ଦାରିଙ୍ଗବାଡ଼ି ଇକୋ ରିଟ୍ରିଟ। ଚଳିତ ବର୍ଷର ଇକୋ ରିଟ୍ରିଟକୁ ରାଜ୍ୟ ପର୍ଯ୍ୟଟନ…

ଗର୍ଭରେ ଆଲିଆ ଭଟ୍ଟ ଥିବାବେଳେ ଗୋଟିଏ ଦିନରେ ୧୦୦ ସିଗାରେଟ ଟାଣୁଥିଲେ ମା’ ସୋନି ରାଜଦାନ, ନିଜେ ଖୋଲିଲେ ଗୁମର

ମୁମ୍ବାଇ:ବଲିଉଡ୍‌ର ଜଣାଶୁଣା ଅଭିନେତ୍ରୀ ସୋନି ରାଜଦାନ ନିଜ ଦମ୍‌ଦାର ଅଭିନୟ ପାଇଁ ବେଶ ପରିଚିତ। ଦୀର୍ଘଦିନ ଧରି ଫିଲ୍ମ ଇଣ୍ଡଷ୍ଟ୍ରିରେ ସକ୍ରିୟ ଥିବା ସୋନି ନିଜ ଚରିତ୍ରକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?